ده اللي بيحصل فعلا و دبة واضحة جدا و جامدة. ممكن يكون عادي في ال easytronic بس مش في الاوتوماتيك
عرض للطباعة
منا مستغرب !!!!
لا يا باشا ..
التوكيل ده بيستهبل ..
اشتكى فى حمايه المستهلك ..
و اعملهم قلق
...
هى الدبه دى بتحصل و انت مفرمل ولا لما العربيه تاخد الاولانى و انت تدوس بنزين ...
يمعنى اصح الدبه بتحصل لما تدوس بنزين و تاخد اولانى فى نفس الوقت ..
؟؟
ولا و انت رجلك على الفرامل ؟؟
طيب انت العربيه عندك ماشيه ١٥٠٠ كم بس يعني ممكن يكون الفتيس عندك لسه معملش learning و ممكن يكون فيه software update. اسأل على السوفت وير كده و شوف و ممكن الاول تجرب تفصل البطاريه حوالي نص ساعه او ساعه علشان الكنترول يعمل reset و وصل البطاريه تاني و استعمل العربيه فتره و شوف النتيجه.
بالمناسبه... كمان اتاكد ان حالة البطاريه عندك جيده
بالنسبة لرقم 1 مع احترامى للكل وانا عارف انا فى ناس هتختلف معايا فى الموضوع دا كل ال A5
فيه المشكلة دى ال فانتزيا طبعاً فيها الموضوع دا وعلى شان نبقى واضحين الهزة دى مش ملحوظة بدرجة فظيعة الا اذا حد حسسك بيها وخلاك تركز فيها . لو عايز تحمل حد مسؤليتها حمل التصنيع دا يعتبر مشكلة فى تصنيع السيارة ككل .
اللى ميتسكتش عليه اى دبة بتطلع من الفتيس او تفويتة عند نقل الفتيس
المقصود بتفويتة ان مثلا الفتيس ينقل عند 3 من الغيار رقم 2 ل غيار 3 مثلا وال rpm يزيد اوى وبعدين يرجع ينزل تانى مع علو فى صوت الموتور .
بعد اذن الناس كلها مهما كانت التكنولوجى عالية او العربية غالية دا مش معناه انها كاملة ومفيش حاجة كاملة . بس فى حاجات مقبولة وحاجات لأ .
مع احترامي لردك انا مختلف معاك.
كل النقط دي عيوب و حتي لو موجودة في كل السكودا هي برضه عيوب. انت هاترضي بالعيوب دي ولا لا دي ترجع لصاحب العربية و مدي استعداده لتقبلها. المشاكل اللي عندي واضحة جدا من غير ما تركز عشان تلاقيها.
مسألة عيوب تصنيع ولا عيوب صيانة دي مشكلة ارتوك مع سكودا مش مشكلتي انا. لو هي عيوب تصنيع بيجيبوها مصر ليه عشان المستهلك المصري غلبان و بيرضي بأي حاجة.
انا باشتري عربية بالسعر ده عشان اخد مميزات زياده مش عشان اخد مشاكل مش موجودة في غالبية العربيات المحترمة في السوق الارخص و الاغلي من السكودا.
انا مش شايف اي لازمة اني اتنازل و اقبل العربية بعيوبها و هافضل ورا الموضوع لحد ما يتحل ان شاء الله.
شكرا
خليك ورا حقك :khd: ان معرفوش فى التوكيل مفيش غير انك تلجأ لحمايه المستهلك من النت وانت فى البيت ودلوفتى بقوا شداد جدااا مع التوكيلات انشاالله تتحل مشكلتك عن قريب ومبروووك ربنا يديك خيرها ويكفيك شرها
ربنا يوفق