السلام عليكم ورحمة الله وبركاته

انا عاوز احجز سيراتو SX اللي ب116 ألف من التوكيل
فكرت احجز من ابو رواش بس استبعدت المسافة جدا
لان انا من المنوفية فتعتبر بعيدة جدا

احد الاخوة هنا في المنتدى كان عامل موضوع لموزعين كيا المعتمدين

لقيت فيهم موزع من بنها وكنت حروح له بكرة

الحقيقة هو طلع في القاهرة وله فرع في بنها

الموزع هو - اوتو جروب - في المهندسين خلف جامع مصطفى محمود

سألته على الحجز قالي السعر الرسمي زاد لكل الفئات 2000 جنيه
أنا: من امتى؟
هو: من 4 أيام بس !!!
انا : الاستلام بعد قد ايه؟
هو: مش قبل شهر فبراير 2010 !!!!
طيب متاخد خليجي احسن ياباشا
أنا : لأ .. انا مش مستعجل وعاوزها وكيل
هو: مش عارف ايه اللي حلو في الوكيل كله واحد صدقني
أنا : شكرا ... وسلام عليكم

اتصلت بالكول سنتر قالولي : مش تبعنا ولا موزع لينا

اتصلت بالقطامية-محمد زكي
قالولي معندناش حجز
لكن السعر زي ماهو مفيش اي تغيير

اتصلت بابو رواش خدوا رقم التليفون على وعد بالاتصال بي
باين عليهم مشغولين جدا لانهم اول ما عرفوا اني عاوز المبيعات
قالولي حنتصل .... ولحد دلوقتي محدش اتصل

فايه الوضع دلوقتي غليت ولا لأ؟
واصدق مين؟
واحجز منين بالضبط؟

أرجو المساعدة