عاده ترفع الضغط

**micromoud** · 13-09-2009 03:05 AM

دايما كدا لما تدخل منطقه شعبيه او شوارع قديمه شويه تشوف بعض العادات اللى صعب تلاقيلها مبرر او تفسير فمثلا

العاده الرخمه جدا واللى بشوف ناس كتير بتعملها ان واحد يشترى خرطوم ويوصله بحنفيه الميه ويتطوع انه يرش قدام بيته ساعت الظهريه والعصريه وفى ناس هوايتها الرش بالليل
المهم انك ممكن تكون معدى من امام بيته ولابس جزمتك ولسه ملمعها تلاقيها غرزت فى الوحل اللى عمله .... اسأل اى واحد بقى منهم بترش ليه هيقولك "الدنيا حر ياعم" وهما اغلبهم اصلا واخدين الرش دا على انه هوايه يتوارثها الاجيال

العاده التانيه هى عاده وهوايه بتعملها السيدات هى ابتدت تقل ولكنها مازالت موجوده
وهى عاده رش المياه اللى موش ولابد فى الشارع ودى بقى حاجه تنرفز بجد وتعلى الضغط

انا بقول للناس دول
رش الشارع دا بيبوظ الطريق ويهبطه ويعمل مطبات وبلاعات ويأذى الناس وطبعا لا انت ولا عربيتك هتسلم مالموضوع دا وبنرجع ونشتكى ونقول شوارع بلدنا شوراع المحروسه طب ما تحافظ أدام بيتك حافظ على واجهه بيتك حتى اللى يدخل منطقتك يبقى مبسوط موش بيدعى عليك ولا قلبه بيتقطع على عربيته مالمطبات

**youssefmustang** · 13-09-2009 03:47 AM

هو فعلا غلط رش الميه بالذات على الاسلفت وسمعت انه فى غرامة 500 ملطوش (جنيه) على اللى يرش ميه على الاسفلت

**Hacker5** · 13-09-2009 04:06 AM

فعلا
انا بروح امبابة كتير لان ليا صحاب كتير هناك
الحاجة الواحيدة اللى كرهتنى فى امبابة هى حقد الناس
طبعا امبابة زحمة طول منا ماشى ايدى على الكلاكس و الاقى الناس بتبصلى بصة مرات الاب من فوق لتحت كدة و اللى يقولى اصبر و المشكلة ان الناس كلها مش بيتوسع لما تسمع صوت كلاكس واحد لازم امشى ادى لكل واحد كلاكس عشان يوسع و بيبقى مضايق

**micromoud** · 13-09-2009 04:47 AM

فعلا يا يوسف ياريت الغرامه دى تتعمم عالكل

Hacker5
ودى حاجه كمان ممكن تدايق الواحد جوا العربيه وطالما اتكلمت فى حته شعبيه يبقى هتلاقى التكتك ومكروباصات الترامكو المصفحه أمامك
عالطريق موش هتعديك الا ماتركب زبونها الاول

**sherif222** · 13-09-2009 04:58 AM

ربنا يهدينا ويصلح حالنا

**totaa** · 13-09-2009 05:37 AM

من الحاجات اللى بترفع ضغطى كل سنة وانا مسافرة هى الايد اللى بتتمد من تحت لتحت

وتقولك كل سنة وانت طيبة عشان سيادتك تتكسف وتديه اللى فيه القسمة

الحاجة التانية يعنى لما يكون مطار القاهرة حماماته بالسوء ده فين المكان اللى نتوقع يكوون افضل منه؟

والله انا بحس بالضغط لما اشوف الاهتمام والنضافة برة ومن غير ما تلاقي اللى واقفينلك عشان

يخضوك بكل سنة وانت طيب دي

الحاجة اللى تجيب الضغط كمان اذا انا مش لقيت مية كويسة للشرب فى بلدي هلاقيها فين؟

ومصر المفروض هبة النيل ولا ايه؟!!!!!!!!!!

اللى يجيب الضغط كمان بقى انك تلاقي اللى بيكسر عليك بدون اى ذوق فى الزحمة ال ايه عشان يوصل قبلك والدنيا صيام

طيب منا كمان عايزة اوصل بيتى وغير كدة وكدة طول مافيه زحمة لا انت ولا انا هنتحرك غير بالاصول

والا هيكون مصيرنا اننا هنفطر يا اما فى قسم الشرطة اى بالمستشفى
هههههههههههههه

اسيبكم شوية على ما افتكر شوية حاجات بتجيب الضغط ههههههههههههه

ميرسي ليكم جميعا وربنا يعافينا من غير ضغوط

**د.محمود صلاح** · 13-09-2009 03:33 PM

مقتطفات من التلامة المصرية : -

1- واحد يسألك الساعة كام كل شوية وانت ماشى
2- وانت جالس فى أى مكان ومعاك جرنان واحد يقولك ممكن الجرنان ؟
3- استلاف القلم وعدم ترجيعه مرة اخرى فى المصالح والبنوك بالذات
4-العساكرو فى الكماين يشاوروا لك عشان توصل معارفهم معاك فى سكتك
5- عدم ارجاع الفكة ابدا فى خزنة اى مصلحة حكومية
6- أطفال الفوطة الصفراء فى الإشارات المرورية

...... الخ

**أحمد كمال** · 13-09-2009 03:43 PM

المشاركة الأصلية كتبت بواسطة د.محمود صلاح

مقتطفات من التلامة المصرية : -

1- واحد يسألك الساعة كام كل شوية وانت ماشى
2- وانت جالس فى أى مكان ومعاك جرنان واحد يقولك ممكن الجرنان ؟
3- استلاف القلم وعدم ترجيعه مرة اخرى فى المصالح والبنوك بالذات
4-العساكرو فى الكماين يشاوروا لك عشان توصل معارفهم معاك فى سكتك
5- عدم ارجاع الفكة ابدا فى خزنة اى مصلحة حكومية
6- أطفال الفوطة الصفراء فى الإشارات المرورية

...... الخ

1- ما بقيتش بالبس ساعة من كتر السؤال ده

2- لو قريت الجرنال ما بتضايقش الصراحة

3- اما باروح اي مصلحة باسيب اي قلم ذو قيمة في البيت و باشتري قلم بيك بجنيه عشان لو اتضرب ما ازعلش عليه

4- باستهبل و اساله رايح فين يقول لي فين اقول له انا رايح مكان مستحيل يكون في سكته

5- ربنا يعوض علينا جميعا

6- المدام كانت بتجيب خضار من يومين و انا مستنيها في العربية تقريبا 6 عدوا عليا عالاقل و كان معايا تليفون قطعوا حديثي بمنتهى التلامة كل مرة

-

-

الموضوع: عاده ترفع الضغط

LinkBack

أدوات الموضوع

عرض

-

-

-

المواضيع المتشابهه

كيف ترفع سياره صنيSunny

250 عاده للبيع

جين 2 عاده ام نيو اكسنت سبورت عاده ام افيو اوتوماتيك

مطلوب 128 عاده

400 عاده للبيع؟؟

الكلمات الدلالية لهذا الموضوع

المفضلات

المفضلات

ضوابط المشاركة