السلام عليكم
انا كنت عايزة اعرف ايه هو بالظبط احلال الملاكى لو حد يفيدنى يشرحولى او رابط لو فيه موضوع قديم بخصوصه
شكرا
عرض للطباعة
السلام عليكم
انا كنت عايزة اعرف ايه هو بالظبط احلال الملاكى لو حد يفيدنى يشرحولى او رابط لو فيه موضوع قديم بخصوصه
شكرا
هو زى مشروع أحلال التاكسى القديم ولكن للملاكى وهو استبدال السيارات القديمة بأخرى جديدة والحكومة بتقول انها ستقوم بتعويض اصحاب السيارات القديمة :majd(2):وسيكون استبدال السيارات الملاكى القديمة أجبارى حيين اقرار المشروع
طبعا هما لاحيعوضو ولا حاجة بس المفروض التنفيذ امتى ؟
على ما أعتقد انة لسة بيتم مناقشة الموضوع تحت قبة البرلمان وحين الانتهاء من دراسة المشروع بيتم تطبيقة ...أمتى دى بقى فى علم الغيب
طب انا عاوزة افهم حاجة مهمة جدا
اكيد طبعا ان لاتعويض دا هيكون رمزي بتا ع خمس ست تلاف جنيه
بس الميزة الوحيدة ان القسط هيكون بسيط
صح؟
الله يكرمكم حد يفهمني لان دا الامل الوحيد اللي مخليني باقية علي عربيتي لحد دلوقتي
انا شفته قبل كدا ياشنوري بس تهت فيه
عموما ميرسي
هو ملخص الموضوع يا ايس ان لسه مفيش قرار اتاخد
والكلام علي انه حيمشي علي العربيات اللي عدي عليها اكتر من 30 سنه
بس برضه الموديلات دي بتمثل 75% من العربيات الموجوده في مصر
لان عربيات المحروسه كلها منيله
وحتنقرض عربيات كتير زي البيجو والفولكس
فاكيد الموضوع مش حيكون زي ماهو ظاهر قدام النا وحيكون ليه معايير تانيه
وعموما في الاخر اللي الحكومه حتقوله حنقول حاضر وسمعا وطاعه
ولا فيه حد عنده حاجه تانيه عاوز يقولها:khd:
الكلام ده لواستحاله يتطبق بالاسلوب ده ولو اتطبق كده ولو الناس فضلت ساكته يبقى حق علينا قول ربنا
" إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"
بينى وبينك مش اقدر اشكها بدبوس لما اقدر اولع فيها دى بعاملها زى عيل من عيالى اللى لسه مش جم
بلاش نبص لعربيه زى عربيتى " كمنها فيات يعنى " تعالى نبص للمرسيدس والبيجو موديلات الستينات و السبعينات بقى دى عربيات قيمتها 5000 جنيه
بقى دى عربيات تتكهن وتتسيح
عاوزين نعمل موضوع ناخد فيه رأى الناس ونشوف الناس اللى مش موافقة علشان لو لا قدر الله المشروع اتنفذ تعسفي نكون مجمعين نفسنا علشان نشوف ايه اللى ممكن نعمله
موضوع زى ده مكانه يبقى فى انهى قسم؟
جت عالجرح يا شنو
و انت لسه دافع دم قلبك و كبدك و كلاويك :)
انا لسه عاملة عمرة كاملة بسبع بواكي ونص :( بعد الحادثة للفيات
تفتكروا لو كتبت عليها بي ام موديل 2010 حد هياخد باله؟؟؟
اني واي
لو علي 30 سنين انا برا الحسبة
اما حكاية ترشقها فاي برج دي عملها ابن جمال عبد الناصر عشان السادات ميركبش عربيه ابوه
هما كلهم محطتيناقتباس:
بس على فكره من 80 - 90 مسافة مش كبيرة فممكن يضموهم مع بعض الا لو فيها تحسين مجموع
والقوي فيه الاقوي منه
والقديم فيه الاقدم مننه
وربنا عالظالم والمفتري
اهئ اهئ
يا جماعه من غير زعل يعني عربيه فيورا او بتلز موديل 60 و 70 يعني من غير المبالغات الي في السوق المصري يكون سعرها كام
والله ما لاقى كلام بس اللى عارفه ان عربيتى موديل 79 وربنا ع الظالم والمفترى ومش هنسلم مش هنبيع مش هنوافق ع التبديل
أنا معايا موديل ٧٧ وبحب العربية دي جدا والله أكتر من عربيتنا الجديده كفايا إنها مع والدي من أيام الكلية:O_stupid[1]: وإتجوز وهيا معاه:s1[1]: والوالدة إتعلمت عليها وأنا وإختي إتعلمنا عليها دي عشرة عمر ولو نفذوا القرار:11: هرفعها فوق الرصيف وأعملها متحف أنا يوم لما تبات عند الميكانيكي ببقى مدايق:120146b
ان شاء الله هيكون الاحلال اختيارى مش اجبارى
لان لازم يكون صاحب السياره
قادر يدفع اقساط ويسد مع بتوع التوكيل فى الصيانه