هعمل صيانه الالف

**mimo3000** · 13-09-2009 04:20 AM

ازيكم يا شباب عملين ايه ؟؟ يارب تكونوا كلكوا كويسيين وبصحه كويسه
كل سنه وانتم طيبيين

انا رايح اعمل صيانه الالف انشاء الله اول صيانه ليا يعنى ياريت بعد اذنكوا تفهموتى ايه اللى هيحصل وايه النظام هناك واحجز ازاى والتفاصيل اللى هتحصل هناك عشان اروح فاهم وعارف كل حاجه وتكاليف الصيانه ايه
ورايكم اجيب زيت من بره ولا زيت التوكيل عادى ولو زيت من بره اجيب نوع ايه فى ناس بتقول زيت امارات مصر احسن حاجه موجوده فعاوز اعرف رايكوا وكده

**m.3abdel3al** · 13-09-2009 04:38 AM

مبروك ميمو وعقبال ال 100 الف ان شاء الله انت تتصل بالتليفون و تقولهم انك عايز تاخد ميعاد و الموضوع دا في كل حاجة عن الصيانات

http://www.nilemotors.net/Nile/67352-a.html

و صيانة الالف مش اكتر من تغير زيت و بص على العفشة وتشيكايه صغيرة للعربية

**Ayman_52** · 13-09-2009 04:39 AM

وانت طيب ياكبيـــــر

اولا : الف مبروك على صيانه الـــ 1000 وعقبال الـــ 100000 بالخير ان شاء الله

---

فى الاول لازم تحجز معاد للصيانه ...

بتكلم الرقم دا - 0117872000 -

هترد عليك داليا ... تقولها انك عاوز تحجز معاد صيانه الالف ... وتقولها لو عندك اى مشاكل فى العربيه .

*خلى بالك وانت بتحجز يكون معادك بدرى لان فى رمضان ممكن يدوك معاد متاخر .. ولما تروح يقولولك هتستلم عربيتك بليل .

---

المهم بتروح يومها .... وانت داخل ... بيوقفك عالبوايه .. تقوله صيانه الــ 1000 وانك حاجز

بيطلعك مهندس الاستقبال ... وبيملى معاك ابليكشن ... وهتلاقيه كاتب المشاكل اللى انت قولتها فى التليفون ... ولو فى مشكله عندك وعاوز تخلى يشوفها ... تقوله يطلع معاك يجرب العربيه عشان يشوف المشكله بنفسه ... لو مافيش حاجه خلاص

وبيديك معاد الاستلام وياخد رقمك عشان يكلمك لما يخلص

وخليك كل شويه تدخل الورشه تتابع اللى بيحصل .... ولما تستلم تطلع مع المهندس يعملك تيست وتشوف كل المشاكل اتحلت ولا لسه ؟؟

وبس كده

---

وخليك فى زيت التوكيل اول مره ... وممكن تغير بعد كده

---

وكل صيانه وانت بخير

تحيــــــــــــــاتــــــ ى

**adsense** · 13-09-2009 06:32 AM

مبروك وعقبال الـ 100 الف ان شاء الله
وياريت تقولنا رأيك فى العربية بعد تجربتك ليه الفترة دي

**mimo3000** · 13-09-2009 04:12 PM

المشاركة الأصلية كتبت بواسطة mohamed_3abdel3al

مبروك ميمو وعقبال ال 100 الف ان شاء الله انت تتصل بالتليفون و تقولهم انك عايز تاخد ميعاد و الموضوع دا في كل حاجة عن الصيانات

حبيبى حبيبى ياباشا هتفضل مظبطتنا ديما كده مش عرفين نعمل معاك ايه بقى نتعبك فتركيب طقم الصوت ولسه مزهقتش مننا

ربنا يخليك ياباشا وميحرمناش منك

المشاركة الأصلية كتبت بواسطة Ayman_52

وانت طيب ياكبيـــــر

اولا : الف مبروك على صيانه الـــ 1000 وعقبال الـــ 100000 بالخير ان شاء الله

---

فى الاول لازم تحجز معاد للصيانه ...

بتكلم الرقم دا - 0117872000 -

هترد عليك داليا ... تقولها انك عاوز تحجز معاد صيانه الالف ... وتقولها لو عندك اى مشاكل فى العربيه .

