كل سنة وانتم طيبين
ياريت يا جماعة الخير اللى عندة لانسر بومة 1600 أوتوماتيك يقول لنا استهلاك البنزين بتاعها معدلة قد ايه
فى السفر وفى جوه البلد وشكرا لكم
كل سنة وانتم طيبين
ياريت يا جماعة الخير اللى عندة لانسر بومة 1600 أوتوماتيك يقول لنا استهلاك البنزين بتاعها معدلة قد ايه
فى السفر وفى جوه البلد وشكرا لكم
فى السفر 12 كم فى اللتر و فى البلد 9 او 10 كم فى اللتر
مانوال أو أتوماتك مش فارقه كتير (أنا معايا 1600 مانوال)
جوه البلد بالتكييف أو من غير التكييف (من 150كم إلى 200كم) فى الصفيحه (اللى هى 20 لتر)
فى السفر بسرعه منتظمه (90كم/س إلى 110كم/س) و بالتكييف أو بدون التكييف (من 280كم إلى 300كم) فى الصفيحه
فى السفر بسرعات عاليه (140كم/س إلى 190كم/س) و بالتكييف أو بدون التكييف (من 230 إلى 260كم) فى الصفيحه
جوه البلد حوالى 150 كم الى 200 كم فى الصفيحه
على الطريق السريع بتعمل من 260 كم الى 300 كم متوسط سرعه 120 كم
عملت أخر مرة بـ 36 لتر 290 كم بالضبط كله جوه البلد السرعة مبتزيدش عن 60 - 70 وطول الوقت بالتكييف مش عارف كدة استهلاك عالي والا لأ !
والله العظيم العربيه دي بنت مجنونه استهلاكها بحالات معاي 1600 اتوماتيك ساعات جوا البلد بالتكيف 150 بالصفيحه وساعات نفس الكلام هو هو 200 كليو بالصفيحه وساعات 180 يعني من الاخر انت ورجلك بقا
بره البلد رحت بيها مطروح بمره يعني حوالي 460 كيلو ب 35 لتر بالتكيف بسرعه من 140 الي 170 اربع افراد بالعربيه رحت بيها الغردقه 480 كيلو فردين بالعربيه بسرعه مابين 120 الي 160 اخدت 45 لنر فكبرت دماغي وبطلت احسبلها
انا لسه حاسب المتوسط الشهر اللى فات
انا عملت 1650 كم فى الشهر فيهم 500 كم على الطريق و الباقى فى القاهره الزحمه و مع التكييف و كل ده استهلك 157 لتر
يعنى 10 و شويه كمتوسط
هوه ازاى بتحسبوها بالصفيحه ال 20 لتر
بتمونوا مثلا 20 لتر وتمشوا مسافه معينه وتشوفوا كام لتر تم استهلاكه ولا هى فيها كمبيوتر بيحسب الموضوع ده
انا بحسب انى بفول العربيه لحد الزور وبعدين امشى مثلا 275 كم وبعدين افول تانى لحد الزور واشوف فولت كام لتر مثلا 22 لتر
وعلشان احسب معدل الاستهلاك
يبقى 275/22 = 12.5 كم / لتر
بمعنى ان كل لتر بيمشينى 12.5 كيلومتر