حسما للجدل فى موضوع الاسبرانزا

**mazagngi2002** · 13-09-2009 02:52 AM

خناقات كتير بين الاعضاء
شد وجذب
الى يقول عليها حلوة والى يقول زى الزفت
الى يقول التيجو دى لاند كروزر والى يقول الـ 127 احسن منها
الناس مقيمة العربية على اساس المزاج
يعنى لو طلع عيب فيها ولو بسييييييط نقول ( امسك ..... ادى الصينى وبلاويه )
ولو حد قال عليها حلوة يقولوله اصلك مش ركيب .... مجربتش الالمانى ولا اليابانى ولا ... ولا ....
انا فكرت فى فكرة شايفها من وجهة نظرى جامده
وخصوصا لما شفت المناقشة الحامية بين الاعضاء
bedoo100 / mantoros / Hacker 5 / som3a وغيرهم
الفكرة ملخصها كالتالى :
تعالوا نوسع النظرة شوية , بدل مانبص على الصينى بس تعالوا نبص على كل الماركات العالمية فى موضوع واحد
بمعنى هنشوف شكاوى كل الماركات المشهورة الى الناس بتقول عليها ( اركبها وانساها) وكل الشكاوى دى مدعمة بلينكات من المنتدى هنا من الاعضاء
وعلى فكرة انا معنديش عربية صينى عشان محدش يقول متحيز
بالعكس انا معايا لانسر بومة ( وللعلم مش عجباني)
بس عموما تعالوا نشوف كده موديل ورا التانى

اولا : مرسيدس

ماركة غنية عن التعريف من اعرق الماركات .... تعالوا نشوف المشاركات دى :

1- العضو KHALED كانت مشكلته
(المشكله ان عربيتى c180K 2009 وعامل بيها دلوقتى 3500 كم لاحظت فى كام سفريه انى لما اسافر و اركن العربيه ساعه او اتنين و اجى امشى بيها تانى ان اسمع التيل بيصفر لمده 3 او 5 دقايق على السرعات البطيئه و بعدين يختفى. و الصوت بسمعه من العجل الأمامى. لكن المره الأخيره سمعت صوت صفير جامد كانه حديد فى حديد من العجله اليمين ورا و الصوت اختفى كانه لم يكن بعد مطبين تلاته يعنى اقل من دقيقه. مع ملاحظه مافيش اى سخونه فى الطنابير او العجل او حتى العربيه مش مكلبشه. وكل ده بيحصل بدون ما ادوس فرامل خالص. و اسوق على طريق السفر كان الموضوع لم يكن.
و بقعد بالأسبوع والتنين جوه البلد لمسافات قليله مأسمعش حاجه.
الموضوع ده قالقنى مع العلم ان ليا واحد صاحبى معاه c200 بيسمع صفير فى العجله اليمين ورا برده بس لما يرجع بالعربيه لورا بس و اتنين من اصحابى معاهم c180 ماشتكوش من الموضوع ده خالص.)

وده اللينك عشان الى مش مصدق

http://www.nilemotors.net/Nile/94448-c-class-w204.html

وطبعا لو الصفارة كانت ظهرت فى الصينى ياداهية دقى .... لكن فى المرسيدس هنسمع ( عادى وماله هتظبط اصبر) ومش معنى كده برضه ان الصينى احسن من المرسيدس انا مش مجنون

ثانيا : التويوتا

العضو mohamedhelal
(انا العربية معايا بقالى تقريبا شهرين وعملة حوالى 4000 كيلو استعمالى للفرامل كان انى بدوس دوسة تتريجية ولكن احتجت من كام يوم انى ادوس فرامل بصورة مفاجأة احسست ان الدواسة اتحجرت تحت رجلى وزحفت العربية بى ولكن لمسافة قصيرة )

وده اللينك

http://www.nilemotors.net/Nile/94732-2009.html

ثالثا : النيسان

كان موجود موضوع مجمع عنها الصنى واللينك بتاعه تحت كل الاعضاء بيشتكوا من ان العفشة ناشفة والمقاعد الخلفية غير مريحة والاكصدام مثبت بمسامير ضعيفه جدا وممنك يقع من تريحه بسيطة واستهلاك البنزين عالى
وفى النهايه العضو fady قال ( ياجماعه مفيش عربية مفيهاش عيوب)

