لو حصل شىء لقدر الله اياك و الاتصال على 112

**badblood** · 13-09-2009 05:48 AM

عمااااااااااااااااااااااا ر يا مصر
فالحين في السرقة بس
الله يخرب بيتك انت وعيالك !!!

**Karim_Mohy** · 13-09-2009 06:13 AM

حمدا لله علي سلامتك

**Chucky** · 13-09-2009 11:58 AM

ههههههههههههههههههههههههه

ده انا كنت فاكر الحال مع المطافى بس... اصل احنا برضو حصل معانا احد مواقف المطافى الظريفة دى برضو

كانت الشقة اللى تحتينا فى مرة حصل فيها حريقة و والدتى اتصلت بالمطافى الاول من تليفون البيت مجمعتش خالص فأتصلت من الموبايل رد عليها واحد و بتقوله ان فى حريقة فى الشقة اللى تحتينا و مش عارفين نطفيها يقولها طيب اتصلى من على تليفون البيت لو سمحت... تقوله بقولك فى حريقة يقولها ايوة بس اتصلى من تليفون البيت و بعد كده نشوف موضوع الحريقة

المهم والدتى اتصلت من تليفون البيت قام رد علطول و قعد يسال على العنوان و كده كل ده و الحريقة بقالها 10 دقائق او ربع ساعة... بعد لما والدتى قفلت بـ 10 دقائق كده لاقناه بيتصل تانى بيسال اذا كانت الحريقة لسة شغالة ولا لاء و اخيرا قرر انه يبعت عربية المطافى اللى وصلت بعد نص ساعة طبعا بعد لما تاهت مرتين و يتصله بينا يتأكده من العنوان

بس الحمد لله على ما وصله كانت الحريقة اطفت بقالها ربع ساعة مثلا

اللذيذ فى الموضوع ده بقى ان المطافى بعد البيت بأربع شوارع يعنى الفرق ما بنا و ما بنهم مبيكملش خمس دقائق بالعربية

اهم حاجة يا باشا انك بخير

**Amrrr** · 13-09-2009 12:24 PM

انا مرتين اتصلت بالنجدة بس هما مش سلبييييين اوي كدة يا جماعة ايه الافترا دا ؟
هما ماجوش في المرتين بس اتصلوا بعد حوالي ساعتين تلاتة من اتصالي بيهم يطمنوا عليا ويشوفوني محتاج حاجة ولا لأ ويسألوا الدورية جت ولا لأ !!!!!!! تاني مرة حلفت للي اتصل بيا اني مش هتصل بالنجدة تاني ومش عايز حاجة منكوا !!!!!!
اول مرة ناس طلعوا يحدفوا طوب وعصيان على العربيات في أول الأوتوستراد من مساكن شيراتون يوم ماتش الأهلي والبتروجت من سنة او سنة ونص تقريبا كان 3/0 للأهلي والبرابريز اتكسر عندي والكبوت اتنقر والرفارف تقريبا كلها اتنقرت ورحت في الآخر عملت محضر في القسم والظابط قال لي هنعمل محضر للتأمين بس لكن بلاغ عن الموضوع بالظبط وتفاصيله مش هينفع عشان دا اتهام لناس معينة ( جماهير البتروجت اللي جاية من السويس ) وبعد محاولات مني شكرني وقال لي هنعمل محضر وفعلا رحت للأمين وعملت محضر عادي للتأمين لكن محضر لاثبات الحقيقة
تاني مرة حادثة نص نقل رجع على عربيتي واحنا واقفين وانا عمال اضرب كلاكسات وهو ولا هنا وفجأة راح خابطني وكمان مش عاجبه وبيقل أدبه فقلت أعمل له محضر عشان يتربى بس انا اللي اتربيت من الحكومة بصراحة ساعتها وهي دي كانت تاني وآخر مرة

**Amrrr** · 13-09-2009 12:37 PM

مرة تانية بس دي زمان شوية كانت خناقة مع واحد قدام الكشك وكان هايف أوي وعصبي جدا وراح مطلع مسدس وضارب طلقة في الهوا (معرفشي حقيقي ولا فشنك بس المنظر يخوف وتحس مستحيل تتأكد بنفسك افترضت انه حقيقي) لما حس اني في المنطقة بتاعتي والناس اللي جاية كلها جاية عليا انا وبتقوللي في ايه وكدة ؟ انا لمحت دورية قمت ناطط في عربيتي ولحقت الدورية شاورتله ووقفت قدامة بعد ماوقف طبعا وقلت له في خناقة والراجل طلع مسدس !!!! تخيلوا اول حاجة سألني عليها هو ظابط أو أمين شرطة ؟ قلت له ماشفتش بطاقته !!! باستهزاء طبعاً!!! وقفني جنب منه 10دقايق لحد ماجاب دورية تانية فيها ظابط والظابط وقف سألني على بطاقتي ورخصي وبعد ماشاف ورقي بدأ يدخل في الموضوع بقى ، قال لي ايه اللي حصل !!!!
كانوا اصحابي اتصلوا بيا وقالولي معرفوش يثبتوا الراجل وجري في عربيته وخدنا نمرة العرية فقلت للظابط اللي انا واقف معاه قال لي هنروح بقى ونشوف ايه القصة
طبعا جه معايا ولقى لمة وناس واقفة واتأكد ان الموضوع حقيقي واصر يعمل محضر ومرضيش يكتب فيه رقم العربية واثبت حالة بس واحنا ماكناش راضيين نعمل حاجة خلاص وبقول له اللي هتعمله مش هيفيدني بأي حاجة وهددنا انه يبقى بلاغ كاذب وبدأنا نحس انن هنبقى متهمين !!!! طبعا عملنا المحضر زي مالباشا عايز وخلاص

