جزء دائري متصل بجسم الاسبراتير و متصل بالكاربيرتير من خلال انبوب صغير السؤال هنا ما هو هذا الجزء وما الفائدة منة وكيف يمكن معرفة ما ان كان يعمل اولا يعمل
عرض للطباعة
جزء دائري متصل بجسم الاسبراتير و متصل بالكاربيرتير من خلال انبوب صغير السؤال هنا ما هو هذا الجزء وما الفائدة منة وكيف يمكن معرفة ما ان كان يعمل اولا يعمل
ياريت تصورلنا الجزء ده لمزيد من التوضيح
باشا الى اعرفه ان هذا الجزء والخرطوم الى واصلفيه بيدى كهرباء زيادة للكاربيراتير فى السرعات العالية
كل سنة وحضراتكم طيبين
الجزء ده مقدم الشرارة الهوائي (vacuum Diaphragm)
http://www.motorera.com/dictionary/p...istributor.gif
باختصار شديد وبساطة في اسلوب الاشعال التقليدي والاكتروني من اهم القيم المؤثرة في كفاءة الحريق هي
(زاوية تقديم الشرارة)
وتوقيت الشرارة المناسب هو التوقيت اللي يراعي:
1-زمن عطلة اشتعال خليط الوقود والهواء
2-زمن انتشار جبهة اللهب ( فترة وصول الحريق الى ابعد نقطة من الخليط المنتشر في الاسطوانة )
والمحصلة في الاخر ان قمة الضغط الناتج عن الاحتراق ( نهاية زمن الاحتراق) يكون المكبس بعد النقطة الميتة العليا ب حوالي 13-15 درجة والمكبس في طريقه للنزول (شوط التمدد والقدرة وتحويل الطاقة الحرارية المختزنة في الوقود الى عزم ميكانيكي )عشان ناخد اكبر قدرة ده التوقيت الصح
--------------------------------------------------------------------------------------------------------------------
طيب في مشكلة يا سيد الناس كلها دلوقتي
ان عطلة الاشتعال عشان يبدأ الوقود والهواء في الاحتراق و الزمن بتاع انتشار جبهة اللهب بيختلفوا حسب عاملين مهمين اوي
- سرعة المحرك
- الحمل ( دايس قد ايه على بدال البنزين او الاكسلاراتير اللي بيفتح البوابة (صمام الخنق في الكرباراتير بالنسبة لعربيات المزودة بالخلاط)
فده اللي بيخلي توقيت الشرارة اللي في الحمل الخالي (السلانسيه ) وانت شايل رجلك من عالبنزين بيبقى تقديم الشرارة حوالي 7 درجات مثلا وبتختلف شوية وعلى سرعة عطلة حوالي 800 rpm مثلا
اهو التوقيت ده مش مناسب ل 3000 rpm وانت دايس نص او 3\4 دوسة عالبدال مثلا
-فبنحتاج advance vacuum عشان يغير تقديم الشرارة ليناسب الحمل وهو ده اللي متوصل بالكربراتير
-ونحتاج حدافات flyweights تحس بسرعة المحرك فتغير برضه زاوية تقديم الشرارة كل ما السرعة تزيد
-------------------------------------------------------------------------------------------------------------------------
Internal combustion engines ... - كتب Google
بص كده يا ريت على الامثلة المحلولة في الصفحتين دول هنفهم قصدي ان بنحاول نوفق بين زمن وزاوية العطلة (delay) وزمن الاحتراق (flame propagation) فكانك بتلفقها او تتحايل على التغير اللي بيحصل فيهم عشان تشوف توقيت الشرارة المناسب
------------------------------------------------------------------------------------------------------------------------------
وهي دي فائدة الجزء الدائري ده انه يغير توقيت الشرارة طبقا للحمل اللي هو حاسس بيه من الخرطوم اللي متوصل بمجمع السحب بعد البوابة او (الخانق)
يا رب اكون افدتك فعلا ولو تحب تقرا عن الموضوع ده زيادة بص في ويكيبيديا عن ignition timing advance خاصة ال vacuum advance او دور في جوجل vacuum advance هتلاقي بلاوي برضه ومفيد فعلا
واسف جدا لو غلطت في اي حاجة نتيجة قلة معلومات او عدم تركيز
كلام صحيح جدا وشكرا جزيلا علي المعلومات العلمية المفيدة . وتحياتي لك استاذ خالد
باشمهندس خالد
معلوماتك قيمة جدا وشرحك اجمل
واحسن حاجة كتابتك للمصادر دى عجبتنى اوى علشان اللى عايز يعرف اكتر يعرف يدور فين
ربنا يكرمك
------------------
محمد سالم
نرجو من ادارة المنتدي تثبيت الموضوع للاهمية
الف شكر للعضو خالد على التوضيح الدقيق
وجزاك الله كل خير
كلام ممتاز و سليم يا أستاذ خالداقتباس:
وهي دي فائدة الجزء الدائري ده انه يغير توقيت الشرارة طبقا للحمل اللي هو حاسس بيه من الخرطوم اللي متوصل بمجمع السحب بعد البوابة او (الخانق)
جزاك الله خيراً
نرجو من ادارة المنتدي تثبيت الموضوع للاهمية