رابعا : هيونداى

ودى من الماركات المنتشرة جدا جدا فى السوق المصرى وتكاد تكون رقم واحد
تعالوا نشوف شكوى الملاك منها
1- الزميل marwanelbendary
قال فى موضوعه :
( مشاكل النيو أكسنت:
1- صوت المحرك مرتفع وخشن بعد 3200 rpm
2- الفرامل جامدة أوي لدرجة ان العربية بتزحف من أقل فرملة وخاصة لو في شوية رملة يبقى قول على وش العربية يا رحمن يا رحيم.
3- السيارة بتتنطط كتير من الخلف مما يؤدي الى احساسك بقلة الوزن و فقدان السيطرة.
4- العفشة الأمامية بتخبط.

أي واحد عنده نيو أكسنت فهو على الأقل متضايق من أحد هذه العيوب القابلة للتعدبل.

ويجب أيضا أن نعلم أنه كلما زاد ثمن السيارة (من نفس الفئة, قلت عيوبها و لكنها لا تنعدم)
علشان كدة لو حد مثلا بيشتكي من الثبات و بيقارنها بالسكودا مثلا ده كلام فاضي

كل شىء له الشىء بتاعه, يعني ما ينفاعش نحط حاجة بتتركب في ال bmw في هيونداي و العكس ص صحيح
احنا هانعدل بس بالحجات بتاعة النيو أكسنت بس و ما ينفعش تتركب على عربية تانية و العكس صحيح.)

ياسلام على الرضا والقناعه مع العلم ان غبور بيبع للناس الاساسيات على انها كماليات زى السنترلوك والزجاج الكهرباء
وده اللينك ( ولاحظوا ردود الاعضاء )

http://www.nilemotors.net/Nile/91336-new-accent.html

2- العضو HamadaMOMO
قال : (انا معايا النترا 2007 هاى لين غبور مشكلتى فى الطنابير الامامية العربية بتغربل ودى تانى مرة تعملها بعد ما غيرتهم اول مرة)

وده اللينك :
http://www.nilemotors.net/Nile/73621-a.html

ده غير مقلب الفيرنا والفيفا والجيتز الى مش لاقيلها لزمه

خامسا : السيراتو

وهتكلم خصوصا عن النيو سيراتو الى قالبه الدنيا شوفوا المشاركة دى
1- العضو awadalla
( انا شوفتها كذا مره و ركبنها و سوقتها بس لفه صغيره العربيه كانت سحبها كويس و قاعدتها حلوه بس كان ليا شخصيا بعض الملاحظات:
1- الصالون ماكنش قوى فى اول فئه اوتوماتيك و الابواب من جوه كانت خامتها مش قوى و حسيت ان الصالون مش حيعيش كتير مع انى اعزب و ماعنديش اولاد يبهدلوا العربيه و من النوع اللى بيحافظ على الحاجه قوى
2 - صاحب العربيه كان بيشتكى ان العفشه ناشفه و انه متضايق منها مع ان العربيه ماكانتش مجنطه اصلا
3- انا حسيت ان الصاج خفيف و مش حيستحمل
4- الاكره بتاعت الباب من بره كانت خشنه اوى فى الفتح مقارنه بالانسر معرفش ده بسبب ان العربيه جديده ولا هيا كده اصلا مع ان العربيه عامله 6000 كيلو

ولاحظوا ردود الاعضاء برضه وده اللينك

http://www.nilemotors.net/Nile/94552-a.html

سادسا : الاوبل

1- العضو mifs
اشتكى وقال : (بعد صلاة التراويح امبارح بشغل التكييف سمعت صوت كأن الكباس مفيهوش فريون كفاية ولقيت الهواء اللي طالع مش بارد علما بأني كنت مشغله اول امبارح الظهر وكان كويس والغريبة اني مغيرلها كباس السنة اللي فاتت في اخر الصيف ( بسبب الشفت سيل بتاع القديم مع ان حالة القديم كانت تمام وغيرتله شفت سيل مرتين وضرب برضه وهوا دلوقتي عطلان على شفت سيل يكون كويس ) ومشتغلش كتير من ساعتها وكنت جايب الكباس من المصرية اللي في ميدان لبنان كوري ب 1450 تقريبا وركبته عند رامي اللي في احمد عرابي المهندسين

