سلام عليكم جميعا
ان ان شاء الله هاوصل مطار القاهره حوالي الساعه 2 الصبح وكنت عايز اسال اذا كان في مطاعم فول وطعميه قريبه من المطار اتسحر فيها عشان الفول والطعميه وحشوني اوي
حد يوصفلي يا جماعه لو ممكن
وشكرا مقدما
عرض للطباعة
سلام عليكم جميعا
ان ان شاء الله هاوصل مطار القاهره حوالي الساعه 2 الصبح وكنت عايز اسال اذا كان في مطاعم فول وطعميه قريبه من المطار اتسحر فيها عشان الفول والطعميه وحشوني اوي
حد يوصفلي يا جماعه لو ممكن
وشكرا مقدما
حمدالله ع السلامة
مظنش يكون في مطعم فول وطعميه جمب المطار (من خلال خبرتي هناك)
هتضطر تروح مدينة نصر او مصر الجديده وهما جمب المطار طبعا
وممكن تأجلها لليوم التاني
عليك و على الشبراوي (ارابياتا) في مدينة نصر ...... نص ساعة من المطار بالكتير
اخر شارع الطيران بمدينة نصر
يعنى هية المانيا مفيهاش فول وطعمية معظم محلات الاتراك بتقدم الطعمية صحيح مفيش فو ل بس ممكن تجيبة معلبات من الماركت وتطبخة فى البيت والطعمية بتتباع بودر فى الماركت برضو انت لو مشيت فى فرومو شتراسا هامبورج هتشم ريحة الطعمية طول مانت ماشى بيعملوها بلمكسرات والبازل تجنن
برضه مفيش زي فول و طعمية مصر
والله لو كنت جنب المطار كنت جبت لك منهم
فيه سوبر ماركت اولاد رجب فى البارك
ممكن تلاقى فول علب بس جهز معاك معلقة
الفجر بيأذن 3.45 تقريبا
أكيد في محلات فول في النزهة الجديدة ومساكن شيراتون. دي أقرب مناطق للمطار.
بس مدينة نصر مش بعيدة. نص ساعة بالكتير.
آذان الفجر الأيام دي الساعة 4:09
شكرا يا جماعه
شكلها هترسي علي شبراوي الحي السابع ده اللي انا فاكره
يا باشا انا في بايرن والاتراك بيعملوا الطعميه الشامي وانا وحشتني سندوتشات الطعميه بتاعتنا
عموما شكرا يا جماعه
لو ليك فى جو عربيات الفول فى جنب المطار واحد اسمه الدولى عربية فول من احلى اطباق الفول اللى الواحد بياكلها من هناك صراحة اول ما تخلص الاوتوستراد بتخش يمين كده كده و بعدين تطلع الكوبرى اللى بيوديك على المطار عشان تروح للراجل ده بقى متطلعش الكوبرى و لف ورجع تانى عشان تروح الشارع الموازى للاتوستراد بالظبط حتلاقة على ناصية الشارع و ابقى ادعيلنا بقى
فى البداية حمدالله على سلامتك
وعايزة اقول ان فعلا الواحد لما بينزل ارض مصر بيحن لكل شىء
ريحة مصر جواه من اول الفول والطعمية والكشرى لغاية الكباب والفطير
يمكن احنا عاطفيين شوية ولاننا فقدنا اشياء حلوة كتير حوالينا لما بنرجع مصر فتقريبا بنستمتع بحنيننا للأكلات دي
نورت مصر وتقبل الله الصيام والقيام وسائر الاعمال منك ومن باقى
الاعضاء الغاليين
باشا العربيه دي منين من طريق مصر الاسماعيليه الصحراوي
انا رايح علي دمياط اول مانزل من المطار عشان انا من هناك
حد يوصفلي يا جماعه
انا من عشااااااااااااق عربيه الفووول
انا خارج من المطار لحد شارع جوزيف تيتو او جسر السويس
وبعدين
اخرج من المطار من طريق المطار (صلاح سالم) و اول ما توصل تقاطع صلاح سالم مع شارع الكلية الحربية هتلاقي كوبري اطلعه و بدل ما تنزل طوالي هتنزل شمال (كسرة جامدة اوي شمال) هتمشي تفوت الاوتوستراد (هيبقى على شمالك عمودي عالشارع) هو الشارع الرئيسي اللي بعد الاتوستراد
بس تصيحة نصيحة تصيحة
قبل الاكل اضرب قرص مضاد حموضة قوي زي Nexium 40 mg و قد اعذر من انذر هههههههههههههههه
الف سلامة ومصر
بتقولك يا بخت من زار وخفف
حمد الله علي السلامة !
