طبعا كلنا فاكرين الموضوع دة بتاع 1 ابتدائي..
المهم اولا انا والدي مش ظابط ولا حاجة والدي دكتور نساء و توليد
كنت عايز احكي موقف كدة حصل معايا..
انا من سوهاج طبعا كلكو ما تعرفوهاش هيا في الصعيد بعد اسيوط كدة ب 100كم المدينة مش كبيرة اوي اد مدينة نصر +مصر الجديدة كدة أو اكبر شوية والناس معظمها تعرف بعضها المهم كنت ماشي بالعربية ومركب الستاير الضغط اللي بيقولو مافيهاش حاجة في المرور ف ظابط شكلوا صغير كذة 3نجوم ولا حاجة بيقولي رخصك ف اديتهالو ف بيقولي مخالفة ستاير قلتله دي شماسات بتتشال عادي قالي ماليش دعوة المهم كلمت والدي فكلم واحد صاحبو وخدت الرخص ومشيت بعدها بكام يوم شفت الظابط دة راكب عربيته الملاكي تخيلوا عامل اية
اولا العربية متفيمة فامية مراية النمر سودا وطبعا مش رابط حزام وبيتكلم في الموبايل كل الحاجات الي تودي ورا الشمس وجاي يتنطط عليا ابن التيييت عشان حاطط شماسات
هوا احنا كلاب وهما فوق القانون ولا اية! ولو حد غلبان يطلع عين اهله من الشمس والظباط كمان
ربنا يهدينا ويهديهم و نصيحة لو انت مش ظابط حاول تكون امين شرطة اهو ارحم شوية من عامة الشعب لو ماعرفتش يبقى امشي جنب الحيط زي كدة
عبدالرحمن عبده 5 طب