يا ترى المشكلة المرادي ممكن تكون كباس برضه ولا ايه ؟؟ وايه رأيكم في الكباس اللي انا اشتريته ده ؟؟ وهل حد جربه ولا لا ؟؟
افيدوني يا اهل الخبرة ( فيكترا a )

وده اللينك :
http://www.nilemotors.net/Nile/94261-a.html

2- العضو amirrk
قال : (العربيه انا لسه شاريها من كام شهر هي استرا 1600 2003 برازيلي
دلوقتي ظهر فيها عيب انو لما تيجي تشغلها متدروش من اول مره يعني تقعدلك 2-3 كده عشان تقوم و لازم تزود بنزين
و برده لما تيجي تفرمل و بعد ما العربيه تقف تبقي عايزه تبطل و لازم يزود بنزين عشان متفقش
رحت للميكانيكي قالي غير بوجيهات و هات البوش و غيرته مع اني لسه مغيره من شهر بس كنت جايب نوع تاني فرنساوي و شكلي اتخميت فيه
المهم غيرنا البوجيهات السحب زاد و مبقتش عايزه تبطل زي الازول لكن برده ساعات بتبقي عايزه تبطل و برده مبتقومش من اول مره
كشف علي البوبينه و لقاها سليمه راح قالي يبقي كده عايزه جوان وش سلندر حيتكلف حوالي 1000 جنيه
انا مش متاكد بصراحه من كلامه لان سحب العربيه اكتر من ممتاز و بتجيب سرعات عاليه و صوت الموتور مش بيعلي
انا بصراحه معنديش خبره في الميكانيكا و ياريت يا جماعه تفيدوني عشان انا عارف ان هنا في خبراء في الاوبل)
وده اللينك
http://www.nilemotors.net/Nile/94403-a.html

وكل ده طبعا غير عيوب الاسترا الى اتجمعت فى مصر وكلنا عارفنها
وطبعا دى لو فى الصينى احنا عارفين الردود ايه
لكن شوفوا ردود مالكى الاوبل هتلاقيها هاديه جدا

سابعا : المازدا
1- العضو محمد عز
كان عامل تقييم اللمازدا Z3 وذاكر المميزات والعيوب بعد 10 الاف كم
تعالوا نشوف العيوب ( لاننا كلناعارفين المميزات)
العيوب:
1- صوت ماكينات رفع الزجاج عالى وخشن يعنى مافيش سلاسة
2- الازاز اللى جنب السائق هو الوحيد الاتو اللى يترفع مرة واحدة اما الباقى لازم تفضل دايس على الزار لحد ما يترفع
3- مافيش شاشة عرض بيانات السيارة زى استهلاك البنزين والرسايل المختلفه زى الميجان
4- استهلاك البنزين عالى نوعا ما مقارنتا بالميجان
5- الباور استيرنج هيدروليك وطبعا بيبقى اتقل من الكهربا وان كان ميعتبرش عيب لان العربيه تعتبر رياضية ولكن كنت افضل انه يكون كهربا
6- مافيش مرايات ضم

وطبعا ده من وجهه نظره وفى ناس تقول وهى دى عيوب وانا اقولهم بالنسبة لفرق السعر ده كله عيوب طبعا والا كان يوفر الكام الف الى دفعهم دول
وده اللينك بتاعه :
http://www.nilemotors.net/Nile/53091-3-10-000-a.html

ولكن انا بنفسى شفت الصاج بتاعها زى الورقة بجد بدون مبالغة
قدامى حصلت خبطة بسيطه فى الجنب لقيت الصاج اتطبق زى الكرتون

