عيوب النيو سيراتو ( لمالكى السيراتو فقط)

**awdallah** · 11-09-2009 08:16 PM

أخوانى الأعزاء......... السلام عليكم و رحمه الله و بركاته

انا اخوكم خالد و هذه اول مشاركه لى فى المنتدى. انا حجزت نيو سيراتو الفئه sx بفتحه سقف و عاوز اعرف عيوبها الحقيقيه لأنى لو لقيت عيوبها جامده بالنسبه لى سوف الغى الحجز بتاعها.

أولا : انا شوفتها كذا مره و ركبنها و سوقتها بس لفه صغيره العربيه كانت سحبها كويس و قاعدتها حلوه بس كان ليا شخصيا بعض الملاحظات:
1- الصالون ماكنش قوى فى اول فئه اوتوماتيك و الابواب من جوه كانت خامتها مش قوى و حسيت ان الصالون مش حيعيش كتير مع انى اعزب و ماعنديش اولاد يبهدلوا العربيه و من النوع اللى بيحافظ على الحاجه قوى
2 - صاحب العربيه كان بيشتكى ان العفشه ناشفه و انه متضايق منها مع ان العربيه ماكانتش مجنطه اصلا
3- انا حسيت ان الصاج خفيف و مش حيستحمل
4- الاكره بتاعت الباب من بره كانت خشنه اوى فى الفتح مقارنه بالانسر معرفش ده بسبب ان العربيه جديده ولا هيا كده اصلا مع ان العربيه عامله 6000 كيلو
بالله عليكم ساعدونى بأمانه لان ربنا هوه اللى عارف انا جمعت ازاى ثمن المقدم بتاعها و لو خدت فيها مقلب يبقى لبست فى الحيطه.

ملحوظه هامه: هذا الموضوع لمالكى السياره فقط و ليس مجال للمقارنه بأى نوع اخر او السب الأعمى فى السياره

و جزاكم الله خيرا

**GasDealer** · 11-09-2009 09:37 PM

اعتقد انك قلت كل الملاحظات.. و انت شوف المناسب بالنسبة لك

**nab!l** · 11-09-2009 09:53 PM

انا مش من مالكى السيراتو
بس ملاكها هنا قالو ان العفشة ناشفة فى الجنط 17 بس
16 بيقولو كويس

**facereality3** · 11-09-2009 09:57 PM

I own the HI-LINE, and in my opinion, the suspension is perfect (compared to any car even a BMW with 17 inch rims)..and actually it'll give you some sort of imaginary stability at high speeds +160 km/h
and as for the interiors, I dont find any mess or problems occuring there with the materials, the only main problem of this car is that people try to find illusionist problems which actually dont exist there at all
my advice to you is to enjoy your new ride, and to try to figure out the pros in it not the cons.

**awdallah** · 12-09-2009 12:30 AM

100000000000000 شكر يا جماعه على الأهتمام

**awdallah** · 12-09-2009 06:02 PM

ايه يا رجاله مفيش حد تانى من مالكى لسيراتو عاوز يرد عليا

**medoxmedox** · 12-09-2009 06:22 PM

يا جماعه بصراحه انا معايا سيراتو جنط 17 كلام الناس في المنتدي هوا اللي خلاني اقتنع ان العفشه ناشفه
بس اصحابي لما بيركبو معايا بيقولولي انها مش ناشفه

**gasserissa** · 12-09-2009 06:29 PM

بص يا جميل انا معايه ال ex الجنوت 16 معنديش اي مشكله في موضوع العفشه ديه و خصوصا لما تحط نيتوجين
موضوع الخمات الداخلية بص هو مفيش اختلاف في الخامه بين اي فائه في العربيه هو اختلاف الشكل عربية حضرتك انشاء الله هتلاقي شكل الخمات الداخليه اشيك بكتير و هتحس الفرق و الخمات انا شايف اناها تعيش عادي
موضوع الصاح هو خفيف بس لاسباب تم ذكرها من قبل في موضيع مختلفه في القسم ممكن تلف لفه كده و انت هتفهم
معرفش موضوع الوكر ده اعتقد انها مشكله فرديه لان مفيش حد اشتكا منها قبل كده وانا الاكر عندي زي الفل

**awdallah** · 12-09-2009 11:18 PM

10000000شكر يا شباب على الأهتمام
و ربنا يباركلكوا فيها و استمتعوا بيها لحد ما استلم العربيه و استمتع معاكوا إن شاء الله

**kassab** · 14-09-2009 01:03 AM

السلام عليكم ورحمة الله وبركاته
اخى الكريم
انا معايا نيو سيراتو خليجى 2010 اس اكس بفتحة سقف وجنط 16 من شهرين حتى الان عملت بيها 5000 كم ولم اعمل صيانة الـ 5000

اول ما استلمتها حسيت ان العفشه ناشفه جدا ... دخلت البنزينه .. ظبطت الهواء على 28 لأنه اتضح كان 40 ... ولما سألت قالوا كل الزيرو بيبقى كده فى الاول علشان التخزين
مشيت بيها 800 كم ... حسيت ان التكييف ضعيف شويه و فرامل اليد محتاجه ضبط والعفشه بقت صعبه جدا ... رحت عملت صيانه .. وبلغتهم بالكلام ده ... بعد الصيانه بقت عفشة العربية زى الملبن ومش حاسس بأى حاجه جواها والتكييف بيتحسن يوم بعد يوم ... وسافرت بيها وكانت ممتازه ... بعد ما وصلت لـ 4000 كم ... ابتديت احس ان العفشة ابتدت تبقى ناشفه تانى ... رحت اسأل مركز الصيانه ... قالى لازم تعمل صيانه للعفشة بالذات كل 5000 كم علشان شوارعنا اسوء شوارع فى العالم وكفاية فواصل كوبرى 6 اكتوبر وعين القطه اللى فى كل حته .

تحياتى