اخر حاجه رفعتلي الضغط
من كام يوك دخل عليا المحل (صيانه موبيلات) طفل لا يمت للطفوله بصله غير المرحله السنيه فقط لا غير (12-13 سنه)
ودا بيننا الحوار الاتي
-عمو عاوز اصلح التليفون ده (3310)
-دا هارد وير يا حبيبي وانا شغلي سوفت وير
-يعني ميتفعش انت تصلحه ؟
- لا يا حبيبي وديه للمحل اللي علي اول الشارع
- طب هو يكون عيبه ايه ؟
- لما تروح للمحل بتاع الهارد وير حيقولولك
- طيب هو حياخد كام يا عمو ؟
-الله اعلم ياحبيبي لم يفتح التليفون حيعرف عيبه ايه ويقولك
- طيب ما تعملهولي انت يا عمو بدل ما اروحله
- انا بشتغل سوفت وير بس يا حبيبي
-يعني متعرفش تعمله ؟
-لا مش بشتغل فيهم
-ليه ؟
-كده
-طيب هو يكلفني كام ؟
-معرفش
- طيب انا معايا 5 جنيه ممكن تصلحهولي بيهم
-هو حيشوفهولك يا حبيبي
راح طالع بره المحل وباصص علي اليافطه
ماهو انت كاتب هارد وير يا عمو بره اهوه
غوووووووووووووووووووووور يا ابن تييييييييييييييت وتيييييييييييييييييييت وتيييييييييييييييييييييت
===========
ملحوظه
1:هو مش غلبان ولا عبيط لانهم عندهم محل في الشارع اللي ورايا علشان محدش يقول اني بفتري
2:بعد نص ساعه لقيت صاحبي بتاع الهارد وير بيتصل بيا
وبيقولي منك لله علي العيل ابن تييييييييييييييت وتيييييييييييييييييييت وتييييييييييييييييت اللي انت بعتتهولي ده
لو بعتهولي تاني انا مش عاوز اعرفك
ودا كان موقف واحد من اللي بيحصلوا كل يوم
ودمتم سالمين