رجاء من اصحاب الخبرة مقارنة هذه العربيات لان سعرها متقارب فى رينج 35 و40 الف
مقارنة من حيث النعومة وقطع الغيار
عرض للطباعة
رجاء من اصحاب الخبرة مقارنة هذه العربيات لان سعرها متقارب فى رينج 35 و40 الف
مقارنة من حيث النعومة وقطع الغيار
أنا سأتكلم عن البونتو فقط لأنها عن تجربة ........ السيارة ناعمة وقوية و قطع غيارها متوفرة و معقولة ... ليست رخيصة و ليست غالية
و موفرة للبنزين جدا ........ و ده يعتمد على حالة الموتور
لأن السعر اللي حضرتك ذكرته عن عربية موديل التسعينات و أنا بتاعتي موديل 2002
و ده اللي أقدر أقوله و لو عايز أي معلومات تاني عن البونتو أنا موجود يا باشا
و في رأيي يا باشا إن البونتو لو حالتها كويسة يبقى هي أحسن عربية في الأربع عربيات المذكورين
+ 1000000اقتباس:
أنا سأتكلم عن البونتو فقط لأنها عن تجربة ........ السيارة ناعمة وقوية و قطع غيارها متوفرة و معقولة ... ليست رخيصة و ليست غالية
و موفرة للبنزين جدا ........ و ده يعتمد على حالة الموتور
لأن السعر اللي حضرتك ذكرته عن عربية موديل التسعينات و أنا بتاعتي موديل 2002
و ده اللي أقدر أقوله و لو عايز أي معلومات تاني عن البونتو أنا موجود يا باشا
و في رأيي يا باشا إن البونتو لو حالتها كويسة يبقى هي أحسن عربية في الأربع عربيات المذكورين
البونتو لما نزلت كانت اكثر السيارات مبيعا في اوربا و كانت مبيعاتها بتتفوق علي الجولف كمان !!!!!!!!
يبقي الترتيب المنطقي
1.بونتو
2.كورسا
3.4 ...اونو او برايد حسب ما ترتاح
اقتباس:
يبقي الترتيب المنطقي
1.بونتو
2.كورسا
3.4 ...اونو او برايد حسب ما ترتاح
+1
ممكن يا باشا تقولى رينج سعرها كام بونتو فى التسعينات وبرجاء هل قطع الغيار غالية قوى زى ما بيقولوا ؟؟
أستاذ محمد موضوع السعر يبدا من 33000 إلى 40000 حسب الحالة طبعا
أما موضوع قطع الغيار هي متوسطة السعر و مش غالية و لا حاجة بس طبعا أغلى من الشاهين بكتير و 128 و الفيات القديم
يعني مثلا إسطوانة و بلية للدبرياج ثمنهم حوالي 450 جنيه مصري
سير التوقيت و مش عارفة اسمه تقريبا بالبلدي سير كتينة و ثمنه حوالي 120 جنيه مصري و هو انجليزي الصنع
و فانوس أمامي يعمل حوالي 1000 جنيه تقريبا و خلفي حوالي 500 جنيه ........ و دول أغلى حاجة في قطع الغيار
و الموضوع كويس مش وحش و قطع الغيار بتعيش مدة كبيرة لو أنت بتحافظ على العربية و مش بتسوق بعنف و تقعد كل شوية تدوس بنزين و بعدين فرامل و غرز و الكلام ده
و العربية بتوفر في البنزين ............... و قوية
و لكن فيها عيب بسيط ........... العربية واطية شوية .............. لما تكون محمل فيها أوزان كبيرة بتحك في المطبات اللي الناس عملها عشوائي أما مطبات قطاع المرور فيكون الحك في المطب الحاد فقط ............ و هذا إذا كنت محملها أربعة أفراد جامدين في الوزن
أما لو معاك واحد أو أثنين و خفاف ............ عادي خالص
و حل موضوع الحك في المطبات هو أنك تأخد المطب بجنب العربية و براحة و مش بسرعة
و العربية سريعة و تجميعها معقول و أفضل ما في فئتها .............. يعني لو بتشد مع عربية زيها في الموتور هي بتكسب
أما أي عربية أكبر منها بتخسر و ده طبيعي .............. أما عندما تأخد سرعتها و تفتح بتبقى تمام
و في حاجة تانية تخلي بالك منها الدريكسيون و الموتور بتاع الباور ............ غاليين برضه يعملوا حوالي 1500 جنيه
فملا تيجي تشتريها بصى عليهم كويس ........... و ربنا يوفقك و تشتري حاجة كويسة
و لو عايز حاجة توفر معاك في موضوع قطع الغيار يبقى الشاهين ............. قطع غيارها رخصية موت و عربية جامدة برضة و بتشد و تمام
هات أي حاجة من دول زي ما الاعضاء ينصحوك بس نصيحة مني ابعد عن الكورسا خاااااااااالص :shock: