! مشكله كهربا مجنيناني ياريت حد من اهل الخبره يحلهالي

انا معايا دايو جوليت 99 عندي كام مشكله ياريت بجد حد يحلها
الاول : العربيه بتاخد وقت في التدوير والمشكله لما بدور ال rpm بيطلع من 500 وبعدين يعلا لي 900 يعني مش بتعمل تيست وتطلع لي 1500 وبعدين تنزل 900 وبتحس الموتور بيكون متلخبط جامد
الثاني : لما بطلع بالعربيه بحس ان الموتور مخنوء في الاول وبعدين بييسحب ودا مع كل غيار ودي مشكله بتخليه بتبطل علي طول
الثالث : كل لما بطلع البوجيهات بتكون سودا مع اني ليسا شاريهم وكل مانضافهم مافيش يوم وبتكون سودا
الرابع : لما بجري بالعربيه واارص علي الموتور وااقف بالعربيه بلاقي ال rpm بيعلا لي 1250 ويثبت علي كدا دا وانا واقف بالعربيه ساعات ابطل وادور يرجع تاني 900 وساعات يثبت 1250
مع العلم اني :
1-ميغير سير التقسيمه والسيور كلها والفلاتر والبوجيهات والسير متركب صح واكتر من واحد كشف عليه
2-عملت ليها سكان بالكمبيوتر والحساسات كلها شغالا ووحده الكنترول شغالا
3-طلعت الايدل ونضفتوا اكتر من مرا وتنضيف الجزء المخصص لتركيبه
ياريت بجد حد من اهل الخبره في المنتدي يقولي العيب دا ايه
ولوسمحتم عندي استفسار تاني انا بحط بنزين 90 هل دا بيكون ليه علاقه بخنئه الموتور او البنزين ممكن
يكون ليه علاقه بالمشكله دي وايه سبب سواد البوجيهات بسرعه
معلش استفسار تاني وبجد اسف علي الاطاله موضوع التيست بتاع ال rpm الي بعلا 1500 وبعدين ينزل المفروض يحصل في كل مرا بدور سواء بردا او سخنا
بجد ياجماعه انا اسف علي الاطاله ويارين حد يرد عليا بجد وكل سنه وانتم طيبين

موضوع ان البوجيهات تسود بسرعة يبقى عندك مشكلة فى الماتور ,هل الماتور حالتة كويسة ,يعنى مش خفيف عشان دة اللى بياثر على البوجيهات ,وشوفها بتعرق زيت ولا لأ
*مخنوق يبقى رشاشات مسدودة وعايزة تتنظف او تتغير ,طالما انك مغير الفلاتر كلاها ومنظف الحساسات
*العربية وهية باردة بس بتعلى لحد 1200 او 1300 وبعد بتنزل مع ارتفاع الحرارة الى 850 لفة غير كدة ,لو مثلا بطلتها عشر دقايق وجيت تدورها تانى ,بتستنى لحد مالمضة التشيك تطفى وبعد كدة بتدور بتلاقى الاربى وصل ل1200 وفى حوالى ثانية بيرجع لمعدلة الطبيعى 850 لفة او 900
*لما بتجرى وتفضل قارص بيفضل كدة على طول ولا شوية وبيرجع تانى لمعدلة الطبيعى ,ولا مابيرجعش الا لما بتطفى العربية خالص وتدورها تانى
*هو اكيد طبعا بنزين 90 مش مستحب للانجيكشن وبعدين خليك فى ال92 احسن وانظف والفرق فى الصفيحة 2 جنية بس
*وبعدين حاول تنظف الاول الرشاشات على مكنة الالترا سونيك ,وبعد كدة نظف طلمبة البنزين ,ونظف فلتر البنزين
وشوف اية اللى هايحصل
بس ياريت الرد على حالة الماتور

بجد متشكر جدا ياباشا علي الرد والمعلومات الجامده دي
بالنسبه لحاله الموتور انا عملت سكان عليه بالجهاز ولقا كبسه كويس ونسبه خليط الموتور مضبوطه
والرشاشات انا ليسا مغيرها برشاشات دايو لليجانزا ومافيهاش حاجه مسدوده
انا بس ياباشا كان عندي استفسار بسيط اسف انس طولت عليك بس هوا rpm لما تكون العربيه سخنه وانا بطلت ودورت تاني بيعلا بردوا لل 1200 وبعدين ينزل علي طول ولا بيطلع مره واحده علي 850 معلش طولت بجد عليك وبجد متشكر جدا من حضرتك علي الرد بجد شكرا

السلام عليكم انا تماما مع توضيحات Semsem Kane ومن الواضح انة متخصص او صاحب خبرة كبيرة

والدخان الاسواد البوجيهات يؤكد ان نسبة الوقود اكثر من نسبة الهواء فمع كل ما قمت بها من صيانات ومراجعات لم ارى التطرق الى فلتر الهواء او مسار الهواء يرجى المراجعه
اما فى حالة المحرك ساخن يدار المحرك ويصل الى السرعة الدنى وهى 850 الى 900 لفة / دقيقة دون الوصول الى 1200 لفة

مع الشكر Future_Aya

اقتباس:

---

المشاركة الأصلية كتبت بواسطة future_aya

السلام عليكم انا تماما مع توضيحات Semsem Kane ومن الواضح انة متخصص او صاحب خبرة كبيرة

والدخان الاسواد البوجيهات يؤكد ان نسبة الوقود اكثر من نسبة الهواء فمع كل ما قمت بها من صيانات ومراجعات لم ارى التطرق الى فلتر الهواء او مسار الهواء يرجى المراجعه
اما فى حالة المحرك ساخن يدار المحرك ويصل الى السرعة الدنى وهى 850 الى 900 لفة / دقيقة دون الوصول الى 1200 لفة

مع الشكر Future_Aya

---

متشكر جدا ياباشا علي رد حضرتك انا علي فكره مغير فلتر الهوا بجد شكرا جدا علي المعلومات الجامده دي
انا حراجع علي الرشاشات واشوفها بس هوا في مشكله لو ركبت رشاشات بتاعت موتور 1600 cc ولا حتعمل مشكله واسف علي الاطاله وشكرا علي الرد

اقتباس:

---

المشاركة الأصلية كتبت بواسطة ab_1090

متشكر جدا ياباشا علي رد حضرتك انا علي فكره مغير فلتر الهوا بجد شكرا جدا علي المعلومات الجامده دي
انا حراجع علي الرشاشات واشوفها بس هوا في مشكله لو ركبت رشاشات بتاعت موتور 1600 cc ولا حتعمل مشكله واسف علي الاطاله وشكرا علي الرد

---

موضوع انك مركب رشاشات ليجانزا انا اعرف ان الجوليت 1500 و الليجانزا 1600 و 2000 و من هنا نقدر نقول ان اكيد الرشاشات بدخل بنزين زيادة و ده السبب في تهبيبة البوجيهات و بما ان البوجيهات مهببة يبقي الموتور هايفضل مكتوم علشان الشرارة ضعيفة و برده طول ما الموتور مكتوم التعلم الذاتي بتاع وحدة التحكم بيسجل بيانات غلط و بالتالي بطلع اوامر غلط و تلاقي الموتور مبرجل
غير الرشاشات بطقم بتاع العربية و بلاش فتي صنيعية مصر

السلام عليكم انا تماما مع توضيحات Semsem Kane ومن الواضح انة متخصص او صاحب خبرة كبيرة



شكراجدا لذوقك ,واحنا هنا كلنا بنتعلم من بعض

الرشاشات دى تهبب البوجيهات بس ما تخنقش العربية الا لو التوقيت بتاعها بعيد و تخلى الدوارة صعبة واضح اوى انها رشاشات و غيرها على طول

متشكر جدا بجد من الردود انا انشاء الله حغير الرشاشات برشاشات bmw m40 لاني عملت تشيك لكل حاجات التانيه
بجد متشكر جدا من ردود اصحاب الخبره وكل سنه وانتم طيبين

انتا ليه غاوي تحط رشاشات مش بتاعت العربيه لو سمحت ركب بتاع الدايو نفس موديل العربيه