ثامنا : الاسكودا

1- العضو mhfmhf
قال : (انا عندى مشكله كبيره جدا وارجو الرد فيها او حد يفيدنى فيها فى الاول لمبه الزيت نورت فى التابلوه مع انى لسه مغير زيت فى شهر سته روحت جبت زيت وفضيته كله ومشيت بيها شويه ولقيت لمبه الزيت راحت نورت تانى اطفى العربيه وادور اللمبه مطفيه شويه والالقيها نورت تانى روت جايب زيت تانى وحطيته العربيه خدت 2 جركن زيت يعنى العربيه فيها 8 كيلو زيت وبعد كدا مشيت بيها شويه اللمبه لسه منوره مشيت بيها لقيتها قلت فى السحب بتاعها وبعد كدا الموتور عمل صوت اكنه صوت عربيه نص نقل ولقيت دخان طالع من من الشكمان وفيه زيت وبس مش عارف اعمل ايه انا وقفت العربيه وجريتها بعربيه تانيه ومش عارف ايه فى الموضوع ده ياريت حد يفيدنى ويقولى ايه حل المشكله ديه وتكلفتها تكون فى حدود كام معلش طولت عليكوا )
وده اللينك :
http://www.nilemotors.net/Nile/88383-skoda.html

2- العضو hossamdoaaa
قال ( واحد صاحبى عنده a5 راح يعمل صيانة 150 الف فى التوكيل قالوله فى صيانة ال 150 لازم يتغير حاجة اسمها بلو بلف فى العربية وثمنها 14000 جنيه هل ده صحيح ؟ وايه وظيفة القطعة دى؟؟؟؟ )

وده اللينك
http://www.nilemotors.net/Nile/89307-a5-14000-a.html

وطبعا لو السعر ده فى الصينى كانت قامت مظاهرة قفلوا المصنع
وده غير مقلب الفابيا ومالى ذلك

تاسعا : الفولكس فاجن

1- العضو maamska
شايف ان دى عيوب الجيتا :
صوت الموتور عالي جدا حتى بعد صيانة الالف
السحب تقيل شويه (انا واخد على المانيوال)
العربيه واطيه و بتحك لما تكون محمله
العفشه ناشفه جدا و دي اكثر حاجه مدايقاني لاني باحس باي شيء في الاسفلت كأني ماشي حافي !!
صوت الحساسات الخلفيه واطي جدا
التكييف مش ساقع زي الياباني
الفرامل بتدي صوت هواء في اول الدوسه لكنها قويه و الصيانه قالوا لي ده عادي
وده اللينك :
http://www.nilemotors.net/Nile/94559-2009-1800-a.html

والى يسمع الكلام ده ميقولش انى دى جيتا خالص

ده غير عيوب البولو العيون والبوينتر والباراتى الى كل الناس عارفاها

عاشرا : الميتسوبيشى
ودى عن تجربة شخصية تكييفها ضعيف جدا , العفشة ضعيفه برضه , الـ 1300 مقلب كبير بجد والى مش مصدق يدور فى مشاركات الانسر

الخلاصة :
العيوب دى مجرد عينة تعبت فى تجميعها بالشكل ده , ومش معنى كده ان الاسبرانزا احسن من كل دول
لكناحنا كمصريين لما نشك فى حاجه نطلع فيها القطط الفطسانه
ولما نثق فى حاجه نعديلها اى حاجه
على رأى المثل حبيبك يبلعلك الزلط وعدوك يتمنالك الغلط

الهدف من الموضوع ده اننا نوسع نظرتنا
نبص لعيوب الصينى وماله طبعا لازم
لكن لاااااااااااازم نبص لعيوب العربيات التانيه
ونبص كمان لفرق السعر الكبير
وفى الختام اتمنى ان الناس تقدر تفكر بميزان مضبوط ونبطل التعصب انى ضد الصينى او معاه
كل حاجه ليها مميزات وعيوب
بالتالى لازم نقارن صح ونضع فى الاعتبار فرق السعر
وشكرا

