جوان وش سلندر في ايه اكس

السلام عليمن
رمضان كريم، وكل عام والأخوة بالمنتدي وخارجه بألف صحة وسلامة

أنا عربيتي ax اللي أهملت فيها ومعترف، تقريبا كده بنسبة 90% هاتحتاج تيغر جوان وش سلندر علشان كانت بتسخن فترة قبل ما أغير فيها شوية حاجات زي طلمبة الميه وخرطوم الرايداتير وغطا الرايدياتير وخلافه، المهم أنا ابتديت أشوف الميه لقيت بيطلع عليها زيت لونه بيج (طحينة) وده مالوش غير تفسير واحد انه الجوان، وحابب أعرف ايه اللي أخلى بالي منه وأنا بأركب الجوان، خاصة اني عرفت ان نص الموتور تقريبا بيتفك علشان يركب الجوان، والمفروض ان العربية تكون باردة تلج علشان ما يقفعش، ياريت لو في نصيحة من حد عمل الحكاية دي قبل كده أصل خابف منها اوي، وهل تغييرها تبقى العربية معيوبة واللا طالما ما غيرتش وش سلندر تبقى الأمور عادية، علشان باستثناء ذلك موتور العربية أداءه الحمد لله ممتاز، وكمان عايز اعرف ليه أمبير السرعة فاصل عندي ، هل ممكن يكون السلك انقطع، ولو حد عنده فكرة عن الحاجات دي هاتتكلف كمان والمصنعية وخلافه، وألف شكر للجميع مقدما
ورمضان كريم.

السلام عليكم..كل عام وحضرتك بخير...مبدئيا فى إيه إكس كتير جدا مغيرة جوان وش سلندر...أهم حاجة تكون العربية واقفة فى مكانها مدة 6 ساعات على الأقل ومتسمعش كلام الميكانيكى إنه يشتغل بعد ساعة....ثانيا خلى بالك ونبه على الميكانيكى يعامل كل الخراطيم وهو بيطله وش السلندر بهدوووء جدا...ولو هتحتاج كحت لوش السلندر يبقى تحط جوانين مش واحد بس وأفضلهم الأسبانى بيكون فى حدود 30 جنيه