كارثة علي طريق بورسعيد/الاسماعيلية أسمها التوكتوك !!!

**Samir Elshahawy** · 14-09-2009 01:03 AM

الاخوة الكرام ...
أسعد الله أيامكم بكل خير ....

النهاردة كان عندي شغل في بورسعيد و طبعا بدأت أتحرك من القاهرة بدري علشان الزحمة و فعلا قطعت المسافة (حوالي 180 كم) في ساعتين و نفس الشئ في العودة تقريبا و لكني وصلت قبل الافطار بحوالي ربع ساعة و لكن ....

و انا رايح بورسعيد كمية توك توك ماشية قبل القنطرة غرب و معظمهم ماشيين عكسي و بيعبروا الطريق بمنتهي البرود و البلاهة , الاخطر بقي و أنا راجع و في الملف اللي قبل كوبري السلام و أذا بي أتفاجئ بثلاث تكاتك واحد بيعبر الطريق في الملف دهبالعرض و الثاني جاي عكسي من الشمال و الثالث جاي عكسي بالورب من الشمال لليمين و أنا داخل الملف و علي يميني عربية و تقريبا كنا علي سرعة 120 كم/ساعة

تخيلوا المنظر .... بصراحة شوفتوا ألعاب الفيديو أو البلاي أستيشن , هو ده اللي عملته بقيت عمال أخد غرز بين الثلاث تكاتك و بسرعتي علشان أهرب منهم لأن ماكانش ينفع أهدي أو أفرمل فجأة في الملف ده وورايا عربيات طايرة و منها نقل و ربع نقل , فقررت أهرب بسرعة من بينهم و الغريبة كان ورايا نقل عمل معاهم نفس الشئ

بالذمة ده كلام ؟؟؟؟
- مين سمح لمثل هذه التكاتك بالخروج علي طريق زي ده و سط عربيات ماشية بسرعة و نقل ثقيل مش هايهمه توكتوك ؟؟
- أزاي اللي سايق التوكتوك يمشي في طريق زي ده و سط هذا الكم من العربيات الطايرة و كمان يمشي غلط و عكسي ؟؟

- خلاص أرواح الناس و دمائهم أصبحت رخيصة الي هذا الحد ؟؟
- فين اللجان و المرور ؟؟ ماحدش منهم شاف المهزلة اللي بتحصل عند القنطرة غرب في التقاطع الخطير ده ؟؟

بصراحة مش عارف هنلاقيها منين و لامنين ؟؟ مش ناقصة بتوع التوك توك ده كمان ؟؟

معلش طولت عليكم
و كل عام و انتم جميعا بخير و ربنا يسلم لنا طريقنا جميعا

**M.Osman** · 14-09-2009 01:16 AM

فوضى التوك توك متفشية!!

انا مرة ماشي في أمان الله على 90 -100 كدا ... الاقي واحد من الحاجات القذرة طالع في وشي (ساعات بيكون في اقصى الشمال على فكرة) ... ابص في المراية عشان افاديه الاقيه نقل جاي زي ال&^%$$@$#^& ... طاير
طب بالله عليكم نعمل اية يعني ..؟
انا اخدت كام غرزة عشان اهرب منهم لاقيت نفسي وصلت 120 !! و بعدين ببص لاقيت بتاع النقل لسة ورايا طاير و بيتمرجح في نص الطريق .. روحت واخد اقصى اليمين و هديت لحد ما راح في ستين داهية!

اعمل اية بس ؟؟

انا و الله اتعلمت الغرز تلقائي!!

**ramylanos** · 14-09-2009 02:11 AM

فعلن موضوع التوكتوك ظاهره غريبه علي طريق بورسعيد وانا كذا مره الاقيه بيقطع الطريق في نفس المنطقه الي حضرتك بتقول عليها
ومابالك لو بليل لما تلاقيه جاي عكسي ومنور في عينك

حسبي الله ونعم الوكيل في الي كان السبب

**ابوهاشم** · 14-09-2009 02:24 AM

مع الاسف الكارثه دى موجوده فى كل طرق مصر
داخلها وخارجها
المصيبه انه لحد الان غير مرخص سيره فى الطرق
طيب بيدخل البلد ازاى

**د.محمود صلاح** · 14-09-2009 03:28 AM

وكمان بيتصنع فى مصر !!!

**ashraf229** · 14-09-2009 11:35 AM

المشاركة الأصلية كتبت بواسطة se_coralsea

- خلاص أرواح الناس و دمائهم أصبحت رخيصة الي هذا الحد ؟؟
- فين اللجان و المرور ؟؟ ماحدش منهم شاف المهزلة اللي بتحصل عند القنطرة غرب في التقاطع الخطير ده ؟؟

بصراحة مش عارف هنلاقيها منين و لامنين ؟؟ مش ناقصة بتوع التوك توك ده كمان ؟؟

و كل عام و انتم جميعا بخير و ربنا يسلم لنا طريقنا جميعا

شافوا يا سيدي و عارفين كويس ان التوكتوك مغرق الطريق ده حتى بيشربوا ((((((((شاااااااااااي))))))) و ياكلوا جاتو مع السواقين كل شوية....

و لحد دلوقت الناس مستغربه الحوادث بتيجي منين و عايزين نسجن اللي ماشي عكسي و نلغي المقطورة و نشيل مثلث و شنطة اسعاف ...........

لكن نمنع التوك توك اللي الدولة تستورده و بتأخد عليه رسم تنمية و دمغات و ضريبة مبيعات و غيره و غيره و بتسمح ببيعه و التجارة فيه و في قطع غياره و بعدين ترجع تقولك مش هأرخصه ده وحش و بيعمل مشاكل و مش كميل خالص.............الله.............أمال مين اللي بالانا بيه!!!!! مش انتو اللي بتدخلوه البلد!!!!!!!

المشكلة ان السواقين مبقاش عندهم دم و شوية شوية وصلت بيهم الجرأة انهم احتلوا شوارع و مناطق فمثلا في الهرم عندنا تتطلع من نفق الهرم تلاقيهم واقفين على نصر الدين بره على شارع الهرم و بيحملوا و كذلك العمرانية احتلوا شارع ترعة الزمر و الطالبية عاملين موقف على أول الطالبية فيصل عيني عينك ورا أمين الشرطة بخطوة و نص بعد ما كانوا في العشوائيات و الحتت المستخبية...............

و على رأي المثل.........تمشي على رجليك ليه.....ده التوك توك بنص جنيه........و عجبي