عندى تسريب فى زيت الباور وعلبة الدركسيون بتجيب زيت فهل المشكلة دى كبيرة وحلها ايه وتكلفتها كام تقريبا ـ وهل علبة الدركسيون بتتصلح ولا لأ
عرض للطباعة
عندى تسريب فى زيت الباور وعلبة الدركسيون بتجيب زيت فهل المشكلة دى كبيرة وحلها ايه وتكلفتها كام تقريبا ـ وهل علبة الدركسيون بتتصلح ولا لأ
شوف ياسيدى
المشكله دى كانت عندى فى عربيتى القديمه وفضلت علبه الباور تسرب زيت وانا كنت سايبها وبزودها كل شويه ومافيش مشكله بس جت مره واحده واتقطعت خالص ومابقاش بيفضل فيها زيت 5 دقايق على بعض يعنى عندك هاتبوظ برضه اجلا ام عاجلا
قدامك حلين....
الاول انك تجيبلها طقم اصلاح واولسيهات بس للعلم علبه الباور مابتتصلحش او بمعنى اصح مافيش حد بيعرف يصلحها فى مصر يعنى مش قدامك الا الحل التانى وهو اللى انا عملته وريحت بيه دماغى وهو اوفر واضمن انك تجيبلها علبة باور( اسكاترا ) استيراد من الحرفيين وصدقنى هاتكون كويسه وخدها جربها ولو مش شغاله رجعها تانى هما ماعندهومش مشكله
هى عربيتك نوعها ايه؟
السيارة دايو لانوس . طب سعر علبة الباور دى كام جديد ومستعمل
اه طبعا بتتصلح...بتتحشي واسم الدلع لعبة الدريكسيون عند الصنيعية هو الاسكاترا. لو مش هاتروح التوكيل ابقى دور على حد بتاع اسكاترات. في منهم كتير في الحرفيين
والله نا مش عارف بالنسبه للدايو هاتبقى بكام انا عربيتى القديمه كانت كيا سيفيا
علبة الباور الاستيراد من الحرفيين كانت ب 500 جنيه والجديده كانت ب 1500 جنيه
حضرتك روح لاى عفشجى كويس
هيفك العلبة و يغير فيها اويل سيل معدن مش كويتش
مش هتاخد ساعة ان شاء اللة
حضرتك روح لاى عفشجى كويس
هيفك العلبة و يغير فيها اويل سيل معدن مش كويتش
مش هتاخد ساعة ان شاء اللة
استاذ شريف انا جربت الحكايه دى قبل كده ومانفعتش لانها بتبوظ تانى وطقم الاويل سيل بتاعها حوالى ب 150 جنيه وكمان التركيب يعنى هاتدخلها فى 200 جنيه يبقى يجيبها استيراد احسن
تهيألي علبة جديدة من التوكيل و تاخد عليها ضمان و تريح بالك خالص
يا رجالة واحدة واحدة...
التسريب منين اصلا؟؟ لو من عند الصدر و الزيت بوصل لجوة العربية عند رجل السواق يبقى اويل سيل علبة الدركسيون و دة ب 5 جنية و تغييرة ب 40 جنية... معتقدش ان 45 قريبة من تمن اسواء سكترة استيراد عشان نغير السكترا للسبب دة
لو التسريب من حتة تانية ياريت توضحلنا عشان نفيدك اكتر
MMamdouh