الموضوع: مشكلة زيادة استهلاك البنزين فى النوبيرا

يا باشا العربية مش بتغيب فى الدوارة . متهيالى كدة الرشاشات سليمة .

- موديل السياره وسنة الصنع (نوبيرا 1997)
2-عدد الكيلومترات المقطوعه 53 الف كيلو اللى مكتوبين
3-موقف أستهلاك الزيت (العربية كانت بتنقص زيت من مدة قريبة وغيرتة)
4-شكل العادم الخارج من الشكمان (أبيض مسود )
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه (البوجيهات جديدة من 3 شهور مغيرهم واحد شمعة)
6-موقف الفلاتر (هواء - بنزين - زيت مغيرهم من 6 شهور)
7-موقف أستهلاك البنزين (زياده)
8- موقف الشكمان (سالك وتمام )
9- موقف الفرامل (كويسه )
10-موقف السيور ( كاتينه متغير من شهرين
11-موقف البطاريه والدينامو من ناحية الفولت والأمبير (كويسة)
12-مصدر الصوت فى حالة ظهور أصوات من عند المحرك ومكانه بالضبط (مفيش اصوات غريبة)
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....لأن دى نقطه مهمه جدا (كان حساس الشكمان وغيرتة واختفى التقطيع والعادم الرهيب من الشكمان وبطلت لمبة الاعطال تنور بس الاستهلاك احسن من الاول بس برضة عالى ومش راضى يتظبط
انا اشتريت حساس شكمان ب 175 جنية مش عارف نوعة اية يمكن نوعة اى كلام و مش بيظبط الاستهلاك كويس والا دة من اية
والف شكر ليك يا باش مهندس سمير على اهتماك
وربنا يجعلها فى ميزان حسناتك يا رب

متابع بأهتمام
بس بالنسبة العادم المهبب بأسود بيكون بسبب بنزين مش بيتحرك كويس صح ياباش مهندس سمير ملهوش علاقة بزيت
بس حضرتك العادم اختفى لما غيرت الحساس ولو لسة موجود
حضرتك لازم تتابع موضوع الزيت دة كويس حضرتك بتقول انة كان بينقص وغيرتة تابعتة بعد التغيير ولا اية الاخبار
عشان لو بينقص زى مابتقول تلحق الدنيا فى اولها قبل ماتتطور ماتنساش بالله عليك دى نصيحة ياريت تتقبلها
وعملت قياس لكبس الماتور ولا لأ من قريب بردو مفروض الحاحات دى تبقى مطمن عاليها و بناء عاليها تبان معاك حالة المكنة

يا باشا العادم الابيض المسود كان بكميات كبيرة جدا لما كان الحساس بايظ لدرجة ان فية سواقين كانت بتوقفنى فى الشارع وتقولى شوف الشكمان مالة
وبعد ما صلحت الحساس اختفت الكمية الكبيرة دى ورجعت للنسبة الطبيعية بس اللون لما اجى ادوس جامد على البنزين الاقية مسود
غير كدة مش بلاحظ اللون كويس لان بتبقى كميات بسيطة طالعة من الشكمان
اما عن الزيت فبعد ما نقص فى المرة الاولنية وانا متابعة كل شوية والحمد لله ثابت فى مكانة لحد دلوقتى

الف شكر ليك يا باش مهندس سمير على اهتمامك
طيب اية رايك اجيب طقم رشاشات نوعة اية ؟ النترا والا نوع تانى ؟