قدر الله و ما شاء فعل
عرض للطباعة
قدر الله و ما شاء فعل
طيب يا جماعة قولولى رأيكم انا لما روحت الصيانة (العوض جروب) قلتله يعملى الخدش اللى فى الباب قالى خليها كده قلتله ردهالى على البارد قالى شكلها هيكون اوحش من الاول وخصوصا على كلامه ان الخط واكل فى البويه بس انا عاوز اعملها بقى العربية خلاص بقالها فترة كده لدرجة انى عاوز اغير الباب لو كلامه ده صح المهم فى سمكرى اعرفه بس ثقة جدا كان شافها اول لما الخدش ده اتعمل فى الباب قالى هاتهالى وهفكلك الفرش واردهالك على البارد وبعدين امسحهالك بقطنة وهترجع سليمة تماما واحد بقى صاحبى قالى لو عملتها هترجع عادى بس لما اجى ابيعها هتبان وقالى ان ده بيقلل من تمنها فانتو ايه رأيكم اعملها فى التوكيل ولا اخلى السمكرى يعملها ولا اغير الباب واريح دماغى معلش طولت عليكم بس انا بكلم اخواتى فواخد راحتى اوى :-) :-)
لو يقدر يردها على البارد توكل على الله , دى موديل 2008 يعنى قدامك مش اقل من سنة علشان تبيع ويمكن اكثر, انصحك تسيبها مخبوطة اسبوعين ثلاثة وبعد كدة ابقى اعملها علشان تكسر العين.
لآ حضرتك دى موديل 2007 جايبها من 8 شهور كده الموضوع ده من زمان يعنى الحمد لله العين هديت وانا كمان هديت اوى مبقتش زعلان نهائى مع انى كنت هموت وقتها بس الحمد لله كل دى حاجات هايفة المهم انا عاوز اعملها بقى على رواقة كقاية الكام شهر دول مع انى اتعودت عليها كده :-)
انا رايي انك تعملها على البارد عند سمكرى محترف الشغل البارد علشان انت مش ضامن اللى جوة فى مركز الخدمة عامل ازاى
السمكرة خليها و انت واقف و شايف قدام عينك اللى بيحصل لحظة بلحظة
انا ناوى اعمل كده ان شاء اللة
ربنا يعوض عليك بس لازم تذبح حاجة لله و تفرقها بنفسك و تحضر الذبح و تدعي رنبا يباركلك فيها و يكفيك شرها حاول تعمل كدة حتي لو زنقت علي نفسك في المصاريف و ربنا يسترها معانا كلنا
معلش يا زعيم انا عارف ان الموضوع يخنق لاني مجرب قبل كدة بس الحمد لله التأمين شال الليلة كلها
ربنا يكون في عونك
ربنا يعوض عليك ويصبرنا علي المتخلفين اللي طايحين في الشوارع مش لاقيين حد يلمهم
اذبح حاجه وقرقها
والعيون الحسود فيها عود
الحمد للة صلحت الخبطة عند سمكري اللة يباركلة فى الحرفيين بس ماشاء اللة عملها على البارد و لا اكنها كانت مخبوطة لدرجة انى دلوقتى مش عارف الخبطة كانت فين
الحمد للة و شكرا لردودكم