**Hacker5** · 13-09-2009 03:41 AM

انا ضحكت لما لقيت اسمى فى الموضوع D:
شكرا يا باشا بس انتا نسيت تجيب سيرة الافيو اللى مافيش عربية منها من غير مشاكل و كثرة شكاوى ملاكها و و الامريكان نفسهم اجمعوا انها اسوء سيارة فى العالم و جملتهم المشهورة Dont Buy this GM's Shit
Aveo is a crap car

يا باشا متتعبش نفسك محدش هايصدق و كله بينقل كلام و خلاص من غير مايجرب حتى ولا يسال حد معاه العربية نفسها
و لو فعلا الصينى وحش ماكنتش انتشر بالمنظر الرهيب دة و شغال تاكسى كمان يعنى العربية طلعان عينها
بص دى عجلة ماشية اللى كان بيتقال على اليابانى و الكورى بيتقال على الصينى
النهاردة كنت ماشى فى شارع رشيد بالمهندسين شوفت واحد بيركب عربيته و كانت تيجو 1600 قلت اروح اساله عليها و روحت سألته قلتله العربية اخباها ايه معاك قالى فعلا عربية ممتازة نعامة جدا و تكيفها ممتاز و ثبتها عالى قلته حضرتك كان معاك ايه قبليها ؟ قالى بروتون جين 2 و قالى انه بعها لانها عربية غالية على الفاضى و معجبتنيش ابدا قالى بعتها و جبت تيجو بعد ما جربتها من واحد زميلى فى الشغل قولتله يعنى مش خايف عشان صينى ؟ قالى ماهى التانية كانت ماليزى و زى الزفت و انا مرتاح مع التيجو و قولتله طب فيه مشاكل فى الفرامل اصلى قريت واحد على النت كان قايل ناس كتير بتشتكى من الفرامل قالى مشاكل ايه يا عم الحمد لله الفرامل زى الفل و لو فعلا كان فيه مشاكل فى فرامل التيجو كنت هتلاقى كل التيجو اللى فى الشوارع مخبوطة و وشها معجون ولا ايه؟ قلتله معاك حق قولتله ربنا يباركلك فيها و رخمت عليه و خدت رقم تليفونه عشان ابقى اتصل بيه كل فترة اشوف اخبارها و الراجل كان زوق كدة و قالى تحت امرك

دة يعتبر مثل كمان الراجل باع عربية ماليزى و ليها اسم و جاب عربية صينى عشان الماليزى معجبتهوش
مافيش عربية مافهاش مشاكل لان البنى ادم هو اللى بيعملها لكن تفرق هل المشاكل ليها حل ولا لاء دة السؤال المهم ؟ و اكيد طبعا كلنا لفينا على جميع اقسام المنتدى و شوفنا مشاكل من ماركات معروفة مش صينى تحت بير السلم زى ما بيقولوا
شكرا يا باشا على تعبك مرة اخرى مع انى متاكد ان محدش هايقتنع لا لكلامك ولا بكلام حد فينا

**HAMZAWY** · 13-09-2009 04:00 AM

احييك على مجهودك كان نفسى اعمل الموضوع ده من زمان

**egyptianmafia** · 13-09-2009 04:38 AM

the stuff you posted above are all problems that we face....no one said that the Benz or the Skoda or whatever is 100% service proof....

but you cannot say that because all those cars have problems...so why cant the chinese cars also have problems...

Problems 3an Problems differ....

You need to talk about safety...and dont tell me about chinese have ABS and Airbags....we already know that

and about the guy who used to drive a Gen 2 and got the Tiggo....obviosuily he will say good stuff about the Tiggo because he came from a Proton....

I would have loved to see his comment about the Tiggo if he had came from a Toyota or a Nissan or something like this....he wouldnt have gotten the Tiggo.....

he is comparing the Gen 2 with the Tiggo.....!!!!!!!!!!!

give a guy who drives a 128 a Verna or Lanos and he will say wonders about those 2 cars.....because after all he is comparing them with his POS 128....

