الشارع المصري .. عيادة العلاج النفسي

**D . a .\ AYMAN** · 13-09-2009 01:06 AM

المشاركة الأصلية كتبت بواسطة motorizer

هقولك يا باشا .. انا اما رحت أفريكا بارك اللي عالصحراوي (عبارة عن غابة مفتوحة صغيرة بتخشها بالعربية) و ده لينك للزيارة

http://www.nilemotors.net/nile/93753-a.html

المهم إن في منطقة القرود كدة القرد الكبير أوي اللي هو ريس القعدة ( ال alpha male ) قام واقف علي عمود و ضارب شقلباظ ولا أولومبيات السباحة و هوب نازل عالكبوت ! و حجمه كان كبير لدرجة انا قلت هو هينزل و الموتور هيطلع .. بعدين لقيت نفسي بضحك لأن دي طبيعة القرد .. هو صحيح سابلي علامة أبدية في الكبوت (شوية خرابيش) بس تفتكر أقدر أعمل معاه إيه ؟ و قلت في نفسي دي لو كانت جت من عيل صغير كان زماني عايز أعلقه من صوابع رجليه .. يعني لو إنت في الغابة و ثعبان قرصك مثلاَ هل هتقف توبخه و تتخانق معاه أو تطلبله البوليس أو تطلب منه يعتذر !؟ لذلك انا مع الرأي اللي بيقول الشارع المصري غابة .. فيه ناس هي دي إمكانياتها الحضارية ! ميعرفش يكون جزء من نظام .. اللي يعرفه إنه يطلع من الشارع عاليو تيرن من غير إشارة ولا يحزنون ولا عزاء للناس اللي ماشية معاه في الشارع ! طول ما إنت ماشي في الغابة (الشارع المصري) هتلاقي أفيال واخدة الشمال و نايمة .. متتوقعش من الأفيال تبقي رشيقة و تجري ! .. هتلاقي قرود عمالة تتنطط و تاخد غرز .. متوقعش من القرود تبقي هادية و تلبس نضارة و تقرا صفحة الإقتصاد في الجرنال .. هتلاقيها ضباع ماشية شكلها عفش و مطلعة دخان من كل حتة ..

زي ما فيه إمكانيات جسمانية و إمكانيات عقلانية فيه إمكانيات حضارية .. فيه ناس ببساطة بيئتها الهرجلة .. بغض النظر عن مستواها الإجتماعي و المادي ممكن تلاقي واحد راكب مرسيدس موديل السنة و سايق سواقة سواقين ميكروباص .

انا قصدي إن لو حطيت في دماغك الناس دي .. ده لن يغيرهم في شئ و كمان هيكون حمل تقيل عليك و هيضايقك و يعصبك .. و إنت في غني عن ده .. تخيل دايماَ اللي بيعمل كدة قرد .. غير عاقل .. إعتبر إنك عايش the wild life !

[gdwl]
الله الله الله عليك

الله ينور عليك ويكرمك ويحفظك بعقلك ... وتكون أحد أسباب إصلاح الحال

[/gdwl]

**totaa** · 13-09-2009 01:13 AM

توبيك أكتر من ممتاز واضح فيه مجهودك المدعم بالصور

ويغلب عليه خفة الظل اشكرك جدا عليه وتقبل تحيتى وفائق احترامي

وفى انتظار جديدك

**sarah5** · 13-09-2009 02:09 AM

شكرا عالموضوع الجامد ده بس مهما قلنا في نصايح مفيش فايدة السواقة دي تخلي الهادي يتعصب والعاقل يتجنن تلاقي الناس في الاشارة والدنيا زحمة وعمالة تدي في كلاكسات طيب ليه الازعاج علي الفاضي وتلاقي نفسك عايز تيجي يمين وبتدي اشارة ومحدش يستناك ده غير الناس اللي بتمشي زي الصواريخ ويديك في كلاكسات عشان توسع وفي الاخر يتزنق وتسبقه انت حاجات غريبة تضحك وتعصب في نفس الوقت ده بالنسبة للناس اما الشوارع بقي فبلاش نتكلم عالحفر والشوارع المكسرة والمطبات اللي ملهاش لازمة و................................................ ................................ احسن حاجة الواحد يبطل سواقة بدل ميعد يحرق في اعصابه طول الطريق وفي النهاية يوصل اما مستشفي المجانين او يوصل علي اقرب قسم شرطة معلش كرهتكم في السواقة اكتر منتو كرهينها انا شايفة انه اهم حاجة الواحد يمشي صح ويلتزم بالقواعد علي اد ميقدر عشان حتي لو حصلت مشكلة ميبقاش غلطان وشكرررررررررررررررررررررر ررررررررررررررررررررررررر ررررررررررررررررررررررررر رررررررررررررررررا

