:ask::ask::ask:
عرض للطباعة
:ask::ask::ask:
من شهر اشتريت جيتا 2009 خليجي باسيك (من غير كماليات) من عند ناشيونال موتورز ب159000 و دي ملاحظاتي:
عيوب:
صوت الموتور عالي جدا حتى بعد صيانة الالف
السحب تقيل شويه (انا واخد على المانيوال)
العربيه واطيه و بتحك لما تكون محمله
العفشه ناشفه جدا و دي اكثر حاجه مدايقاني لاني باحس باي شيء في الاسفلت كأني ماشي حافي !!
صوت الحساسات الخلفيه واطي جدا
التكييف مش ساقع زي الياباني
الفرامل بتدي صوت هواء في اول الدوسه لكنها قويه و الصيانه قالوا لي ده عادي
مميزات:
الشكل الخارجي فخم جدا خصوصا الزجاج الخلفي الملون
شكل التابلوه رائع
انوار التابلوه الاحمر في ازرق قمه في الاناقه
النقل مريح جدا
الجلوس في اي مقعد بالسياره متعه حقيقيه
اعظم شيء هو الثبات على السرعات العاليه و المنحدرات
الطاره مريحه و استجابتها ممتازه
الحساسات الخلفيه مفيده جدا لو بس صوتها يعلا !
............... يا ريت اسمع تعليقاتكم .......................................
كل الملاحظات فى محلها فعلا
ولاكن العربيه ممتازة بردو واداءها روعه وقمه فى الاحترافيه
وربنا يباركلك فيها يا بوب ,, بالتوفيق
العربيه في المجمل طبعا رائعه
اعتقد ان مفيش مشكله في تركيب فرش جلد
ربنا يباركلك فيها إن شاء الله
ليه حضرتك اشتريتها خليجى ؟ مش خايف من مشاكل فى العربية لا قدر الله ؟
قبل الشراء سألت كتير و اعرف ناس بتفهم في الميكانيكا و نصحوني بالخليجي لان مواصفات الامان افضل (تاني مواصفه بعد الاوروبي) كمان التهويه و تبريد الموتور افضل و الدهان بيستحمل الحراره . فوق كده فيها حساسات ركن خلفي و زجاج ملون و جنوط اعرض و فوج لايت كمان ارخص من التوكيل ب10000 جنيه. ولو ان الوكيل عربيته فيها كاسيت و تكييف احدث و حساب استهلاك الوقود بالتفصيل.
بالنسبه لموضوع الضمان الكل اكد ان الجيتا نادرة العيوب و مفيش خوف منها كمان المعرض مديني ضمان ضد عيوب الصناعه (سنه او 20000 كم)
جرب كده ياباشا تظبط الكاوتش على 28 او 30 علشان انا حاسس ان الهوا زايد عندك علشان العفشه مش ناشفه خالص و بعدين المفروض اول صيانه بعد 5000 كم !!! المفروض صوت الموتور يهدى بعد 5000 كم مش 1000 و السحب كمان لسه هايتحسن و لو تعرف جرب بنزين 95 و شوف الفرق
أولا ربنا يباركلك فيها بس انت قارنت عفشتها بعربيه تانيه ؟
يعنى ركبت عربيه فى نفس مستواها و شفت فرق العافشه و لا انت حاسس ان العافشه ناشفه من غير ما تجرب عربيه تانيه ؟
و على العموم من سمات الالمانى ان عفشتها ناشفه بس مش للدرجه اللى بتقول عليها انك حاسس انك ماشى حافى
و ربنا يكفيك و يكفينا شر طريقها و طريق عربياتنا
افهمز ازاى عفشة العربية ناشفة
كان معنا البورا وكانت ناعمة جدا وكانت انعم من 406 و 206 بمراحل
افهم ازاى انها ناشفة لان نعوميتها كانت بتعادل اليابانى فى النعومة