زيارة سريعة للتوكيل و تقرير صغير
انا النهاردة كنت قريب من التوكيل قلت اعدي اجيب الضمان و اليوزر مانيوال
قلت اعملكوا تقرير بالمرة عن مستوي التوكيل
اولا دخلت جالي مهندس قالي اي خدمة تحت امرك قلتله انا عايز الضمان و اليوزر مانيوال قالي دول عند المهندس مينا و هو دلوقت فوق في مكتبه في الدور الاول في بورش قاليسيب العربية و احنا نركنهالك نزلت
دخلت الورشة بتاع بورش قابلني واحد تاني قالي اي خدمة يا فندم قلتله عايز المهندس مينا قالي فوق في الدور الاول قلتله ماشي وبعدين سألني قالي حضرتك عارف الطريق قلتله لآ قالي طيب اتفضل و مشي معايا لحدما وصلني لمكتب المهندس مينا و مشي
دخلت المكتب المهندس مينا قالي اتفضل قعدت قالي أأمرني قلتله عايز الضمان و اليوزر مانيوال قالي طب بعد اذنك ممكن الرخصة بتاع العربيةاديتهاله و بعدين هو اداها لواحد تاني معاه في المكتب قاله هاتلي الضمان و اليوزر بتوع العربية دي و قعدت اتكلم معاه و اساله عن شوية حاجات بصراحة رد علي كل استفساراتي
مفيش حوالي 5 دقايق و جه اللي كان معاه في المكتب مضاني و اداني اليوزر و الضمان في جراب شكله شيك جدا و خدهم مني المهندس مينا ووراني كل محتوياتهم و عرفني كل حاجة بتاعة ايه
و من غير ما اطلب منه اداني الكارت بتاعه و قالي اي استفسار كلمني في اي وقت انا تحت امر حضرتك
و نزلت خدت العربية و مشيت
تقيمي اديهم 9.5 من 10 لأن الكمال لله وحده
بس بجد محترمين جدا جدا جدا و انا مبسوط منهم اوي لحد دلوقت و برده استنوا مني تقرير ال 5000 عن العربية و التوكيل ان شاء الله
مع تحياتي للجميع
سامح محمد