لو سمحت يا جماعه انا معايه 20000 وعايذ اجيب متسكل ريس يا ريت حد يسعدني لاني معرفش حاجه في الموتوسكلات خالص ويا ريت لو يكون فوق موديل 2000 لاني لو باظ مني مش حعرف اصلحه ولو حد عنده حاجه كويسه ممكن يقلي عليها وانا اشتريه منه بس يكون كويس:colsmil:
عرض للطباعة
لو سمحت يا جماعه انا معايه 20000 وعايذ اجيب متسكل ريس يا ريت حد يسعدني لاني معرفش حاجه في الموتوسكلات خالص ويا ريت لو يكون فوق موديل 2000 لاني لو باظ مني مش حعرف اصلحه ولو حد عنده حاجه كويسه ممكن يقلي عليها وانا اشتريه منه بس يكون كويس:colsmil:
كملهم 22 او 23 وهات
هوندا CBR 400 Fireblade إفراج.. يعني استيراد ومش معلق نمر.. وحالته هاتكون ممتازة
يا إما ممكن باللي معاك بالظبط برده Honda CBR 400 عادة مش فاير إفراج وبرده حالته ممتازة
بخصوص الموديل مش هاتلاقي 2000 فيما فوق بس هاتلاقي تسعينات حالته ممتازة
ارشحلك الاختيار التاني (الربعمية عادة) لانك ممكن تخلصه بـ 19 وتجيب خوذة نضيفة وجوانتي نضيف وتغير بوجيهات وزيت
وزي مانتا شايف برده
و بالتوفيق
الف شكر يا باشا وانا آسف اني مردتشي علي طول لاني كنت تعبان ولسه قاعد علي الكبيوتر الوقتي
سؤال بسيط هوا الافراج ده بيكون موجود فين واشتريه منين يعني اجيب منين
ولو في حاجه تنيه برده يا جماعه شورو عليه بيها
بصراحة بدال انت اول مرة تركب موتسيكلات بلاش 400 خالص اول حاجة هيكون وزنه تقيل وعزمه قوي وهيغريك جدا
نصيحة هات 250 عادي او فير ويستحسن يكون فير سوقته سهلة ووزنه خفيف وهو هو نفس الشكل وهيتبقي معاك فلوس وكمان سهل في بيعه وخليك في الهوندا طبعا
الف شكر يا ريس
انا شايف استني و جيب 400 فاير...
بجد جميل جدا
انزل بورسعيد وهاته من على الميناء علطول 400 فاير ب 20 من قدام السفينة ال جاى مشحون عليها من بلده وحوالى 300 جنيه افراج من بور سعيد وتعالى مصر سايقه لان لو عربية هتوديهولك هياخد على الاقل 250 جنيه انتا اولى بيهم