ربنا معانا ومين عارف يمكن يجي الاحلال لصالحنا ونبقا احنا الي كسبنا
عرض للطباعة
ربنا معانا ومين عارف يمكن يجي الاحلال لصالحنا ونبقا احنا الي كسبنا
انا هقولكو رايي في الموضوع ده بما اني كنت مالك للعربيه ديه 131 الماني مكيفه كمان موديل 1984
بصراحه لازم سعرها ينزل و انا بعت بخساره جامده مع اني كنت صارف عليها كتيير اوي اساسيات
و الحمد لله كنت راضي
بصراحه القديم بقي عيوبه كتير قوي و خصوصا من وجهة نظري الفيات
حسيت والله مهما بصرف العربيه مبترضنييش خالص
مثلا اجيب طقم كهرباء و فلاتر تبقي طياره مفيش يومين و الاقي حاجه تانيه باظت تعكنن عليا
ده غير طبعا تقلها و الفصول البايخه اللي احنا حافظينها
من سخونه و نقص ميه و مش عارف جوان اتقطع و زيت بيقع و شويه كوعه الميه تدوب و الميه تنزل
و شويه ترموستات يعلق و العربيه تسخن و شويه كتاوت يبوظ مع انك لسه جايب اغلي نوع و تصحي الصبح تلاقي البطاريه نايمه او الدينامو فاصل و ساعات النور بعلق اي عكننه و السلام و لييييييييييييله
انا عارف انه مع الاهمال ممكن كل ده يحصل في عربيه حديثه بس بنسب
اكيد النسبه بتزييد قوي في القديم مهما كان محافظ عليه نتيجه لتهالك الاجزاء الداخليه و الخارجيه عمرها الافتراضي خلاص انتها و احنا بنقاوح كمان 90 % من قطع الغيار بقت بايظه خلاص مضروبه و مقرفه اخر حاجه
خلاصه تجربتي مع العربيه ديه اني قعدت بيها سنه بس مشاوير محترمه
و للاسف كل اسبوع اكون في زياره لاي صنايعي مره او مرتيين في الا سبووع
ده غير المواقف البايخه علي المحور والكباري
و عملتها معايا و انا رايح الامتحان مرتين في حاجات كنت لسه مغيرها
والله ما كنت ببخل عليها
اغلي حاجه بجيبها
براضي الصنايعي صح عشان يشتغل
اي زنه بعملها
بس جالي اسبوع غيرت فيه العفشه والبطاريه و حاجات كتير صرفت بتاع 5000 جنيه
و برده اركب اتعكنن من حاجات تانيه
قررت ابيعها و اشتري عمري و اعصابي
مهما كان هخسر فيها
و خسرت فيها كتير
و لما جيت اشتري حاجه تانيه
منت بدور برده في المستعمل و علي فكره كله نزل من الفيات للمرسيدس للجولف
يعني هتبيع رخيص و تشتري رخيص
بس الحمد لله في الاخر ربنا هداني للزيرو
يا جدعان إتقوا الله
عربية عمرها تلاتين سنة و اكتر و عايزينها تتباع بتلاتين الف جنية ؟ ليييييييييييييييييييية؟
هي أصلا 131 زيرو كانت بكام ؟ انا علي حد علمي في 1980 مثلا مكانش تمنها يكمل 7000 جنية يعني تقريبا حوالي 35000جنية لو حسبناها بالدولار بما أن ايامها كان الدولار بيساوي جنية، عايزينها تتباع النهاردة بنفس السعر
دة انا نفسي يعملوا إحلال علشان نتعتق من العربيات اللي مطلعة روحنا في الشوارع و محدش من أصحابها خايف انة يخبطنا ولا اي حاجة
اساسا هي غلطة اللي اشتري العربية بعشرين الف جنية في وقت كان اللانوس اول ما نزلت من عشر سنين بـ 36 الف زيرو و كانت الإكسيل كاملة مكملة مش مكملة 50 الف جنية
ايه ده ؟؟؟؟ اييييه ده ؟؟؟ أنا حاسس ان انا اللى كاتب الكلام ده ..... بجد عبرت عن كل اللى نفسى أقوله .... :hlopaet_prv:
