تعليق على موضوع الخصم ال 10% للأعضاء في التعامل مع سبير كار

**Sharky** · 04-11-2007 09:18 AM

شكرا يا إسلام على مجهودك و إحنا تعبنك معانا
بس هو فرع مدينة نصر اللى فى إمتداد رمسيس داخل فى موضوع الخصم

**mido777** · 04-11-2007 09:20 AM

الف فشكر على المجهود ده يا اسلام

بارك الله فيك

**إسلام شاهين** · 04-11-2007 09:25 AM

المشاركة الأصلية كتبت بواسطة sharky

شكرا يا إسلام على مجهودك و إحنا تعبنك معانا
بس هو فرع مدينة نصر اللى فى إمتداد رمسيس داخل فى موضوع الخصم

والله يا أحمد أنا عن نفسي عمري ما رحت الفرع ده بس عموما اللي ماسكه هناك هو عماد إبن الأستاذ محمد مصطفى لو رحت هناك كلمني وأنا أفعل الخصم هناك مع إن هناك مفيش غير الفرش بس يعني الأحسن تخليك في فرع الداخلية عندهم كل حاجة والتركيب أسرع وأسهل لأان الصنايعية كثير .

**eng_mkhalaf** · 04-11-2007 10:03 AM

شكرا يا أسلام ومعلشى بقى أنا هبقى أخدك معايا وأنا بركب فرش جلد وأرضية وDVD وحبة كماليات بسيطة بس دة بعد ما أرخص أن شاء اللة - فيا ريت تظبطنى بقى

**إسلام شاهين** · 04-11-2007 10:05 AM

المشاركة الأصلية كتبت بواسطة eng_mkhalaf

شكرا يا أسلام ومعلشى بقى أنا هبقى أخدك معايا وأنا بركب فرش جلد وأرضية وDVD وحبة كماليات بسيطة بس دة بعد ما أرخص أن شاء اللة - فيا ريت تظبطنى بقى

ملحوظة :- سبير كار لا يتعامل في السيارات الصيني :twisted: :twisted: :twisted:

ي باشا إنت تؤمر يا محمد إنوي بس وأنا تحت أمرك ، وعلى فكرة منزلين دي في دي جديد إمبارح لسه شايفه اللي بيركب في المخدع بتاع الكرسي عبارة عن شاشة حلوة جدا ودي في دي بيلت إن تحت الشاشة ووصلتين للجيمز ووصلة يو إس بي ووصلة فلاش ميموري .

**Hossam_Hassan** · 04-11-2007 10:27 AM

بأمانة يا اخوانى سبير كار اسعاره كويسة و احسن من التوفيقية و ش دمشق.

**sherif Anton** · 04-11-2007 10:56 AM

وتقولي الزبون المصري بيضحك علية

الزبون المصري اكتر زبون ممكن تضحك عليه ... التاجر يحلف انه مش كسبان وان الحكاية وقفة عليه بخسارة وانه فاتح المحل بس علشان مفيش حاجة تاني يقدر يعملها ...
لكن قالوا للحرامي احلف ... قال جالك الفرج ...
انا مبقتش اصدق اي حاجة من الكلام ده ... اللي يقلك هديلك خصم واللي يقولك هديلك هدية ... وكله على حساب الزبون ياباشا والدليل على كلامي اهه ..

إعلان منشور اليوم في ملحق أخبار السيارات اليوم بإعلان لسبير كار يفيد بعمل خصم من 15 ل 25 % لحامل الإعلان .

قمت اليوم بزيارة سبير كار والحديث مع السيد / محمد مصطفى بخصوص هذا الموضوع وقال لي ما يأتي :-

الإعلان المنشور اليوم ماهو إلا إعلان تجاري لجذب انتباه القراء

من الأخر انا بشتري من المحل اللى بكون مستريح له نفسيا وتكون معملته حلوه وبضاعته احس انها موثوق فيها ... حتى لو اغلى قليلا من اللي حوله

**إسلام شاهين** · 04-11-2007 11:04 AM

أنا مش عارف هو إحنا ليه مستغربين إن فيه حد عدل ؟؟؟

خلاصة القول :-

اللي عايز يروح سبير كار أهلا وسهلا واللي مش عايز برضه أهلا وسهلا الموضوع خدمة لا أكثر ولا أقل ، وحقكوا عليا محدش يزعل نفسه ، واللي شايف إنهم نصابين وحرامية مايروحش محدش أجبر حد على حاجة ده عرض اللي عايزه أهلا واللي مش عايزه سهلا .

تحياتي .

**tarekkasaby** · 04-11-2007 11:08 AM

الف شكر يا اسلام باشا
على فكرة و دى شهادة احاسب عليها سبير كار ممتاز و جربته فى اكتر من عربية و الميزة ان الصنايعية بتوعه 10/10
و بالنسبة لموضوع الخصم انا متفق مع ان الواحد لازم يسال فى كذا مكان و يبقى عارف رينج الحاجة اللى حايجبها كام
و بكده يقارن باسعار سبير كار او اى محل و فى النهاية ماحدش حايضربه على ايدة او حيضحك عليه

**أبوسيف** · 04-11-2007 04:43 PM

بصراحة الناس هناك قمة فى الأدب من أول الأستاذ محمد صاحب المكان لغاية أصغر عامل ، كلهم بيتعاملوا بمنتهى الأدب والإحتراف ، وبصراحة دى أكتر حاجة الواحد بيدور عليها لما يتعامل مع اى مكان. أما بخصوص الأسعار أنا سألت على كل حاجة فى التوفيقية قبل ما أروح سبير كار وكانت الأسعار متقاربة مع أسعارهم قبل الخصم ، دة بجانب ان كل حاجة موجودة عنده يعنى مش محتاج تلف على أكتر من واحد وتروح لأكتر من صنايعى علشان يركبلك الحاجة اللى جبتها. ولو فى حاجة مش موجودة بتقوله عليها وهو يجيبهالك ، أنا بصراحة أول مرة أتعامل معاهم وقررت انى مش هتعامل مع حد غيرهم.

أما بخصوص الخصم اللى أخدته فأنا عملت فرش وإنذار وباكتات أبواب وكان المفروض الحساب قبل الخصم 730 جنيه ، دفعت 530 وجنيه ودة طبعا لأن الفرش اللى عملته كان أغلى من اللى موجود جاهز عنده بس بصراحة يستاهل واسألوا إسلام وميمو عليه.

واللينك دة فى صور الفرش بعد ما ركب فى العربية:

http://www.nilemotors.net/Forum/view...850&highlight=