هل المواطن المصرى ممكن يسمع كلام الحكومة بالنسبة لموضوع انفلونزا الخنازير ...؟؟

**Lion_Heart** · 13-09-2009 03:39 AM

دلوقتى الاعلانات مالية الفضائيات بخصوص الامتناع عن الذهاب للعمل او المدرسة عند الشعور ببوادر البرد او الانفلونزا , لكن سؤال صغير خطر فى بالى هل الموظف لما يغيب هيدوله اجازه من رصيده طيب لو رصيده خلص او كان خلصان هل هيتعرض لجزا ولا هيمرمطوه فى القومسيونات و التامين و يجرى ورا الاجازة المرضى اللى هتتخصم من مرتبه الهزيل اصلا لو حصل كده طبعا هيطلع لنا على طول المثل القائل عض قلبى و لا تعض رغيفى ,
و كذلك بالنسبة للطلبة بالاضافة للامتحانات و السكاشن العملى ..... و الشفوى ,
هل السنة دى هتكون فيها مرونة بالنسبة للموضوع ده و لا العقول الروتينية المصرية هتكون السبب فى لا قدر الله كارثة ,
انا سمعت ان السنة دى ممكن يلغوا الدراسة بعد ما يأجلوها أكتر من مرة ... مش عارف دى اشاعة و لا ايه ؟؟ ياريت لو حد عنده فكرة ؟؟
انا حاسس ان الموضوع كبير و عاوز تأنى و دراسة بحكمة .
ربنا يستر الايام الجاية و تعدى على خير...

**أحمد كمال** · 13-09-2009 04:59 AM

انا شخصيا مش هاخد التطعيم لانه ما اتجربش برة

و الشركة عندنا قالوا لنا اللي عنده اعراض يروح المستشفى و يجيب شهادة مرضي و يقعد في بيتهم

**SeiffoZ** · 13-09-2009 05:09 AM

انا هروح و مش هتفرق معايا

**amr.elsayed** · 13-09-2009 05:22 AM

بينى وبينك الموضوع بدء يخوف
امبارح واحد صحبى بيقولى قفلوا نادى سبورتنج والكنيسة اللى اودامه
بسبب المرض ربنا يستر علينا
بس انا عن نفسى حمارس حياتى عادى وبرده مش حاخد التطعيم
لنفس السبب اللى الاستاذ احمد كمال اشار اليه

**totaa** · 13-09-2009 05:26 AM

بصراحة يمكن انا مش فى مصر بس الوضع زى عندكم كدة

ويمكن يأجلوا المدارس شوية كمان وفيه مدارس بدأت اعراض

فيها فقفلوها فربنا يستر ..كمان بنحاول على قد ما نقدر

نتلاشى تجمعات المولات والسناتر وتكون فى اضيق الحدود

وربنا يعدى السنة دي على خير ويحمى الجميع بحوله وقوته

اللهم آمين

**Lion_Heart** · 18-09-2009 11:46 AM

المشاركة الأصلية كتبت بواسطة ringoo

امبارح واحد صحبى بيقولى قفلوا نادى سبورتنج والكنيسة اللى اودامه
بسبب المرض ربنا يستر علينا

انا سمعت حاجة زى كده و تقريبا كان 55 عضو كان عندهم اصابة .

**sarah5** · 18-09-2009 12:37 PM

الموضوع فعلا خطير اوي بس اغلب الناس لسه مش حاسه واحنا في مصر هنا معندناش ثقافة الاعتراف بالخطر بنفضل نقول عادي ومفيش مشكلة ده حتي في موضوع الحج والعمرة الناس مصرة تروح رغم التحذيرات ده انا اعرف ان اللي عايزين يحجوا بيزوروا شهادات صحية يثبتوا بيها انهم كويسين رغم ان بيكون عندهم امراض مزمنة وده خطر جدا ده لسة في واحدة معتمرة مصرية ماتت هناك في السعودية
ده غير مشكلة المدارس المفروض الناس ميودوش ولادهم واللي يحصل يحصل اما الجامعة فاعتقد مفيش مشكلة لان احنا اصلا مبنروحش بنروح بمزاجنا