ازاى اروح العاشر من المنصورة عن طريق السنبلاوين ؟
و ياريت بالتفصيل عشان اخوكو مايتهش , و المسافة تقريبا كام كيلو من المنصورة .
ازاى اروح العاشر من المنصورة عن طريق السنبلاوين ؟
و ياريت بالتفصيل عشان اخوكو مايتهش , و المسافة تقريبا كام كيلو من المنصورة .
فين الشباب ؟؟
شوف ياباشا اصل الموضوع كبير و صعب في نفس ذات الوقت
حضرتك تمشي طريق المنصوره - السينبلاوين ثم طوالي الي ديرب نجم و تكمل لحد الزقازيق حلو
من الزقازيق بقي تكمل علطول لحد متلاقي الطريق اتقسم يمين و شمال خاليك انت في اليمين علطول هتلاقي الناس ماشيه يمين معاهم و هتلاقي كوبري معدي البحر شمال تخش فيه علطول هاتنزل النفق اللي بيعدي من تحت قضيب القطر تطلع من النفق شمال
دا اسمه طريق القاهره علشان لو تهت تبقي تسال
تكمل طوالي هايبقي القطر علي شمالك كده طوالي لحد ماهاتطلع كوبري و تنزل هتلاقي القطر بقي علي يمينك طوالي بردوا لحد ماتخش بلبيس
عند بلبيس هتلاقي الطريق بقي في طوالي و شمال خاليك انت في الشمال طوالي بردوا لحد ماتطلع كوبري يعدي البحر بس كوبري كبير تنزل و طوالي هتلاقي علي شمالك كليه الجويه طوالي بردوا هتلاقي الطريق خلص و في شمال و يمين خاليك انت شمال هتكمل كده هتلاقي ميدان كبير و عليه طياره حربيه دا رمز للكليه الجويه تلف الصينيه شمال و طوالي بقي لحد ماتوصل العاشر من رمضان بالالف سلامه
مش حضرتك تقصد العاشر من رمضان ولا الحي العاشر اللي في مدينة نصر
بالظبط كده زى ما ا . وليد قال لحضرتك
تاخد وصله المنصوره للسنبلاوين و منها لديرب و منها للزقازيق و من الزقازيق هتاخد طريق القاهره الصحراوى ( فى طريقين للقاهره من الزقازيق : زراعى وده عن طريق منيا القمح و بعدها بنها وبعدين القاهره وده ملناش دعوه بيه ,, والتانى الصحراوى اللى هتركبه بيعدى على بلبيس وقرى حوض الندى واولاد سيف و العرايشيه )
فى طريق بلبيس بعد ماتطلع من الزقازيق بشزيه هتلاقى كوبرى بردين تطلعه (تحته مدينه بردين) وبعده بفتره هتلاقى كوبرى بلبيس ( تحته اتجاه مسطرد ) وبعد الكوبرى شويه وهتلاقى الكليه الجويه على شمالك تكمل طوالى لحد متلاقى نفسك فى ميدان الطياره (صينيه و فى وسطها طياره كبيره )
لوكملت طوالى ده طريق القاهره الصحراوى ( الهايكستب ) ولما تدخل شمال كده انت مسكت اخر وصله ومنها للعاشر من رمضان
توصل بالسلامه و ارجو مكونش توهتك
فعلا اقصد العاشر من رمضان شكرا للشباب
معلش هيه تقريبا المسافة كام من المنصورة للعاشر م رمضان ؟؟
كلام الشباب مظبوط
الحقيقة معرفش المسافة كام كم
لكن كل اللي اقدر افيدك فيه خلي بالك من من طريق السنبلاوين الزقازيق طريق فردي و بيعدي على قرى كتير و مليان جبال (مطبات)
خلي بالك لو هتسافر بالليل .. بيكون كحل في بعض المناطق
الطريق من المنصورة للسنبلاوين حلو لكن و انت راجع وحش و في حفر عند مدخل مطار المنصورة الحربي و قرية اسمها البقلية (خلي بالك خصوصاً لو بالليل)
ترجع بالسلامة ان شاء الله :))