شكرا يا استاذ اكرم على النصايح
انا فعــــــلا محتاج اغير جو اوي
وعاوز اروح مكان جديد:b4_039:
عرض للطباعة
هوا فى وجهة نظر بتقول ان الواحد لما بيكون زهقان بالطريقة دى بتكون روحة مخنوقة ومحتاجة لغذاء روحي زى الجسم ما بيحتاج أكل وشرب وفسح ، وطبعا غذاء الروح فى الحالة دى هوا القرب من ربنا والدعاء والعبادة بشكل عام
واحنا فى أيام موسم طاعة أصلا وانهاردة ليلة 23 يمكن تكون ليلة القدر الله أعلم
و المهم العبادة بخشوع وتدبر مش روتين
بصراحه كنت هرد نفس الرد انا ملاحظ انك مش مستني حد يقولك حاجه تعملها لانك مقرر انت عايز ايه بس مش عارف توصله
صلي وبطل تتللكك وفعلا ارجع الشغل لان كل الشغل كده انت مش بتشتغل عند نفسك
اسف لو كانت طريقتي معاك فيها نوع من الشده لاني بكلمك زي اخويا وكاني بكلم نفسي لاني كنت زيك
بس لما بدات اتحرك واخد حاجه تنفعني فمجالي واتعلمها ارتحت لاني حسيت اني بعمل حاجه مهمه
شغلك هيرحيك بس شكلك اشتغلته كتير وبدات تزهق منه ممكن تدور على مجال تاني بس موعدكش انك هترتاح
لان الشغل كله كده اتمنا ربنا يوفقك وتصلي وتروح منك الخنقه الي انت فيها يصحبي
بص انا كتبت حاجات كتيرة اوى ممكن تعملها و حاجات تانية مريت بيها .
و لكن من الاخر ( اللى انت فيه ده طبيعى جدا و ممكن يتطور كمان ) ...
بس بعد كده كله هيبقي تمام .
انت مميز فى حاجه وبتحبها قوى
دايما دور على الحاجه دى وساعتها مش هتزهق , واول ما تلاقيها هتلاقى نفسك بتحب تعملها جدا وبتكررها كتير من غير ما تحس
طول ما انت قاعد هتحس بالملل بيزيد وللأسف الملل عاده بيؤدى الى افكار مش صح
هى حاجة من الاتنين مالهاش تالت
يا تلعب رياضة :
تنزل جيم تلعب كورة تلعب سباحة
يا اما العاب كمبيوتر معقدة :
زى لعبةprince of persia او assassins creed او NFS Undercover
ادعيلي يا استاذ سمير
ليه دا الجواز جميل !!! :khd:
شكرا يا جميل
لا مش هيتطور ولا حاجه
دول شوية ملل من الكساد وحالة الركود اللي انا فيها
الفكره دي كويسه جدااا
اعتقد هنفذها (مقتنع بيها )
شكرا لنصيحة حضرتك
جزاك الله خيرا
:36_1_37[1]:
انا رايي انك تفضل زهقان و عندك حالة ملل
لغاية ما تمل من الملل نفسه لانك مش هتخرج من الملل ده الا لما تبقى انت عاوز تخرج منه و ساعتها مش هتغلب تخرج ازاى مش دى القضية و ده اكيد هيحصل بمرور الوقت فمتستعجلش
او
فى حل تانى بس اصعب و محتاج قوة وهو الرضا
صفي الدين الحلي:
كن عن همومك معرضاً ... وكل الأمور إلى القضا
وانعـم بـطـول سـلامـة ... تُسليك عما قـد مضى
فلربـمـا اتسع المضيق ... وربـمـا ضـاق الـفـضا
ولـرب أمــر مـسـخـط ... لك في عواقبه رضى
الله يفـعـل مـا يـشاء .. فـلا تـكـن مـتـعـرضا
بص يا سيدى
مش هقولك الصلاة لانك اكيد بتصلي ودا فرض لازم تعمله سواء زهقان او لاء
في حاجة انا جربتها ونجحت معايا وقلتها لاصحاب ليا والحمد لله نفعت معاهم
اعمل خير لاى حد تعرفه او متعرفهوش
لو معاك فلوس حاول تساعد محتاج
ولو ممعكش فلوس وانتا شاب وصحتك كويسة استغل صحتك فى اى عمل خيري
لو ليك قريب عايش لوحده خد فطارك وروح افطر معاه
انتا بتقول بتدرس لغات اعمل دروس مجانية لاى حد محتاج
انا ليا واحد صاحبي مسيحي قلتله النصيحة دى رمضان اللى فات
عمل حاجة جامدة اوى
هو ساكن فى المقطم كان بيطلع الناس فى عربيته ببلاش وخصوصا ساعة الفطار
يعنى باختصار اعمل اى عمل خير هتلاقي نفسيتك اتغيرت خالص
وابقي بلغنا بتجربتك لان ناس كتير بيحصلها كدة
---------------------
محمد سالم