الموضوع: من مع مشروع قرار إحلال الملاكي ومن متضرر؟

المشاركة الأصلية كتبت بواسطة dr.nemo

النقطة دي صعبة جدا
كده محدش حيدخل المشروع الا عدد قليييييييييل جدا جدا
وده مش غرضهم من الموضوع

لا دة مستحيلة مش صعبة .

موديلات 70 و 80 و اوائل ال 90 بتتباع كذا مرة و ممكن تلف الجمهورية كلها كمان :)

فمن المستحيل ان يكون القرار هيتطبق على المالك الاول .

مش معقولة يا جماعه الحكومه بتاعتنا هتخلى الاحلال اختيارى
هوا ممكن يكون ظاهرة اختيارى اه بس هتحارب الاختيارى ده علشان يبقى اجبارى ودى النقطه اللى يتخاف منها
يعنى زى ما عضو فاضل تفضل وقال فى مشاركه سابقة فى موضوع مشابه ان الحكومه ممكن تعمل كده

أرسل أصلا بواسطة abdelmessih67
الاخوة الافاضل

في رأيي الشخصي أن هذا الموضوع و قد تم التهيئة له منذ 2006 بطريقة رمي الكلام و تهيئة الرأي العام اعقبه صدور قانون المرور الجديد عام 2008 بعد طبعا تعيين محمد منصور وزيرا للنقل و المواصلات و طبعا كل حبايبه و محاسيبه الوزراء رجال اعمال و كله بينفع كله , المهم في رأيي أن هذا القانون سيكون للسيارت قبل سنة 1980 و هي موديلات الستينات و السبعينيات و ماقبلها و غالبا سيحدث كعادة الحكومة بطريقة متدرجة يعني سيبدأ بمحافظات القاهرة الكبرى الخمسة فقط و بموديلات قبل عام 1970 .

ثم بعد فترة أنتقالية مدتها سنتان يخش على موديلات قبل عام 1980 و يعطيها مهلة سنتان او ثلاثة يعني بعد حوالي خمسة سنوات فترة انتقالية تكون فيها موديلات ماقبل عام 1980 مر عليها أكثر من 35 عاما .

بعد هذا سيدخل على باقي المحافظات شريطة أن يكون نفس نظام الحكم هو هو بعد الخمسة سنوات الفترة الانتقالية .

في رأيي أيضا أن التجديد لن يكون أجباريا بطريقة ( معلنة ) و لكنه سيكون بطريقة مستترة , يعني لن تقول الحكومة كل اللي عنده عربية قبل 1980 يرميها خردة أو يبيعها و لكن ستقول علانية : من يرغب في الانضمام لمشروع احلال و تجديد السيارت الملاكي أهلا و سهلا و من يرغب في الاحتفاظ بسيارته القديمة يبقى براحته لكن من تحت الترابيزة تبدأ الحكومة في تطليع عينين و تطفيش ملاك السيارت القديمة عن طريق عدة وسائل :

أولا : جعل الفحص الفني للسيارت القديمة كل سنة بدلا من كل ثلاثة سنوات .

ثانيا : زيادة الضرائب بشدة على موديلات ماقبل 1980 .

ثالثا : المعاكسة الشديدة لكل ضباط المرور في الشوارع للسيارت القديمة و توقيفها و سحب رخصها لاي سبب
طبعا بتعليمات من رجال المرور .

رابعا : تقليل أو حتى منع استيراد قطع غيار السيارت للموديلات القديمة .

و طبعا أمام الرأي العام تقول الدولة أن موضوع الاحلال و التجديد للملاكي ( أختياري ) و لكن في الحقيقة الغير معلنة
أجباري

انا ياجماعه غير موافق والمفروض الحاله الفنيه هى اللى تقرر لكن لو بقى اجبارى
مش راح اسلمها وهخليها بالعند مرميه فى الشارع

بالنسبة لى متضرر نفسياً و مادياً
و المشروع ده لو اتطبق يبقى الفيصل هو الفحص الفنى
ومش يقطموا وسط الناس بتقصير مده التراخيص و زياده الضرائب

انامع الفحص الفني التمام الخالي من الرشاوي
انا مش فاهم ليه واحد يدفع رشوة عشان يرخص عربيته وهي مش نافعة وبعدين تعطل بيه وتبهدله وتبهدل اللي معاه وتبهدل الشارع حوالين منه و و و و و