عرض للطباعة
حاجة جديدة وغريبة:B4_556:
بدأت القصة بإنفلات خرطوم صغير تحت غطاء الردياتير خارج من الردياتير للكاربيراتير و وش السلندر على الدائري وركبته وزودت ميه ومشيت ولما وصلت البيت خدت للعربية هوا بنفسي
بعدها باسبوع انفلت الخرطوم الكبير الخارج من الردياتير تحت خالص وبنفس الاسلوب ركبته ورحت للميكانيكي راجعلي على كل الخراطيم وخد هواء للردياتير والموتور
ولكن الحرارة لسة بتوصل ل 95 بدون تكييف وتصل ل 100 بالتكييف في الظهر :I_angr1[1]:
مع العلم ان منظومة المراوح شغاله زي الفل
أنقذوني :stink[1]:
السلام عليكم...كل عام وحضرتك بخير..إن شاء الله تكون بسيطة بس أنا رأييى إن فى ضغط عالى فى دورة المياه ممكن يؤدى إلى هذا الإنفلات....هو إما هواء بس محتاج صبر وإنت بتطلع الهواء أو يكون وش السلندر بيسرب...أو ممكن أى شئ تانى ...المهم إنه نتيجة ضغط عالى....ممكن أيضا يكون نتيجة إن حضرتك بتملا مياه بزيادة عن الحد الأقصى فالبخار الزائد بيضغط على الدورة
انسب علاج حاليا انك تفك كل خراطيم الردياتير و تنزل كل المية اللى فية و تسيب الخرطوم اللى داخل من الموتور للردياتير فى الهوا و تدور المكنة و تزود بنزين و فى نفس الوقت تزود مية فى الردياتير
العملية دى حتطلع اى فقاعات هواء داخل المنظومة و بالمرة حتكون غسلت الدورة كلها بمية نضيفة
نفس الكلام بتاع الاساتذه بالملي و ممكن تكون الترمستات بتاعت المياه بتقرا غلط
و لو فضل الحال كما هو عليه يبقي مع الاسف جوان وش سلندر
الف شكر يا رجاله على الردود
طيب ايه رأيكو في إقتراح ان يكون في تراب على سربنتينه التكييف والردياتير وهي الي بتمنع مرور الهواء كويس
أنا هاجرب انظف دورة الميه في المحطة وانظف السربنتينة والردياتير وبعدين ازود ميه بالطريقة الي قولتو عليها
وربنا يكرم ....... والمهم الواحد يعرف في إيه؟؟؟؟
و كمان ممكن يكون غطاء الردياتير باظ برده
لو عايز تختبر غطاء الردياتير اعمل الخطوات دياقتباس:
المشاركة الأصلية كتبت بواسطة nour_peugeot
1-فك الخرطوم اللي رايح من الردياتير للقربه من ناحيه القربه
2-انفخ فيه ببقك
3-لو لقيت فيه مقاومه جامده كأنك بتنفخ في حاجه مسدوده يبقي سليم
4-لو مالقيتش مقاومه يبقي بايظ
قربه مفيش قربه أساسااقتباس:
المشاركة الأصلية كتبت بواسطة islambana
أمال الفايظ بتاع الردياتير بيطلع فيناقتباس:
المشاركة الأصلية كتبت بواسطة the-hero
ازيكو يا شباب
انا رحت المحطة وفكيت الردياتيرمن الكليبسات الي فوق بس وخليت الراجل يسلط عليه وعلى سربنتينة التكييف جت مية جامد
الحرارة ظبطت جدا والحمد لله
واضح انها مشكلة نظافة
وبالنسبة لموضوع القربة فالعربية مافيهاش قربة خالص ومرفق صورة الردياتير
الحرارة ظبطت الف مبروك