فيه مطاعم ( 3 او اكثر ) داخل المطار نفسه عند ال AirMall
بس واحد بس , اسمه " ملوك " تقريبا , وهو مطعم- كافيه شرقي بيقدم اكلات شرقية و وجبات افطار و سحور شرقية و شيشة كمان .
ممكن تجربه بس ده مش " اكلات سريعة " يعني حيكون اغلى من محلات الفول طبعا بس داخل المطار نفسه ( في ال Airmall ) الي قدام اولاد رجب .
شكرا يا جماعه
هو للامانه انا في طرق القاهره ايه اخري مدينه نصر
بس ما علينا
انا اهلي جايين معاي زياره للمره التانيه( حماي وحماتي المان) تفتكروا عربيه الفول يعني مش هتبوظ الدنيا
انا ومتعود من ايام الضياع بتاعه الجامعه
ايه رايكم
مافيش أجدع من عربيات الفول:fun_36_3_4[1]: بس بردوا فول و طعمية القاهرة مش حلوين تحسهم معمولين بتناكة مافيش نفس الصراحة ما فيش أجدع من فول و طعمية اللأقاليم و يا سلام على الفول بالطحينة الحمرا:O_stupid[1]: لما بتطلب معايا بنزل الساعة 2 بالليل أدور على سندوتشات فول و طعمية
شكرا لأنك فكرتنى:H_angry[1]: أنا دلوقتى صايم و جعان و نفسى فى سندوتش طعمية شكرا بجد:11:
بواقع خبرتى بمحلات الشبراوى فى عندك محل شبراوى اربياتا ايضاً اقرب من الحى السابع واحسن وانضف فى الاكل
وهو شبراوى اللى فى شارع سيتى ستار اول اما تنزل من كوبرى الدائرى اللى بينزل على الاتستوراد قبل النادى الاهلى مفيش كام خطوة هاتلاقى على يمينك شارع سيتى ستار هاتلاقي المحل رابع او خامس عمارة على اليمين
لا يعم مدام فيها ناس المان بلاش يحسن نعمل ازمة دبلوماسية
وبالمناسبة ايه الطحينة الحمرا دى؟؟؟؟؟؟؟
و الله بطني قرصتني من الجوع حرااااااااااام عليكم
حمدلة على السلامة وانشاء للة تاكل احلى فول وطعمية
السلام عليكم
ارزاق الكوثر شركه مصريه تعمل في مجال الاغذيه و المشروبات انشأت في منطقه المعادي سنه 1996 في جراند مول المعادي لمتابعه اخبار المطاعم ادخل علي الموقع الرسمي
مطاعم بالمعادى
أقرب ارابياتا ليك من المطار وأحسن واحد فالفروع كلها اللي في الكوربة
في شارع ستار بكس إتنين قدام بعض الكبير أحسن
علي فكره الموضوع بقاله سنتين :)
بس انا لسه شايف المشاركات الجديده دلوقتي ..
لا صفصف بيعمل فطير بلدي مشلتت .. شغال
أو شد علي برج المنوفيه فطير جامد بس دسم جدا ، ولو جدع هتكمل نص فطيره بالعافيه
بس برضو فطير البلد و الفلاحين حاجه تانيه
:breakpc2: