الموضوع: BMW 320 or Cerato coupe

لما تركب البى أم مش هتفكر تسأل السؤال ده.

المشاركة الأصلية كتبت بواسطة medo_sirion

ممكن اعرف حضرتك هتبعها بكام
وهل انت جاد فى البيع

بص انا محتار جدا جدا و علشان كدا باخد رايكو بس لازم حقرر بسرعة علشان طول ما انا شايف التعليقات دى هحس انى مجنون
ولوحبيع ان شاء الله حيكون 320000 علشان هيا ماشية 5000 ك بس

المشاركة الأصلية كتبت بواسطة zico900

انا حاسس بيك تماما! انا كان عندي موقف شبه ده و فعلا عملت زي ما متفكر....بس دي حاجه ترجعلك...لو مش حتحس بندم بعد كده خلاص...لاننا عايشين في بلد 70 في الميه من الناس بتقدر الواحد بعربيته!

انت حاسس باي نادم و لا عادي؟

و بعدين انا و لا يفرق معايا الناس بتفكر ازاي و اللى بيقدر الواحد بعربيتو دا انسان هايف

bmw كانت حلم و لما اتحقق مستمتعتش بيه لان فى القاهرة مفيش حاجة اسمها متعة القيادة و انا مش بسافر كتير

عموما شكرا على الرد

المشاركة الأصلية كتبت بواسطة emadhamdy

حرام عليك اصلا تقارن الاتنين ببعض
ياراجل عربيه الماني ودي كوري
ونبي دي محتاجه تفكير اصلا
بجد حرااااااااااااااااااام عليك
هتندم لو عملت كده

يا راجل انا كنت راكب باسات خليجى هاي لاين بتقول بابا و ماما كاوبشنز ال bmw جمبها و لا حاجة فاضية تماما و لا سنسورز ركن و لا نور و لا مطر و لا زينون و لا مفتاح بصمة و لا مرايات ذاتية التعتيم و لا فلاشارز فى المرايات حاجة تكسف فى عربية زي دي بس الباسات سواقتها كانت مش حلوة الالنترا كانت اجمل بكتير فى السواقة فمش بالضرورة و مع الكوري مبتبقاش حاطط قيدك على قلبك طول الوقت حتى و انت راكن تحت البيت

المشاركة الأصلية كتبت بواسطة ahmed samy

في حال ان حضرتك ما بتهزرش يعني ....


السبب الوحيد اللي يخليك تعمل "العملة" دي

انك تكون محتاج فلوس

أو خايف من صيانات الوحش الكبير

هي العربية الكوبيه جامدة صحيح و شكلها حلو و امكانياتها حلوة

بس في فرق شاسع في الإمكانيات و الخامات .

دا حتى في دوسة كده ...احساس ...روح بتحسها و انت راكب البي ام "اي بي إم كمان" عمرك ما هاتلاقي الإحساس ده بره المانيا تحديدا .

انا طبعا مش معاك لو كان الهدف هو التغيير فقط من باب التغيير ...

و بعدين هاتغير i320 2009 ليه ؟؟؟ هي لسه ما لحقتش اساسا و شكلها فيس ليفتد مش القديم حتى "لو صح اننا نقول عليه قديم"


انا عارف اني اتكلمت كتير بس أصلي مش فاهم

و الله ما بهزر و لا محتاج فلوس و لا خايف من صيانة الوحش بس انا كان نفسى اركب كوبيه و مفيش و لا كوبيه حلو فى سعر ال 320 انا كان نفسى فى ال 316 كوبيه بس للاسف مانيوال و انا بسوق على الاقل 3 ساعات فى اليوم فالمانيوال هيبقى صعب جدا بالاضافة مش حاسس باى متعة نتيجة الزحام الدائم فى القاهرة ف بتتساوي السيات و ال bmw و اي عربية تانية بس الفرق ان السيات تكسر عليك براحتها علشان عارفة انك حتفتحلها السكة علشان انت خايف على العربية