الاسعاف الجديد هي اللي بقت حلوة بس يمكن مش في كل المناطق !!! وبقيت اشوف بالعربيتين بييجوا للحادثة في وقت قياسي وكل واحدة جاية من طريق مختلف!!!!
هو انا شفت الموقف دا مرة واحدة

**LORD.ADeL** · 13-09-2009 01:00 PM

قدر الله وماشاء فعل
الحمدلله انك بخير انت واللى كانو معاك وبخصوص خدمات الطوارى
فاحسيبى الله ونعما الوكيل بجد وربك يستر
من كام يوم مكبروياص طبق الباب عندي وحجزته واتصلت بيهم ولا الحياة خالص
حتى لما رحت لامين شرطه ومعه ضابط قلى خت نمرة طب خلاص هاتها واحنا هندور عليها وكل سنه وانت طيب ارد عليه اقوله ايه
علما ان الامين راح يسائل عن صاحب النمر بين سواقين وشاف عربيه ركنه وبتحمل غلط قال ارجع لاقيت سواق هب فى الامين وقاله مش عام لحاجه وهحمل واللى انت عايز تعمله اعمله وسابه ومشي
تقول ايه ع كدة
حسيبى الله ونعما الوكيل

**ashraf229** · 13-09-2009 02:06 PM

المشاركة الأصلية كتبت بواسطة tutankhamoun

خدمات الطوارئ في البلد دي زي قلتها ....... أعتبرها مش موجودة أصلا .............

أنت ممكن تروح لغاية القسم نفسه لأي سبب و برضه مفيش حاجة هاتحصل ............

و ملناش دايما غير المولى عز و جل ............... و ربنا يستر طريقنا و يرحمنا و يغفر لنا و يهدي أولياء أمورنا .

ايوه و الله عندك حق.............

لنا الله.........و حمدالله عالسلامة يا شقيق.........واحمد ربنا انهم ما ردوش لحسن كانوا يردوا ويجولك و تلبس مشكلة أكبر........

البعد عنهم غنية.........ربنا يسترلك طريقك و يحميك من كل شر

**pro_samir** · 13-09-2009 02:50 PM

الحمد لله ان عدت على خير

و شكرا يا مصر

**أبو إياد** · 13-09-2009 09:26 PM

الحمد لله على كل شىء واللى حصل ده فدى لحاجه اكبر وفى داهيه اى حاجه طالما الواحد سليم هو واللى حواليه

انا فعلا غلطان ان كان لازم اعمل سابق حجز تليفونى بالنجده بس انا كنت باتصل بالطوارىء علشان ينزلوا العربيه من فوق الكوبرى ومايكونش فى خطوره خصوصا ان الوقت ده الطريق كان فاضى والعربيات ماشيه بسرعه رهيبه لدرجه انى سمعت شوية شتايم فوق الوصف واللى مش عاجبه ويقولى ولع النور ( نور ايه اللى اولعه ياعم ده العربيه كلها ولعت )

وباردوا مش هانسى الناس اللى وقفت وعرضت خدماتها اللى حب يفطرنا واللى كان عاوز يقطر العربيه وينزلها من على الكوبرى واللى بيشوفنى محتاج حاجه وانا شايل الهم ان بعد ساعه بالكتير هاكون سبب فى تعطيل الكوبرى

اخويا بعتلى عربيه علشان تقطرنى وخلصت على خير والحمد لله
واتنين اصاحبى كلمتهم ساعت الحادث الله يجازيهم كل خير فى اول مكالمه قالولى فورا هانكون عاندك تانى مكالمه منهم كانت بعد مرور 4 ساعات تقريبا .............ها ... عملت ايه ؟؟؟؟

سبب الماس

قفلت المكيف ونزلت الزجاج الامامى الاتنين اللى حصل ان الزرار فضل معلق وعمل قفله وده كان سبب الحريق
الاضرار الحمد لله الضفيره اتحرقت بس الكونترول يونت سليم

والحمد لله بس اللى مزعلنى انها عربية اخويا الصغير