صور مقابلة شهر نوفمبر -كريم منير2007

**Karim_Monir** · 03-11-2007 02:12 AM

السلام عليكم ورحمه الله
كالعادة كانت مقابلة من اجمل اجتماعات نايل موتورز وان كنا في ضيق لغياب كثير من الاعضاء المحبوبين كهاني ادم واحمد جندي(رحم الله جدته) واحمد حسن وحمود حفناوي وحازم حزه
والكثير من الاعضاء المحبوبين بدون ماحد يزعل اني ماقولتش اسمه
وان عوضها حضور كثيرا من الوجوة الجديدة والمؤثرة بالفعل بالمنتدي من خلال مشاركتهم الجيدة وعلى سبيل المثال مهندس طارق زويل ومهندس محمد خلف وهشام الفقي وعروستة السيفيك الجديدة ربنا يباركلة فيها واحمد عزت اخصائي التعديلات الشهير بتربو وعبدالله من المنصورة
واستاذ ادهم واستاذ محمد طه واستاذ ماجد والمطحووون وده النيك نيم بتاعة هو مش مطحون ولا حاجة
كان هناك العديد من المناقشات الساخنة والعديد من تجارب قيادة السيارات وخاصة للسفيك
والعديد من المشاكل الادارية التي تم حلها والحمد لله وسنوالي نشر تفاصيلها تباعا
تبقي اخر شيء وهو الصور وللاسف هناك الكثير من الاعضاء لم يحضروا التصوير
ونتمنمي ان نري الجميع ان شاء الله في المقابلة القادمة التي غالبا ستكون قبل العيد الكبير بايام
كل سنة وانتم طيبين

كريم منير

**MOATAZ_ANS** · 03-11-2007 02:57 AM

فعلا كان نفسي أبقى معاكم
بس للأسف حصلتلي ظروف أخرتني النهارده
بس انشاء الله أكون معاكم المره الجايه
لاني بجد نفسي أتعرف على الناس الحلوه دي

**اسلام المصرى** · 03-11-2007 03:09 AM

الحمد لله كانت مقابلة جميلة و كالعادة الوقت عدى بسرعة , مبسوط أنى أتعرفت على أعضاء أول مرة أشوفهم المرة ديه و زعلان أن فى ناس كان نفسى أشوفها و لم تتمكن من الحضور خصوصا أحبابنا فى الأسكندرية ان شاء الله نتقابل على خير كلنا المرة القادمة , و ديه بعض الصور التى تم ألتقاطها و كان لازم أصغرهم علشان كانوا هيدمروا شكل الصفحة خالص :D

**sherif_84** · 03-11-2007 03:41 AM

كــريم باشـا واسلام باشا ربنا يخليكم أشكركم على الصور الجامدة جدا والقعدة الحلوة :-)

**badblood** · 03-11-2007 03:44 AM

ان شاء الله نكون معاهم المره الجايـــه

**hazem_khidr** · 03-11-2007 04:32 AM

المقابله كانت في منتهي الروعه.
انا لسه واصل من نص ساعه كنت عند واحد صاحبي و انا راجع الطريق كانت شبوره ممله بس الحمد لله ربنا ستر :-)

**eng_mkhalaf** · 03-11-2007 08:43 AM

المقابلة كانت روعة الصراحة يوم جميل جدا وأحس حاجة أنة تم حل بض المشاكل الحساسة فى المنتدى وربنا وفقنا الحمد لله
أنا زعلان من كل واحد فى المنتدى وبالذات إللى ساكن فى القاهرة ومجاشى والله هو الخسران وفاتة الهوهوز بتاع أسلام :D :D

**CryptonX** · 03-11-2007 09:18 AM

انا اسف يا جماعة و بالذات حازم .. انا كنت جاي بالفعل . والساعة كانت 1:43 و انا في اللاوتوستراد قدام منشية ناصر ..راجع من العباسية علشان اجيلكو ...

واز فجأة .. شاب ظريف زق .. شاب اظرف منه .. .قدام سيارتي ... مكانش حينفع افرمل .. فكسرت شمال والي جانبي كسرعلى الي جنبه ... وللأسف الي جانبه كان رصيف .. دخل فيه و عدا الناحية التانية ... بس

المهم الموضوع طول . لاكن الحمد الله مفيش اصابات .. بس طبعا المازدا 3 الي خبطت الرصيف و عدته .. مبتقومش .. حاولت اصالح صاحبها .. و لكنه صمم على محضر في القسم علشان كمان التأمين بتاعه .. المهم الظابط جه شاف الي حصل .. عمل محضر للمازدا .. و فهم من الناس الي حصل .. الشاب الظريف كل علقة ! و الظابط قالي اكل عل الله ! بس المرة الجاية موته احسن .

:) الحمد الله عدت على خير بس الساعة وصلت 4 و بصراحة نفسي اتسدت و روحت نمت ( دع غير حالة الزهول الي كنت فيها ) .

انا اسف مرة تانية . و ارجو اني اقابل بعضدكم في مباراة الآهلي .

-

-

الموضوع: صور مقابلة شهر نوفمبر -كريم منير2007

LinkBack

أدوات الموضوع

عرض

صور مقابلة شهر نوفمبر -كريم منير2007 - انشر الموضوع فى :

-

-

-

-

المواضيع المتشابهه

مقابلة شهر نوفمبر الخميس 17

اعلان مقابلة شهر نوفمبر 2008

مقابلة شهر نوفمبر 2-11-2007.....

الكلمات الدلالية لهذا الموضوع

المفضلات

المفضلات

ضوابط المشاركة