يا جماعه والله حاجه تجنن بليز شوفولى حل

**mazgangy** · 03-11-2007 11:07 PM

عندى العربيه الرينو كليو 1200 سى سى وبتاكل بنزين اكنها عربيه 5000 سى سى او اكتر كمان بتحرق بنزين بشكل غير طبيعى خلاص انا قربت اتجنن والله بالعلم انى استعملت منظف الرشاشات وبنقل على السرعات المحدده فى الكتالوج وضغط الاطارات مظبوط ومش بشتكى من اى حاجه فى العربيه وبحطلها بنزين 92 مبتعملش 100 كيلو فى الصفيحه وكمان بكون راكب لوحدى ومفيش اى حاجه فى الشنطه والا حموله والا اى حاجه فقولولى من ايه ده بقى وحله ايه قبل ما اتجنن

**mazgangy** · 03-11-2007 11:24 PM

ايه يا جماعه 6 لحد دلوقتى شافو الموضوع ومفيش اى رد

**Abdallah** · 03-11-2007 11:28 PM

انت مش شايف انك مستعجل على الرد اوى ؟؟؟
عموما راجع سنسور الهواء ممكن يكون بايظ ودة سبب ان العربية تاكل بنزين.

**mazgangy** · 03-11-2007 11:33 PM

معلش يا باشا والله انا متاخر على الرد بس علشان من اول بكره عندى امتحانات وحيبقى صعب فتح المنتدى فكنت عايز اعرف الردود قبل ما ابداء امتحانات بكره وشكرا ليك ولردك

**HNaga** · 04-11-2007 12:48 PM

فيه أسباب كتير لزيادة إستهلاك البنزين
ممكن السنسور يكون بايظ فالعربية بتضخ بنزين عمال على بطال
ممكن تكون بوجيهات
مكن يكون التنك بيسرب
ممكن يكون البنزين مغشوش جرب شل او توتال
لازم تراجع على دورة الإحتراق وتبص على التنك كويس

**Migo123** · 04-11-2007 12:55 PM

خش على التوكيل

**أبو_حمزة** · 04-11-2007 01:50 PM

هل هناك أعراض اخرى غير الاستهلاك العادى
مشكلة فى السحب مثلا أو ار بى ام اعلى من اللى متعود عليه

**MMamdouh** · 04-11-2007 02:53 PM

البنزين اللى بيتحرق كتير ولا البنزين بيخلص بسرعة؟ بمعنى اخر المشكلة زيادة استهلاك للبنزين المحروق و لا تسريب؟

البوجيهات سوداء دايما؟
ريحة العادم نى؟
سحب العربية ضعيف؟
العربية عاملة كام الف؟

MMamdouh

**ahmed1981** · 04-11-2007 07:54 PM

بالنسبة لزيادة الإستهلاك له أسباب كثيرة أهمها:
1 - مشكلة في الكاربيراتير (نضافة أو خلوصات البيكات أو نسبة الهواء والبنزين غير مضبوطة أو فلتر الهواء مسدود أو.... )
2 - مشكلة في دائرة توزيع الشرارة (بوجيهات وأسلاكها وإبلاتين وموبينة وكوندنسر)
3 - مشكلة في ضبط الزوايا والإتزان والترصيص
4 - مشكلة في دائرة التبريد (سخونة زيادة أو برودة زيادة)
5 - مشكلة في الزيوت وفلاترها (نقص أو بحاجة لتغيير)
6 - مشكلة في مجموعة الدبرياج
7 - عدم ضبط ضغط الإطارات
8 - عدم ملائمة نوع البنزين للموتور ( 80 أو 90 أو 92 أو ..)
9 - عدم ضبط تقسيمة الصمامات مع الكرنك بدقه
10- عدم ضبط خلوص الصمامات (التاكيهات)
11- موتور حالته سيئة (الشنابر فوتت)
12- أسلوب قيادة عنيف (رياضي أو شبابي أو أمريكاني أو منفعل)
13- قيادة في أماكن مزدحمه وكثرة التوقف (لو الإشارة أو الوقفة هتطول إطفي السيارة)
14- تحميل العربية (كلما زاد الوزن المحمل زاد الإستهلاك)
15- القيادة على سرعات عالية فوق ال 100 كلم\س أو سرعات منخفضة عن 80 تقريباً لفترات طويلة
16- مشكلة في الشكمان تؤدي في بعض الأحيان لزيادة الإستهلاك
17- بالنسبة للسيارات ذات الحقن الإلكتروني قد يكون هناك حساس (سنسور) عطلان (سنسور العادم أو الهواء أو غيره حسب نوع السيارة)

طبعا هذه ليست كل الأسباب لزيادة إستهلاك البنزين ولكن هذا ما علق في ذاكرتي الآن
والله أعلم

الموضوع: يا جماعه والله حاجه تجنن بليز شوفولى حل

LinkBack

أدوات الموضوع

عرض

-

-

-

-

-

-

المواضيع المتشابهه

حاجه تجنن

حاجه تجنن

حاجه تجنن

حاجه تجنن

انا مش فاهم حاجه .. اشترى ولا مشتريش .. دى حاجه تجنن

الكلمات الدلالية لهذا الموضوع

المفضلات

المفضلات

ضوابط المشاركة