**ash257** · 13-09-2009 06:05 AM

كلام سليم 100%

**mahmoud_magdy** · 13-09-2009 08:30 AM

حضرتك تعبت في الموضوع ده
وجمعت اراء كتير لانواع مختلفه من السيارات
وقلت رأيك كمان
ويحترم بشده
لكن انا عاوز انبه حضرتك لنقطه
السوق الصيني سوق مفتوح على العالم ومنتشر انتشار رهيب جدااا
وكتير من الماركات العالميه مصانعها موجوده في الصين
طيب ايه الفرق بين عربيه صيني نازله مصر وعربيه صيني نازله اوروبا !!!
الجوده , هو ده الفرق الوحيد
والمورد هو اللي بيحدد الخامات بتاعت المنتج نفسو سواء عربيه او غيرو
يعني العيب في الموردين مش في الصين
بس بردو هرجع واقول اللي بقولو كل مره
العربيات الصيني ادامها كتير عشان تثبت كفائتها وقوة تحملها
ومحدش هيقتنع بيها الا اذا بقت مثلا في عمر الدايو 10 او 11 سنه
والاعتماديه فيها بقت على الاقل في مستوى الدايو (لاحظ ان الدايو جباره بمعنى الكلمه وحمالة قسيه )
ان كانت العربيات الصيني انتشرت دلوقتي
فدي فرحة الكماليات اللي في العربيه وسعرها الرخيص بالنسبه لعربيات في نفس الفئه أغلى منها بكتير
الناس في مصر كأنها ما بتصدق تلاقي حاجه رخيصه حتى من غير جوده
( معلش اذا طولت في الكلام )
شكراااا

**egyptianmafia** · 13-09-2009 09:04 AM

فدي فرحة الكماليات اللي في العربيه وسعرها الرخيص بالنسبه لعربيات في نفس الفئه أغلى منها بكتير

This sums it up!

Egyptians look at kamaleyat first and then the safety of the car and reliability of it....

**amr.elsayed** · 13-09-2009 09:41 AM

المشاركة الأصلية كتبت بواسطة egyptianmafia

the stuff you posted above are all problems that we face....no one said that the benz or the skoda or whatever is 100% service proof....

But you cannot say that because all those cars have problems...so why cant the chinese cars also have problems...

Problems 3an problems differ....

You need to talk about safety...and dont tell me about chinese have abs and airbags....we already know that

and about the guy who used to drive a gen 2 and got the tiggo....obviosuily he will say good stuff about the tiggo because he came from a proton....

i would have loved to see his comment about the tiggo if he had came from a toyota or a nissan or something like this....he wouldnt have gotten the tiggo.....

he is comparing the gen 2 with the tiggo.....!!!!!!!!!!!

Give a guy who drives a 128 a verna or lanos and he will say wonders about those 2 cars.....because after all he is comparing them with his pos 128....

الله ينور عليك بجد احييك

**mantoros** · 13-09-2009 04:35 PM

you know what.....................i'm fed up of all this chit..........blocked minds shall never open and no reason or good mentation shall open these closed eyes and minds..................who says chinese cars are all crap,good for him,stick to your mind,no one told you to drive a chinese car,no one asked for money from you to buy a chinese car,just stick to your chevrolet or daewoo,or verna,or any other crap you drive as if your are driving a bmw and can judge other cars without even trying them!!!!!!!!!!!!!!! YOU ARE HOPLESS USELESS CASES OF EMPTY DISCUSSIONS THAT ONLY CAUSE HEADACHE THAT I'M SURELY NOT IN NEED OF

TO ALL HEALTHY OPEN MINDED PEOPLE OUT THERE ,I ONLY HAVE FEW WORDS TO SAY,GIVE ALL CAR TYPES A BREAK AND LET THEM PRROVE OR NOT THEMSELVES BUT STAY NEUTRAL AND HONEST AND DON'T GET SO PERSONAL?!!! THEY ARE CARS MADE FOR US,SO EVERYONE ENJOY WHAT HE WANTS AND LET OTHER ENJOY,AND WHEN WE WANNA DISCUSS SOMETHING THEN LETS FIRST EXPERIENCE AND AQUIRE KNOWLEDGE BEFORE JUDGEMENT...........THAT WHAT DIFFERS A CHILD FROM A MAN

