شكرا إسلام شاهين

**أبوسيف** · 04-11-2007 02:16 AM

انا بوجه شكرى الكبير للأستاذ إسلام شاهين على اللى عملوا معايا النهاردة فى سبير كار ، الراجل مشكور فضل معايا من ساعة ما رحت وأخترت الحاجات اللى هاركبها وفضل مستنى معايا كمان لغاية ما أتركبت ، فضل واقف معايا أكتر من 3 ساعات والله. أنا ركبت فرش جلد وجهاز إنذار وباكتات أبواب. بصراحة الناس فى سبير كار محترمين جدا ، والصنايعية هناك زى الفل وشغلهم جميل جدا ، ركبوا الفرش زى ما يكون فبريكة والإنذار ركب بإحتراف.

دة كمان غير الخصم اللى أخدتوا والهدايا اللى أخدتها كمان.

ودى صور العربية بعد تركيب الفرش:

مرة تانية بوجه شكرى للأستاذ إسلام شاهين وسعيد جدا بمعرفته هو والأستاذ ميمو اللى كان موجود فى نفس الوقت هناك.

**fahd_628** · 04-11-2007 02:18 AM

ما شاء الله جميل جدا و باين ان الشغل نضبف

الف الف مبرووووووووووووك

و طبعا شكرا لأسلام باشا شاهين

**أبوسيف** · 04-11-2007 02:26 AM

الله يبارك فيك يا فهد 8)

**hazem_khidr** · 04-11-2007 03:52 AM

الف الف مبروك يا ابو سيف و ربنا يملهالك بركه

**eng_mkhalaf** · 04-11-2007 09:13 AM

إلف مبروك ربنا يديك خيرها ويكفيك شرها - ولعلمك هو دة أسلام
بس الأسعار إية بقى - يعنى الفرش بكام والسنتر إلى أخرة

**إسلام شاهين** · 04-11-2007 09:20 AM

يا باشا العفو وعقبال الزينون والفوجات والعتب وألإسبويلر .

وياريت فعلا يا أبو سيف تكتب الأسعر والخصم اللي أخدته عليها علشان الناس تعرف هل الخصم حقيقي ولا وهمي .

وألف مبروك إنت عارف إن عيني كانت هتطلع على الفرش ده :-? :-? ;) ;)

**أبوسيف** · 04-11-2007 02:44 PM

والله ما يغلا عليك يا إسلام هو والعربية كلها :)
أما بخصوص الأسعار ، انا زى ما قلتلكم انا عملت فرش وإنذار وباكتات أبواب وكان حسابها كالأتى:

الفرش قبل الخصم 390 بالتركيب وبعد الخصم 280 ودة علشان أتفصل مخصوص وطبعا فى حاجات أرخص من كدة بس أنا عجبنى الفرش دة قوى.
الإنذار 275 بالتركيب وبعد الخصم 215
الباكتات حسبهم ب 35 جنيه وكانو ب 60 تقريبا قبل الخصم مش فاكر.
وكمان أخدت هديتين عبارة عن فتالة اللى بيمسحوا بيها العربية وكمان الباسكت اللى بتتعلق فى التابلوه علشان تحط فيها موبيل أو حاجة.

**eng_mkhalaf** · 04-11-2007 05:25 PM

أأأأأأممممممممممممممممم
الأنذار بس هو ممكن أحكم علية هو طبيعى ب 215 مفيش فرق عن حسنى عبد الحكيم طب فين الخصم - بس سعر كويس علشان دة مول مش محل فى منطقة منافسة

**اسلام المصرى** · 04-11-2007 07:26 PM

ألف مبروك يا أخ أبوسيف :-) بسم الله ماشاء الله ذوقك جميل :-) ربنا يباركلك فيها يارب و مش خسارة أى فلوس صرفتها عند سبير كار أو على عربيتك و الفرش الجلد ده جميل جدا أنا مركب ذيه عندى بس بدون العلامة.
المرة الجايه يا اسلام لما تغير الفرش ركب ذيه :-)