العربية فعلا مش عارف بتبوظ بسرعة ليه كده .... رغم انه لا خلاف انها عربية قوية و موتورها محترم ... و بتستحمل حركات غباوة كتيرة منّى :shyy: ..... بس فعلا زى ما حضرتك قلت .. لازم كل اسبوع زيارة للصنايعية ... مش عارف العيب فيها و للا فيّا :36_1_40[1]: ..... ده غير قطع الغيار المضروبة .. خصوصا البوجيهات و حاجات الكهربا
الكلام الاول كان تصريحات بس بعد كده الكلام دخل مجلس الشعب يعنى بيحضروا لينا مفاجاءة العيد
معرفش والله العربية كان ثمنها كام وقتها بس اكيد ظروف المعيشة وتكاليفها كانت تخلى المبلغ ده شئ
على ما اتذكر ان راتب الموظفين " على حسب ما بشوف فى الافلام" ايامها كان ميزدش عن 15 جنيه
ربنا يديك خيرها ويكفيك شرها ويبارك لك فيها
بس مش تنسي الرابطه :b4_033:
العربية فتحت معاك وتعبت ليك اعصابك فكان من حقك انك تزهق منها وتشوف غيرها
الا لسه مش قولت بعتها بكام؟؟
اكيد وربنا يقوينا على اللى بيحصل فينا
فعلا العربية بستحمل حركات كتيرة صعب انها تستحملها منى وعلشان كده مش أقدر منها ينفع انى امشي بيه فى شوارع المحروسة
بس حكايه انك كل اسبوع عن الصنايعية كانت عندى قبل كده بس كان فى الاول بس لحد ما ظبط العربية
وبدئت اقتنع ان ممكن اركب ليها قطع غيار شاهين
ادعو ربنا يسهلها ونجيب جديد
اولا هى مش ارخص من ال128 ولا حاجه لان مافيش 128 بالسعر ده
الا اذا كنت تقصد من سنتين مثلا
ثانيا سعرها لازم ينزل كده
لان الشاهين تسعينات سعرها وصل 24000جنيه
يبقى من البديهى سعرها ينزل والا هتبق اغلى من الشاهين وده مستحيل
لسه واحد صاحبى مشترى 131 موديل 76 مجدده بالكامل دواخل فبريقه
جنوط سبور سنتر وانذار حاله ممتازه ب16000جنيه
وعلى فكره هى مش لقطه بالعكس ده السعر المنطقى لظروف الاسعار الحاليه
[frame="9 10"]
سعر 131 موديل 1983بيع كان 9000جنية
انا عربيت والدى جبها بالسعر دة سنتها
كمان انا موافق ان النظام فى مصر يكون زى برة
يعنى العربية بعد عشر سنين بالكتير متساويش تمن صيانتها بس بشرط ينزل اسعار الزيرو و كمان رفع مستوى الدخل العام
انا ماخدش من برة جزء و اسيب الباقى
كل بلد ليها ظروفها و احوالها الى مش من السهل انها تنطبق على بلد تانية
انا اتمنى انى اكون راكب على طول موديل السنة او بالكتير خمسة او عشرة سنين قبل و اغير
بس
هل ظروفى تسمح بكدة ؟؟؟؟؟
هل دخلى يسمح بكدة ؟؟؟؟؟؟؟؟؟
هل اسعار العربيات تسمح بكدة ؟؟؟؟؟؟؟؟؟؟؟؟
اسعار الفايدة و التامين المحترم الموجود على العربيات يسمح بكدة ؟؟؟؟؟؟؟؟
انا مع القانون بس الاوضاع تتعدل لصالح المواطن صح
[/frame]
[frame="9 10"]
بصراحة صعب الى حصل معاك
علشان كدة العربية لما تكون بيتى و متصانة دايما حتى لو مستعملة بتكون اريح
بس ارجع تانى و اقول
انا معايا 131وايدى فيها على طول و بصلح العطل بدرى و قبل ما يسمع فى حجات تانية
والحمد الله ممكن اروح للميكانيكى بالكتير اوى مرة كل اربع تشهر غير فى حالات الى بيكون فيها شغل كتير وبركز فيها و بخلصها و ارتاح
كمان 131فيها ميزة اسعار قطع الغيار
اكيد اى حد معاة عربية جديدة حاسس بالكلمة دى و عارف يعنى اية صيانة و مصاريف عربية جديدة فى الصيانة
على كل حال مبروك العربية الجديدة و متبعش الرابطة مع العربية :11:
[/frame]