وظيفه فى شرم الشيخ

**أحمد كمال** · 16-09-2009 03:37 PM

المشاركة الأصلية كتبت بواسطة Hossam_Hassan

اولا العضو اللى عمل الاعلان مش هيستضيف لا صاحبة الوظيفة ولا حد جاى معاها، ده عرض شغل، يعنى السكن اللى هيتوفرلها او بدل السكن اللى هتاخده جزء من مرتبها مش استضافة، و طبعا تفرق كتير مادمنا هنفكر بالاسلوب المتشكك ده.

ثانيا حضرتك تتوقع ان حد يطلب بائع او بائعة فى محل و يقول ان المظهر لا يهم؟ و كمان هو قال حسنة المظهر، يعنى لم يضع شروط محددة كلبس ميكرو جيب مثلا علشان نشكك فى نواياه و بكرر ان حسن المظهر جزء مهم من عملية التسويق و ولو حضرتك ما يفرقش معاك انك تدخل محل وتلاقى بائع او بائعة شكلهم مبهدل و غير مهتمين بنظافتهم الشخصية مثلا، يبقى حضرتك استثناء من قاعدة علشان اغلب الناس بيهتموا بكده.

ثالثا انا مش هينفع اناقش الناحية الدينية لانى غير متخصص ولا يحق لى الفتوة، لكنى اقدر اقول بكل ثقة ان اولا الأعمال بالنيات ولا يصح التشكيك بنية زميلنا المعلن باى شكل من الأشكال و ثانيا ان ديننا الجميل اللى ماينفعش حد يغلبه بيراعى اختلاف الازمنة و الظروف، لأن سفر المرأة فى الصحراء على جمل لشهور طويلة وبدون وسائل اتصال، غير سفر المرأة فى ايامنا و الله اعلم.

اخي الفاضل

انا ما قلتش هيستضيف بمعنى في البيت عنده و اسف لحضرتك و لصاحب الموضوع لو كان التعبير خانني

قصدي ان staff الفندق بيقيموا بالفندق ....... ده كان قصدي

ثانيا: موضوع حسن المظهر في اعلانات الوظائف ده دايما بيبقى مثير للشكوك و مالوش لزمة

ثالثا: راجع فتاوي العلماء بخصوص سفر المرأة و عملها و اقامتها بغير محرم ....... و شوف اي شيخ من اللي حضرتك بترتاح لرايه و اساله ...... مش هتلاقي خلاف في النقطة دي

**D . a .\ AYMAN** · 17-09-2009 01:24 AM

المشاركة الأصلية كتبت بواسطة terrible_darsh

بس ليه يطلب بنت مخصوص تسافر تعيش فى اخر الدنيا و تتبهدل و لا هى علشان هتشتغل فى فندق 5 نجوم يبقي كرامتها محفوظة ؟؟

هو الراجل ماطلبش حد يسافر

في ناس ظروفها مناسبة للشغلانة دي كأن يكون أهلها وذويها أو زوجها مقيمين في المدينة

وفي واحدة ممكن تسافر لأن جوزها أصلا بيشتغل هناك

وفي واحدة ممكن أصلا تكون عايشة هناك .. وهناك ده هوة بلدها

اللى تنطبق عليه الشروط وراضي بيها كان بها ... واللى شايف إنها فيها سفر وهوة مش عايز سفر خلاص يسكت

البائعات شغالين في محلات هنا مصر وفي منهم بيروحوا الساعة 12 و 1 بالليل ... ومحدش أنكر عليهم ده ولا قاللهم إنتوا وحشين .. بل إن معظمهم من الناس المحترمة اللى بتجري على أكل عيشها وبيوتها اللى مافيهاش رجالة تصرف عليها

........

وفي ناس ظروفها مش مناسبة .. زي مثلا إنها لازم هاتسافر عشان الشغل .. أو هاتبقى لوحدها هناك ... أو ... أو ..... خلاص يبقى الإعلان ده مش ليها

الراجل عمل الإعلان ونحسب أن مقصده خيرا ولا يجوز أن نظن سوءا به دون دليل

المشاركة الأصلية كتبت بواسطة terrible_darsh

لو وقفت العمل لصلاة الظهر و العصر ممكن تترفد ..!