LAST THING TO SAY,thank god i got finally my wife's new tiggo 1.6 yesterday from abo-ghaly............i drove it from masr gededa to mohandeseen to mokatam up and down then to ring road then to haram then to cairo alex and back to ahram gardens........i made yesterday 100 km on RPM 2-3 and max speed 90 km..................................I DRIVE A NEW SUBARU IMPREZA 2006................ALL I CAN SAY ABOUT THE TIGGO IS THAT i'm indeed respecting that car sooooo much,i took serious curves and turns on 90 km in mokatam and stability is mavellous,i accelerated from 0 to 90 km/hr (but without burning my new engine) and it was marvellous,A/C IS freezer on 2,suspention is a state of art,dimentions and spaces are more than more than enough,looks are great,brakes and ABS work perfectly,the sound system is so good,the high ride is inspiring,the car is so good that i wanna take it and give my wife the subaru for a while
;-)
maybe later i'll make a new report after 5000 km,that if i find a more healthy atmosphere here to join
i paid 80,000 LE for a car that i find deserves 150,000 at least (never forget that all cars here are overpriced,so tiggo whith chinese low workers coast and being also assembeled here in egypt,isn't cheap after all,so being for 80,000 LE doesn't make her cheap,it makes her well priced or under priced to gain a good market)..............wa god bless all of us

والسلام عليكم

**Hacker5** · 13-09-2009 04:38 PM

يا جدعاااااااااااااااااااااا اااااااان
مافيش فى العربيات حاجة اسمها المستورد هو اللى بيحدد خامات العربية
الكلام دة فى فوانيس و لعب اطفال مش عربيااااااااااااات
نفسى اعرف بتجيبوا الكلام دة منين ؟
اذا كان حتى العربيات اللى جودتها عالية فيها مشاكل
محدش دخل بص على خامات صالونات الافيرنا و اللوجان و الانوس ؟
كلها خامات تقرف ولا بلاش
خامات الياريس و السيراتو ؟
خامات لا تليق بسيارات فى فئة 90 الف
يبقى منتكلمش فى خامات و جودة بقى ؟
فعلا لو عربية المانى ولا يابانى و حصل فيها مشكلة محدش بيتكلم ولا بيزم فيهم
لكن لو صينى نشوف كمية شتايم بالعبيط فى الصينى
لسة عضو كان عامل موضوع فى العام معاه ميستوبيشى لانسر 1300 ضفيرة الكهربة ساحت و اتحرقت ؟
حد قالى حاجة ؟
لا طبعا مينفعش !!!
لكن لو حصل فى صينى ..... يا خرابى
كل دى اذزاق يا جماعة
انا عن نفسى لما جربت الميتسوبيشى لانسر 1300 معجبتنيش اطلاقا
محستش انى سايق عربية يابانى خالص
لا سحب و موتور صوته مزعج و لا فرامل عدلة و لا ثبات
كل دة و بـ 93 الف ؟
عربية بالثمن دة و بالمنظر دة و يابانى كمان ؟
منااوفر احسن و اجيب حاجة فى حدود الستينات و فيها عيوب بسيطة
حتى لو فيها كل مشاكل الانسر بس وفرت فوق الـ25 الف
على فكرة دة مش راى انا لوحدى عن الانسر دة رأى ناس كتير معاهم لانسر و منهم اتنين فى العائلة
و غندنا فى العائلة برضو عربيتين افيو موديل 2008 معروضين للبيع بسبب كم المشاكل اللى موجودة فيها

اللى انا عايز اقوله ..... مش عايز تشترى صينى متشتريش و عندك بدايل تانية كتير
شكرا

الموضوع: حسما للجدل فى موضوع الاسبرانزا

LinkBack

أدوات الموضوع

عرض

-

-

-

-

-

-

المواضيع المتشابهه

m11 اكتر عربية مثيره للجدل !!!!

موضوع ظريف منقول تجربتي الغير طبيعية مع الاسبرانزا, عن ما حدث لي وماحدث للاسبرانزا

موضوع زيت موبيل1 فى الاسبرانزا

الكلمات الدلالية لهذا الموضوع

المفضلات

المفضلات

ضوابط المشاركة