ازاى اروح العاشر من المنصورة عن طريق السنبلاوين ؟

**Lion_Heart** · 11-09-2009 06:39 PM

ازاى اروح العاشر من المنصورة عن طريق السنبلاوين ؟
و ياريت بالتفصيل عشان اخوكو مايتهش , و المسافة تقريبا كام كيلو من المنصورة .

**Lion_Heart** · 13-09-2009 03:29 AM

فين الشباب ؟؟

**WalidAdel** · 13-09-2009 04:01 AM

شوف ياباشا اصل الموضوع كبير و صعب في نفس ذات الوقت
حضرتك تمشي طريق المنصوره - السينبلاوين ثم طوالي الي ديرب نجم و تكمل لحد الزقازيق حلو
من الزقازيق بقي تكمل علطول لحد متلاقي الطريق اتقسم يمين و شمال خاليك انت في اليمين علطول هتلاقي الناس ماشيه يمين معاهم و هتلاقي كوبري معدي البحر شمال تخش فيه علطول هاتنزل النفق اللي بيعدي من تحت قضيب القطر تطلع من النفق شمال
دا اسمه طريق القاهره علشان لو تهت تبقي تسال
تكمل طوالي هايبقي القطر علي شمالك كده طوالي لحد ماهاتطلع كوبري و تنزل هتلاقي القطر بقي علي يمينك طوالي بردوا لحد ماتخش بلبيس
عند بلبيس هتلاقي الطريق بقي في طوالي و شمال خاليك انت في الشمال طوالي بردوا لحد ماتطلع كوبري يعدي البحر بس كوبري كبير تنزل و طوالي هتلاقي علي شمالك كليه الجويه طوالي بردوا هتلاقي الطريق خلص و في شمال و يمين خاليك انت شمال هتكمل كده هتلاقي ميدان كبير و عليه طياره حربيه دا رمز للكليه الجويه تلف الصينيه شمال و طوالي بقي لحد ماتوصل العاشر من رمضان بالالف سلامه
مش حضرتك تقصد العاشر من رمضان ولا الحي العاشر اللي في مدينة نصر

**Lion_Heart** · 18-09-2009 01:58 AM

فعلا اقصد العاشر من رمضان شكرا للشباب
معلش هيه تقريبا المسافة كام من المنصورة للعاشر م رمضان ؟؟

**M.Osman** · 18-09-2009 10:09 PM

كلام الشباب مظبوط
الحقيقة معرفش المسافة كام كم
لكن كل اللي اقدر افيدك فيه خلي بالك من من طريق السنبلاوين الزقازيق طريق فردي و بيعدي على قرى كتير و مليان جبال (مطبات)
خلي بالك لو هتسافر بالليل .. بيكون كحل في بعض المناطق

الطريق من المنصورة للسنبلاوين حلو لكن و انت راجع وحش و في حفر عند مدخل مطار المنصورة الحربي و قرية اسمها البقلية (خلي بالك خصوصاً لو بالليل)

ترجع بالسلامة ان شاء الله :))