لالالا , هو بيعمل حاجة زى استرخاء للعضلات فقط مفيهوش اضرار ولا حاجة :) .
موضوع حموضة الدم ده موضوع كبير و مافيش مجال نشرحه هنا ...
باختصار و بدون الدخول فى تفاصيل معقدة
فيه حاجات بتبقى حمضية زى الليمون و الخل مثلا ، و فيه حاجات قلوية (قاعدية) زى البوتاس و بيكربونات الصودا
و طبعا الحاجات بتتدرج فى درجة الحموضة (الحمضية) بتاعتها مابين الحمضى و القلوى و تقاس برقم ، 7 يبقى متعادل ، لا حمضى و لا قلوى ، و كل ما يقل يبقى درجة الحموضة بتزداد و كل ما يعلى يبقى القلوية بتزداد ، يعنى 4 حمضى و 8 قلوى
و الدم درجة الحموضة بتاعته 7.4 و الجسم بيحافظ عليها كده عن طريق انه يخرج او يحتفظ بثانى اكسيد الكربون و / أو انه يرمى او يحتفظ بالهيدروجين ، و فيه طرق ثانية بس دى اهم الطرق زى ما د/ احمد قال قبل كده
و الحفاظ على الدرجة دى مهم جدا لأن دى الدرجة المناسبة علشان العمليات الحيوية و التفاعلات فى الجسم تتم و لو اختلت ممكن يحصل مشاكل فظيعة و ممكن تؤدى للوفاة
و اللعب فيها خطر جدا و مش لازم حد يحاول كده الا المختصين فقط ...
و آدى لنك للموسوعة ويكيبيديا بتشرح بالتفصيل درجة الحموضة pH
و تحياتى