! مشكله كهربا مجنيناني ياريت حد من اهل الخبره يحلهالي

**ab_1090** · 13-09-2009 12:15 PM

انا معايا دايو جوليت 99 عندي كام مشكله ياريت بجد حد يحلها
الاول : العربيه بتاخد وقت في التدوير والمشكله لما بدور ال rpm بيطلع من 500 وبعدين يعلا لي 900 يعني مش بتعمل تيست وتطلع لي 1500 وبعدين تنزل 900 وبتحس الموتور بيكون متلخبط جامد والموتور بيعلا
الثاني : لما بطلع بالعربيه بحس ان الموتور مخنوء في الاول وبعدين بييسحب ودا مع كل غيار ودي مشكله بتخليه بتبطل علي طول
الثالث : كل لما بطلع البوجيهات بتكون سودا مع اني ليسا شاريهم وكل مانضافهم مافيش يوم وبتكون سودا
مع العلم اني :
1-ميغير سير التقسيمه والسيور كلها والفلاتر والبوجيهات والسير متركب صح واكتر من واحد كشف عليه
2-عملت ليها سكان بالكمبيوتر والحساسات كلها شغالا ووحده الكنترول شغالا
3-طلعت الايدل ونضفتوا اكتر من مرا وتنضيف الجزء المخصص لتركيبه
ياريت بجد حد من اهل الخبره في المنتدي يقولي العيب دا ايه
ولوسمحتم عندي استفسار تاني انا بحط بنزين 90 هل دا بيكون ليه علاقه بخنئه الموتور او البنزين ممكن
يكون ليه علاقه بالمشكله دي
معلش استفسار تاني وبجد اسف علي الاطاله موضوع التيست بتاع ال rpm الي بعلا 1500 وبعدين ينزل المفروض يحصل في كل مرا بدور سواء بردا او سخنا
بجد ياجماعه انا اسف علي الاطاله ويارين حد يرد عليا بجد وكل سنه وانتم طيبين

**Mosmafa** · 13-09-2009 01:30 PM

الرشاشات يا باشا الحاجة الوحيدة اللي على كلامك
اللي مشفتهاش
وكمان البوابة شيك عليها
مرة عملتها معايا البوابة وكانت بتاكل بنزين بالعبيط و مخنوقة كانها مشنوقة
شوف الحاجتين دول وان شاء الله بسيطة
ولو ممكن روح لواحد اسمه احمد السماني في شاررع العشرين فيصل
مجرد ما يدور العربية هيقولك فيها ايه مشهور جدا جدا في شارع العشرين

**ab_1090** · 13-09-2009 01:51 PM

بجد متشكر جدا علي الرد
بس انا علي فكره ليسا مغير الرشاشات وروحت لي ميكانيكي تاني وغير الرشاشات لانوا شك في الرشاشات بتاعتي الي ليسا مركبها وبرضوا عملت نفس الحكايه ليسا مخنوءه
هوا مكان البوابه دي فين ياباشا في الموتور تحت ايدل متوصله بفلتر الهوا ولا فين معلش طولت عليك بس بجد مشكله تعبت منها
ومتشكر جدا علي الرد

**MMamdouh** · 13-09-2009 02:21 PM

انت ركبت رشاشات ايه اول مرة؟؟

اصل كل اللى شرحتة بيقول ان رشاشاتك بايظة

MMamdouh

**MMamdouh** · 14-09-2009 01:47 AM

طيب ازاى اساسا تحكم على اداء عربية و انت مركب رشاشات اكبر من الطبيعى بكتير؟؟؟ ما ممكن رشاشات الليجانزا بترش بنزين كتير لدرجة ان العربية تغيب فى الدوارة... احنا بنتكلم فى 33% زيادة فى تدفق البنزين مثلا

انا شايف ان الاختبار دة مش صح و افضل تروح لحد بيفهم فى الدايو و عندة سكانر يطمنك على حساس الشكمان و الرشاشات و بعدها نشوف حنعمل ايه

MMamdouh

**MMamdouh** · 14-09-2009 12:44 PM

ممكن تكون الخنئة من ضعف طلمبة البنزين او تلف بلف المسطرة او حتى سدد فى فلتر البنزين

الرشاشات الاكبر مش مقياس لانك متعرفش تاثيرها ايه على العربية... انت اصلا غيرت الرشاشات عشان تشوف هى معيوبة ولا لا يبقى تغيرها برشاشات سليمة و مضمون اداءها عشان تقدر تحكم بدلا من الوضع اللى احنا فيه دلوقتى (يا ترى العربية اتخنئت من رشاشات الليجانزا ولا من حاجة تانية؟؟)

لو البنزين فيه وساخة العربية حتتخنق و ساعات البطارية لما تكون بتودع العربية تتبرجل سنة بس مش للدرجة اللى نت بتوصفها

MMamdouh

**MMamdouh** · 14-09-2009 05:48 PM

المشاركة الأصلية كتبت بواسطة ab_1090

هوا الرشاشات ليها تاثير علي زياده معدل سحب البنزين في العربيه ولا الكنترول هوا الي بيتحكم في كميه البنزين الخارجه من الرشاشات

هما الاتنين مع بعض اضافة الى حساس الشكمان

الرشاشات لو بتسرب حتفضى ضغط دورة البنزين كل ما تبطل العربية و دة بيبقى بنزين مهدور لانك مش بتستفاد بية

لو الرشاشات اكبر بكتير من الاصليين بتوع العربية حيرشوا بنزين اكتر من اللازم حتى لو الكونترول قلل زمن البخ لاقل حاجة ممكنة

لو حساس الشكمان بايظ الكونترول حيحدد زمن البخ بشكل خاطىء لان اصلا المعلومات اللى بتجيلة عن حالة الحريق غلط

لو البنزين وحش ممكن يسود البوجيهات

لا... سواد البوجيهات بيجى من ان كمية البنزين اكتر من اللازم لاتمام عملية الاحتراق

وعايز اعرف هوا الايدل بيتوسخ من ايه بمعني ايه هيا العوامل التي تؤدي لتنضيفه
بجد اسف علي الاطاله ومتشكر متشكر علي ردود حضرتك

الايدل بيتوسخ لان الممرات اللى حوالية ديقة و هو داخلة بخار زيت باستمرار من خرطوم البخار و بمرور الوقت بيبدا البخار يتكثف لعى الايدل كونترول و المنافولد من جوة و يسبب الاوساخ اللى بتشوفها

MMamdouh

الموضوع: ! مشكله كهربا مجنيناني ياريت حد من اهل الخبره يحلهالي

LinkBack

أدوات الموضوع

عرض

-

-

-

-

المواضيع المتشابهه

مشكله تسريب كهربا

ياجماعه نفسى البس نضارة شمس ياريت تساعدونى ياريت اصحاب الخبره يدخلوا

مشكله في كهربا الابيزا

! مشكله كهربا مجنيناني ياريت حد من اهل الخبره يحلهالي

مشكله كهربا

الكلمات الدلالية لهذا الموضوع

المفضلات

المفضلات

ضوابط المشاركة