ومين هنا في مصر بيعمل كده ... وكام واحدة برضه لو عملت كده هنا ممكن تترفد .... شرم مدينة عادية من مدن مصر وفيها عائلات مصرية وبدوية عايشة هناك .. واللى بيحصل فيها زي اللى بيحصل في مصر بالضبط ... الفرق إن في مصر الموضوع ملموم ومش باين قوي زي بقيت مصر

**Hossam_Hassan** · 17-09-2009 01:52 AM

[quote=terrible_darsh;3871993547
ده بالعكس فندق 5 نجوم يعنى لو وقفت العمل لصلاة الظهر و العصر ممكن تترفد ..!
[/quote]

انا شغال طول عمرى فى فنادق 5 نجوم و هحكيلك بعض الحقائق

- فى شغلى الحالى من 4 ايام الدنيا كانت هايصة و كله بيشارك فى فرش السجاد الجديد فى الزاوية اللى فى الفندق و المسجد اللى سكن الموظفين، كله شارك من اول المدير العام لغاية اصغر عامل و على فكرة محدش بيتكلم مع حد عاوز يصلى و الشغل بيتنظم بكرم ربنا، و كل جمعة بيجيلنا شيخ للخطبة من سفاجا.

- مديرة مكتب المدير العام محجبة

- فى شغلى السابق كان زميلاتنا المحجبات فى كل الادارات تقريبا و مفيش اى مشاكل و المسجد هناك بيتم الاهتمام به احسن من اى جناح.

دى بعض النقط اللى خطرت على بالى

**Terrible_DaRsH** · 17-09-2009 02:59 AM

يا جماعة انتوا قلبكوا ابيض اوى .

من فترة كان فى وظيفة فى فرع من فروع شركة خدمات محمول شهيرة جداااااااا بس مش هقول اسمها علشان محدش يقول بسيء سمعتها .

قريبتى راحت و عملت الانتر فيو و بالرغم من انها متفوقة فى دراستها و معاها شهادات صعب اى حد يحصل عليها , الا ان تم رفضها لانها محجبة , او ملتزمة شوية فى لبسها .

بالصدفة من كام يوم رحت مع صاحبي علشان يتفق على USB Modem فى نفس الفرع اللى كان فيه الوظيفة .

و شفت البنات اللى شغالة هناك فهمت الدنيا ماشية ازاى .

ده بقي فرع من فروع شركة خدمات محمول , فما بالكم بقي بفندق 5 نجوم بشرم الشيخ !!

معلش اذا كنا خرجنا بره الموضوع , عموما لصاحب الموضوع ربنا يوفقك و تلاقى البنت المناسبة ان شاء الله .

**amr_beltagy** · 25-09-2009 12:55 AM

فرضنا يعني انها راحت ووقعت فالغلط هناك .. تفتكر ساعتها مش هايكون زنبك... والطبيعي انها هاتغلط هناك لأن دي أكيد هاتكون أخلاق واحده مسافره مكان زي ده ولوحدها.. انا كنت شغال هناك.. فعلا البلد دي زي الشيخ الشعراوي الله يرحمه ماشفها في المنام "حفره من حفر جهنم", انت أكيد مش قصدك إلا الخير لكن ماتوقعش نفسك في شبهه بدون داعي.

**rov** · 03-10-2009 09:15 PM

ياجماااااااااااااعه

انتم عاملينها مشكله وصفحتين بتردوا علي بعض فيها
خلاص الدين غلبكم........هيه ديه المشكله في الحياه......هيه شرم هيه الوحشه وتصرفاتكم هيه الحلوه
هل كل واحد راجع نفسه فيكم وشاف هوه بيعمل ايه غلط وايه صح؟

هل الاخ احمد كمال حكم علي راشد انه ديوس لما يكتب هذا الاعلان
بصوا لنفسكم وبعدين عدلوا البشر
وخصوصا احمد كمال

انا بعتب عليك في موضوع الديوس ده .......لانه مش يصح

**أحمد كمال** · 04-10-2009 01:25 AM

حضرتك انا ماحكمتش عليه انه ديوث و يا ريت ما توقعنيش في الراجل !!!!!!

انا قصدي على اصحاب العمل هناك ..... و دول مع احترامي ليهم كلهم ديوث

مفيش صاحب فندق مش ديوث ....... و شوف الاجانب اللي بييجوا بصاحباتهم في الفنادق ..... الخ الخ

**أحمد كمال** · 04-10-2009 11:39 PM

المشاركة الأصلية كتبت بواسطة freeefair

حلوه اوى محكمه التفتيش اللى اتنصبت للعضو صاحب الاعلان ..... لا بجد حلوه

مفيش محكمة تفتيش و لا يحزنون اتنصبت حضرتك

حضرتك من رأى منكم منكرا فليغيره

و احنا غيرناه باللسان (بالكيبورد) او حاولنا نغيره

-

الموضوع: وظيفه فى شرم الشيخ

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب وظيفه :)

طلب وظيفه بشركه سياحه

طلب وظيفه

حد عايز وظيفه

للباحثين عن وظيفه

الكلمات الدلالية لهذا الموضوع

المفضلات

المفضلات

ضوابط المشاركة