**Ahmed Nouh** · 13-09-2009 03:43 AM

اسلوبك الساخر رائع يا محمود , الموضوع عجبنى قوى

والاجمد الصور اللى فى وسط الكلام والمعبره حقيقى عن الوضع الحالى :)

تسلم ايدك

**SheNo0o** · 13-09-2009 04:25 AM

نصايح جامده وع فكرة برغم اني ضحكت وموتت فالارض الا اني حسيت بموضوع المعطر لاني لسه مجربه من يومين بالظبط

جاااااامد

وموضوع الاغاني بقيت بسمع نجوم اف ام وبرامجها الرمضانيه :d

**HRH_Sameh** · 14-09-2009 02:13 PM

موضوع جامد جدا جدا جدا
اولا : ضحكتني
ثانيا : أفدتني
بصراحة تسلم دماغك ونصائح بجد تريّح

**alisleman** · 14-09-2009 02:29 PM

تسلم الايادى على الموضوع الرائع وواضح جدا انك تعبت فيه اوى

**LORD.ADeL** · 15-09-2009 01:53 PM

أصلي جدااا يا حودة باشاااا والله دماغ وفعلا دة اللى ينفع مع شعبناا الموقر ((:

**MoToRiZeR** · 19-09-2009 12:22 AM

المشاركة الأصلية كتبت بواسطة R A N A

بجد يامحمود احييك على الموضوع الهايل ده

وبجد رغم اني كنت في مود سئ جدا الا اني لما قريت موضوعك معرفتش اعمل اي حاجة غير اني اضحك بجد على تشبيهاتك وتعبيراتك الهايلة دي

انا نفسي فعلا اعمل النصايح اللي انت قلتها دي
بس الواحد بيصعب عليه تعبه وشقاه والفلوس اللي دفعها في تصليح عربيته اللي دفع فيها دم قلبه عشان يشتريها وييجي واحد معندوش دم ولا ضمير وعنده عقل (بس للأسف مغيبه) وبمنتهي الاستعباط والإستهتار يروح مبوظلي العربية اللي حيتلي.
بجد انا بتصعب عليا نفسي اكتر من العربية لإني انا اللي في الاخر بتعطل وبتمشور وكمان بكع فلوس تصليحها وكل ماشوف الخبطة اللي فيها بتنكد وبفتكر اني معرفتش اخد حقي من الحيوان اللي بهدلهالي بالشكل ده

.
بس انا هاحاول انفذ نصيحتك بخصوص لو حد مصمم يعاند معاك ويطلعك فوق الرصيف اركن دقيقتين عشان اخلص من التخلف العقلي بتاعه

واطلع باقل خساير في عربيتي وكمان موضوع تعلية الكاسيت واني مش سامعة ده برده جامد هاعمله ان شاء الله بس بإستئناء البوسة اللي في الهوا دي لحسن البعيد يفتكرني اتخبطت في نفوخي و بعاكسه ولا حاجة

:POINTI~2[2]:

ميرسي لردك يا رنا و أتمني يكون المود السئ عدي .

هي حاجة تضايق طبعاَ اما واحد ييجي يخبط العربية و الواحد يتدبس في فلوس تصليح ممكن تكون فوق طاقته بس هو شراء السيارة و قيادتها في مصر عامة أصبح نوع من المقامرة ! يعني الواحد دلوقت اما بيركن العربية في مكان بيراهن يا تري العيال بتوع المسامير هييجوا ولا واحد غشيم بيطلع من الركنة هيخرشمها ولا أمين شرطة هياخدني مخالفة مع إني راكن صف أول .. انا عن نفسي اما بطلع كل يوم الدائري بحس إني براهن بحياتي نفسها !

إقتناء السيارة في مصر شئ محفوف بالمخاطر ! لذلك متزعليش و الحمد لله كل اللي ييجي في الحديد يتصلح .

أشكر الأعضاء علي مرورهم العطر بالموضوع و كل عام و أنتم بخير .. و متنسوش تسوقوا كدة في العيد