نسيت اقول بالنسبة للناس اللي عملت ابديت للنوكيا والعربي اتمسح في حلها بسيط ان شاء الله وممكن تعمله بنفسك
بس تقولي نوع الجهاز ايه والبروديكت كود بتاعه وان شاء الله هجيبلك الخطوات
نسيت اقول بالنسبة للناس اللي عملت ابديت للنوكيا والعربي اتمسح في حلها بسيط ان شاء الله وممكن تعمله بنفسك
بس تقولي نوع الجهاز ايه والبروديكت كود بتاعه وان شاء الله هجيبلك الخطوات
أولا اشكرك جداً لإهتمامك
الل حصل كالآتى :
1- عملت تحديث من الموقع الرسمى لسامسونج ودة من حوالى 3 شهور.
2- الجهاز كان شغال كويس جدا.
3- فجاة الجهاز كل ما اشحنة مش عاوز يشحن الا لو حركت السوكيت اللى داخلة على الجهاز وافضل ماسكها يايدى لغاية لما يشحن.
4- وديت الجهاز لـ رينج فى ميدان سفنكس وبعد يومين قالولى ان الجهاز مفتوح , حلفتلهم ميت يمين ان الجهاز مفتحتوش كل اللى عملتة تحديث فقط.
5- قالولى فى الحالة دة علشان يتصلح ادفع 200 جنية لانى عملت تحديث خارج المركز بتاعهم.
6- قلت ماشى ومضيت انى موافق ادفع 200 جم.
7- المصيبة دلوقت حالاً كلمتهم قالولى ان الجهاز مش هينفع يتصلح وان الجهاز خرج برة الضمان لانى مضيت ان حصل " عبث " بالجهاز خارج التوكيل ( اكتشفت ان مكتوب فى الورقة اللة مضيتها انى موافق على دفع 200 جم فيها انى " عبثت " بالجهاز.
بالله عليك تقولى اعمل اية , دى سرقة رسمى يعنى اشترى جهاز بـ 3400 من 3شهور ودلوقت ارمية .
انا بعت شكوى على موقع سامسونج لكن مش عارف اعمل اية , ياريت حد يفيدنى
كلم ntra على 155 اشتكيهم
و ما تمضيش نهائي على ورق من غير ما تقراه
.. عليك و على نوكيا SW updater زي ما الشباب قالوا...
الغريب ان في كل موبيلات نوكيا Symbian s60 FP2 الجديدة موجود خاصية التحديث من الموبيل نفسه!!
انا جربتها من موبيل والدتي N79 برضه و خلص في اقل من 5 دقائق .. مش مقتنع ان حصل حاجة اصلا + المشاكل لسة موجودة!!
الحقيقة ان الN79 موبيل سئ جدا جداً ... زي معظم الـnseries اللي بتتميز بقلة الإعتمادية .. و عمري ما هنصح بيها
ممكن يعمل ريستارت لوحده ..(يعني يكون محطوط على الترابيزه و تلاقيه عمل ريستارت ..مزاجه كدا)
الثيم.. كل ما يعمل ريستارت يرجع للـdefault بتاع الجهاز!!
مرة الموبيل اتقلب (اخرس) لوحده بدون اي سبب (لدرجة لما روحت قلت لوالدتي انتي مبترديش على الموبيل لية؟)
لصيت عليه لاقيته مش سايلنت ولا حاجة .. جربت اتصل عليه .. بيكتب ان في اتصال .. لكن بدون صوت نهائي... عملت ريستارت ..اتظبط
و مشاكل تانية خلت والتدي كرهت انها غيرت موبيلها القديم اللي كان شغال اكتر من سنتين زي الفل!!
انا فعلا لسة عامل sw updater من التليفون وفعلا خلص بسرعة جدا وكمان مانزلش اخر فيرجن موجود ..الفيرجن الموجود دلوقتي على موقع نوكيا 30.019 وsw updater ده نزللي 20.175..وبردوا الجهاز متظبطش ده كمان كل حاجة فضلت موجوده زي ماهى(الاسماء والرسائل والبرامج...حاجة غريبة)..والجديد كمان اني باجي افرمت ال phone memory عن طريق الكود ده #7370#* بيعمل ريستارت وما يحصلش حاجة
شكلي حتكل على الله واعمل تحديث من الكمبيوتر ولو اني خايف التليفون يبوظ منى..اوديه ل رايه ولا اعمل التحديث انا احسن بالكمبيوتر؟؟
بصراحة حسبي الله ونعم الوكيل السوفت وير انت منزله رسمي وكمان من موقع سامسونج نفسه دي حاجة
تاني حاجة السوفت وير طبعا مالوش اي علاقة بالسوكت
3 حاجة انت كنت ممكن تعمل حاجة بسيطة جدا تفصل الجهاز باور خالص وتوديه وساعتها تقولهم الجهاز فصل لوحده وده من مبدا المعاملة بالمثل لان هما كده بينصبو علي الناس
رابع حاجة لو موصلتش معاهم لحاجة مع اني شايف ان ده حرام حقك ان الجهاز يتصلح
انا ممكن اعملهولك وتكلفته هتكون حوالي 250 تقريبا بس مش انا اللي هعمله ده واحد صاحبي فني هارد وير لان انا شغلي سوفت وير بس خلي ده اخر حل لاني شايف ان مفروض انهم يصلحو الجهاز وده كده نصب عيني عينك