انا عندى فى العربية النيو سيراتو حركة بتحصل و عاوز اعرف دة عادى و الأ انا بحس برجة خفيفة او رعشة كدة فى علبة الدريكسيون احيانا لما بمشى على طريق سريع كدة الرعشة دة حاسسها زى بوش خفيف جدا فى علبة الدريكسيون بس حاسس انه مش من المفروض يكون موجود فى عربية معدتش 200 كم فهل فى حد بيشعر بنفس الشعور دة مع السيراتو الجديدة ..أرجو الرد من السيراوتية لانى قلقان و مش عارف اكلم التوكيل دلوقتى و الا استنى صيانة الألف كم و قولهم على العيب دة
لو عربيتك وكيل ....يبقى دى الرجة اللى فى مكان الكلكس . هى بتبقى خفيفة شوية فى عربيات الوكيل وتقيلة فى العربيات الخليجى.....
متقلقش دا مش خبط فى علبة الدركسيون ولا حاجة
انا معايا سيراتو خليجي و معنديش المشكله دي خالص
بس ممكن احتاطي لو الرجه دي بتبدا مع سرعه معينه تروح ترصص
انا معايه عربية الوكيل و مفهاش الرجه ديه ممكن تكشف علي الكوتش و ترصص لو الرجه ديه علي سرعه
انا معايا العربية وداخل على 1000 كيلو والعربية حلوه مفهاش مشاكل الا انها بتحدف شمال شوية
انا عندى عربية سيراتو 2008 و عاملة 17000 كم بس و فيها عيب فى علبة الدريكسيون و التوكيل بيتحجج ان مفيش حاجة و اننى بس اللى بسمع الأصوات دى. المشكلة مش فى العربية قد ما هيا فى التوكيل و عدم مقدرتة على كشف العيوب و بالتالى إصلاحها. التوكيل أجهزتة مش كفاية لكشف العيوب الصناعية انما هم حلويين قوي فى تغيير زيوت و يمكن بالكتير تيل الفرامل و حتى ضبط الموتور اللى المفروض انة بالكمبيوتر عندهم فيه مشاكل لان أجهزتهم مش متعايرة. دة انا ياعم ما لقتش عندهم فى الورشة الرئيسية مقاسين كاوتش يدوا نفس القراءة و دة كان على يد مدير الصيانة المهندس خالد و ممكن حد يسألة و نفس الكلام فى ورشة القطامية.
التوكيل مش عاوز يصرف على الأجهزة لكن يبطل يقول احنا احسن ناس فى الشرق الأوسط و كل كام أسبوع صورهم فى الأعلانات بيستلموا جوائز مش عارف من مين و على أية, ممكن جوائز لأنهم الأكثر توفيرا لكيا لأنهم لا يغيروا أى شئ على حساب كيا دائما العميل غلطان.
ياريت تعلي صوتك شوية علشان فيه ناس مش بتصدق ان ده طبع في كل التوكيلات والمصريين خصوصااقتباس:
المشاركة الأصلية كتبت بواسطة abouwesam
التمويه على مشاكل او اصوات في العربيات
وان ده اسلوب متبع في المصريين وفي كل الشركات ليست السيارات فقط
وقلما تجد من يعترف من اول مره على مشكلة موجوده في بضاعته
وسعات تلاقي الناس بتتكلم عن توكيلات معينه اكنها ملائكة ولا يفعلوا اخطاء او لا يحرصوا على الربح وانما شغالين وبيصرفوا علشان راحة العميل بدون ما يربحوا شئ
عندي نفس المشكلة في عربيتي شريتها من الوكيل ...ورحتلهم قالولي ده عشان العفشة ناشفة شوية والكاوتش ناشف