*خلى بالك وانت بتحجز يكون معادك بدرى لان فى رمضان ممكن يدوك معاد متاخر .. ولما تروح يقولولك هتستلم عربيتك بليل .

ايمن باشا تسلم يا باشا على ردك والف شكر لاهتمامك وربنا يحفظك يارب ويجازيك خير عننا وعن باقى الاعضاء

**mimo3000** · 13-09-2009 04:15 PM

المشاركة الأصلية كتبت بواسطة adsense

مبروك وعقبال الـ 100 الف ان شاء الله
وياريت تقولنا رأيك فى العربية بعد تجربتك ليه الفترة دي

الله يبارك فيك ياباشا

متقلقش ياباشا التقرير جى انشاء الله بس معلش استنى عليه لحد ماعمل صيانه الالف عشان اجيب كمان اخبار التوكيل والصيانه وكل حاجه بقى عن العربيه من اول ماشتريتها لحد مروحت من صيانه الالف بحيث انه يبقى تقرير كامل عن كل حاجه ومنحتاجش نعمل موضوع تانى عن الصيانه فيبقى هو موضوع واحد فيه كل حاجه

والف شكر على ردك ياباشا وتقبل فائق احترامى وتقديرى

**XXXMEMOXXX** · 13-09-2009 04:24 PM

مبروك يا باشا وعقبال صيانة ال 100 الف وفي انتظار تقريرك ان شاء الله
وكل سنه وحضرتك طيب

**mimo3000** · 13-09-2009 04:45 PM

الله يبارك فيك ياباشا والف شكر على رد حضرتك

وكل سنه وحضرتك طيب وربنا يعوده عليك بخير يارب

**jackal_sheriff** · 13-09-2009 05:32 PM

ربنا يباركلك فيها و عقبال ال 100000
كنت عايز اسال ايمن باشا عن كلمة كده هو قلها و انا محتاج اعرف لية؟؟؟؟؟؟؟؟؟؟؟
وخليك فى زيت التوكيل اول مره ... وممكن تغير بعد كده
ممكن اعرف لية؟
لية اول مرة زيت التوكيل و بعد كدة ممكن زيت من برة؟؟؟

**Ayman_52** · 13-09-2009 06:09 PM

المشاركة الأصلية كتبت بواسطة jackal_sheriff

ربنا يباركلك فيها و عقبال ال 100000
كنت عايز اسال ايمن باشا عن كلمة كده هو قلها و انا محتاج اعرف لية؟؟؟؟؟؟؟؟؟؟؟
وخليك فى زيت التوكيل اول مره ... وممكن تغير بعد كده
ممكن اعرف لية؟
لية اول مرة زيت التوكيل و بعد كدة ممكن زيت من برة؟؟؟

هو انا مش اقصد سبب فنى او حاجه مهمه يعنى ...

انا بس قصدى ان اول مره صيانه ... بيكون الواحد لسه مش عارف ايه نظام التوكيل ولسه بيتعرف عالمهندسيين اللى جوا

* وحاجه كمان المفروض قبل ماتحط زيت جديد تجرب بتاع التوكيل الاول ... عشان تحس بالفرق بعد التغيير

* وبتكون اول صيانه مصنعيتها مجانا ... وبالتالى الواحد يستفاد ويغير عندهم اول مره

* وكمان حاجه زيت التوكيل كويس وماشى زى الفل ... وطول مانت مش من هواة الحرق والنقل المتاخر ... فزيت التوكيل اشطه جدا

* حاجه كمان ... ماينفعش كل شويه تستخدم زيت مختلف ... وخصوصا لو هتستخدم زيت تخليقى ... لازم تكمل عليه
----

دى شويه الاسباب اللى خلتنى اقول كده

الموضوع: هعمل صيانه الالف

LinkBack

أدوات الموضوع

عرض

-

-

-

-

المواضيع المتشابهه

هعمل صيانه اغير ايه؟؟

هعمل صيانه 20 الف للسيراتو 2010

هعمل صيانه العشرين الف يوم الاربعاء القادم وعندى استفسار

بكره ان شاء الله هعمل صيانه ال 20000

هعمل صيانه الـ10000 اول فبراير مين جاااااي

الكلمات الدلالية لهذا الموضوع

المفضلات

المفضلات

ضوابط المشاركة