لما سألتهم على price list قبل كدة وانا بعمل صيانة قالو ان الأسعار كل يوم بتتغير فلو عايز تسأل بتسأل على قطعة قطعة
غريبة والله
عرض للطباعة
لما سألتهم على price list قبل كدة وانا بعمل صيانة قالو ان الأسعار كل يوم بتتغير فلو عايز تسأل بتسأل على قطعة قطعة
غريبة والله
عندى ليك مفاجأة من العيار الثقيل ....
عارف الأنذار اللى هتركبة
التوكيل بيجيبوا من مين ......؟!!!!:lurk5:
عارف بقى سعرة كام .........؟!!!
تخيل شوية كده!!!!!:11:
سمارت كار ...... فقط 250 جنية مصرى لاغير:I_angr1[1]:
ويمكن اقل كمان شوية .:O_stupid[1]:
الكلام ده مش من دماغى واحد صاحبى شغال فى سمارت كار وهو اللى قاللى ع الأسعار دى وممكن كمان لو تحب يركبهولك هناك فى المعادى.
أنا اسف جدا يا جماعة
أنا حاولت أخد منهم أسعار الأكسيسوارات بس مارضيوش
وقالوا إن الأسعار بتتغير ....
المهم أنا طبعا عارف إن سعر الإنذار غالى جدا عندهم
بس أعمل ايه انا حاسس ان العربية لسه جديدة فى السوق
وخفت حد يتفزلك فيها ويطير الضفيرة وتيجى على دماغى
المهم الموضوع طلع كوميدى جدا
شوفوا يا سادة الفاتورة العجيبة شكلها ايه :
فلتر زيت 30 ج ..... ماشى تمام جدا
زيت شل هايلوكس .... 214 ج .... وماله يا سيدى
إنذار ..... 285 ج .... ده من غير التركيب
إحسب الكلام ده وزود عليه 10% ضريبة مبيعات ... تحت امرك
المفاجأة الكبرى ........
تركيب الإنذار ....
....
....
....
450 ج ......... يانهار مش فايت ... ليه يا باشمهندس
مافيش رد
ابتسامة عريضة ...
المصيبة كمان إنهم بياخدوا ضريبة مبيعات 10% على المصنعية
يعنى تركيب الإنذار بس وصل ل 495 ج
بالله عليكم ده إسمه كلام
....
ألذ حاجة ... وانا خارج من المركز ... واحد طلب منى اوصله لكارفور عشان عايز يسحب فلوس
عشان الكروت اللى معاه مش نافعة عندهم ... ما علينا
سألته حضرتك بتعمل ايه هنا
قالى بغير الزجاج الخلفى لعربيته سيراتو 2008
تفتكروا بكام ياسادة يا كرام
950 ج تمن الزجاج و 1250 مصنعية تركيبه ........
ههههههههههههههههههه
انا بس لولا اننا فى الشهر المبارك ... وإحتراما للمنتدى
كنت قلت كلمة بايخة
ماهو المشكلة ان الواحد عايز يركب الأنذار فى التوكيل علشان موضوع خروج كهربة العربية من الضمان
علشان اى مشكلة هايقولك من الأنذار الى انت ركبته برة
ايوة يا ياسر ... بس شوية رحمة
تركيب الإنذار بتمن الجهاز نفسه مرتين ...
واللى يضايقك إن كتالوج الجهاز فيه أوبشن كتيره ... بس البهوات مش مشغلينها ... طيب ليه مش عارف
وكمان عشان تستلم الإنذار منهم ... مافيش حد فاضى ... هم يا عينى اتنين مهندسين او تلاتة ... والضغط عليهم جامد
خصوصا فى أخر النهار ... كله عايز يحاسب وعايز يعرف إيه اللى اتعمله فى عربيته ... وانت وطولة بالك ... وبصراحة صعب إنى أخد أجازة تانى عشان أرجع أسأل ... ليه كل الأوبشن مش شغالة ....
انا ركبت الانذار بره التوكيل في العربيتين ومافيش خروج من ضمان ولا دياولوا دول بيتنشاوا على اي حد ييجي ويعمل صيانة ومعاه ضمان ........ده شغل تلاكييك علشان يضمنوا انكوا تعملوا عندهم ويطلعلهم سبوبة حلوة
نفهم من الكلام ده ان المصنعيات في توكيل كيا مصر غالية .. ولا ايه رأيكو... اصل بصراحة حكاية مصنعية تركيب ازاز 1250 جنيه دي تخلي الواحد يمشي على الحيطة .. يا ريت يا جماعة والنبي تأكيد للكلام ده عشان بيتوقف عليه شرا عربية ليا انا وغيري وغيري وغيري .. انا مش بشكك طبعا بس يا ريت تأكيد بس يا حسونة .. وانت يا احمد وانت و نادر شوفو كده الاسعار دي ايه الكلام فيها .. ابقى شاكر ليكو اوي وكل سنة وانتو طيبين
لا ماتسيبش حقك روحلهم تانى فى اى وقت تكون فاضى فيه وتقولهم الأوبشين دة مش شغالة لية
مع انى حاسس انهم هايقنعوك ان تشغيلها هيسبب ضرر :d
وانها كدة زى الفل