العادة اللى تحرق الدم , الشباب اللى واقف فى الشارع مورهوش شغلة الا الكلام على الناس و فلان و فلان و فلان و بس :( .
عرض للطباعة
العادة اللى تحرق الدم , الشباب اللى واقف فى الشارع مورهوش شغلة الا الكلام على الناس و فلان و فلان و فلان و بس :( .
يوووووووووووووووووووووووو وووووووووه
اقول ايه بس قلتم معظم الىل بيحصل لي
اخرها جارنا المحترم بيت ادامي ومفيهوش حد عنده عربية وانا ساكن في العمارة من سنة لانها لسة مبنية من سنة المهم بنركن انا وواحد محترم معايا في العمارة عربيتنا عند بيته في الشارع والله مش جوة البيت وفي الناحية اللى مفيش فيها شبابيك والدور الارضي عنده مش مسكون علشان محدش يقول بنكشف اللى ساكن
يقوم ابن الستين الف تيت يعمل ايه
عمل 5 دواير مبنيين بالطوب قطر كل واحدة فيهم متر وبعيد عن بيته بنص متر يعني اخر البناية تبعد عن بيته بمتر ونص وبارتفاع نص متر وحط في كل واحدة فيهم فرع شجرة معفن نشف بعدها بكام يوم لانه مش بيسقيهم كل ده علشان محدش يركن في الشارع جنب بيته
البيه البواب عندنا بردة كان من هواة رش الشارع دي لما يغرقه نبته عليه مرة واتنين ميعملش كدة اخر مرة مسكته قلت له والله لو شفتك بتعمل كدة تاني لهمشيك من العمارة فيه ناس مش لاقية نقطة مية تشربها من ساعتها معملهاش تانى
أكتر حاجة بتنرفزني وأنا سايق .. انك لما بتكون واقف في إشارة والسكة قدامك واقفة .. فمن الطبيعي والمنطقي أنك تقف علشان توسع للعربيات اللي جاية في التقاطع والسكة قدامها مفتوحة .
ليه وليه بقى العربيات اللي وراك يسيبوك في حالك .. وكأنك ارتكبت جريمة تستحق عليها الاعدام .. أنك سمحت للاشارة التانية أنها تمشي وسكتها فاضية .. وانت سكتك واقفة ..
كأنه عاوز يقول عليا وعلى أعدائي .. أو فيها لخفيها .. يا اما امشي يا اوقف ليكم الدنيا بحالة لا انت تمشي ولا انا امشي .. منتهى الغباء :majd(4):
كمان الناس مبقتش بتسامح بعضها .. وكأن كل واحد مستني للتاني أي حاجة علشان يتخانق معاه ويدوس عليه ومش بعيد يموته كمان (ظاهرة موجودة طول السنة مش في رمضان بس)
وخد عندك من ده كتير
انت لو وراك ميكروباص ساعتها قول علي ودانك بالشفاء ولو باليل صباح العمي من تقليب النور
علي اساس انه حيطير لو خليته يعدي
فكرتونى بمره دخلت بلد ارياف لواحد زميل والدى تعبان ووالدى اصر اننا ندخل بالعربيه ويارتنا مادخلنا
العربيه من تحت عماله تحك فى الارض وعمالين نطلع اهرامات وننزل اهرامات زى ماتكون طالع جبل بعربيه هامر واللى خلانى شيطت بقى العيال الصغيره عماله تجرى ورا العربيه وتخبط عليها باديها وعملولنا زفه محترمه طبعا الازاز كله مقفول والمسوجرات مقفوله وعنيا شغاله 360 درجه لحسن الاقى واحد دلق علينا جاز وولع فينا وبعد ماوصلنا البيت بتاع زميل والدى اخدت العربيه وطلعت على الطريق الزراعى بره واستنيت لحد ماخلصت الزياره ودخلت المنطقه جرى وبقيت انط بالعربيه وخدت والدى وخرجت جرى ( المهمه المستحيله )
ربنا يهدينا