1- رينو لوجان
2- أوبترا
3- شيفورليه كروز
4- فانتازيا
5- فابيا
6- جي بي أوتو (هيونداي)
عرض للطباعة
1- رينو لوجان
2- أوبترا
3- شيفورليه كروز
4- فانتازيا
5- فابيا
6- جي بي أوتو (هيونداي)
اعتقد حمله اعلانات لوجان من احلى الاعلانات من حيت البساطه والدخول للقلب الموضوع مباشرا
كروز يعني ظريف صورلك العربية واختار احمد عز شاب و وسيم و مشهور كرمز لعملاء كروز المستهدفين من الاعلان و اجمالا ظريف
بس اعلان اللوجان برضه كويس انها بتعمل كل حاجة حتى انها بتعوم و بتطير
الأسوء و الأسخف اعلان الأوبترا من حيث الشكل و المضمون و منى زكي مبتذلة جدا و خصوصا اننا ما لحقناش نشوف العربية و لا نعرف عنها حاجة و ملوش معني اصلا انهم نسيوا ركنوها فين و بعدين هأتجنن عايز أفهم لما بيلاقو زيها و يقولها دي مش عربيتنا تقوله مش مهم!!!!!!!!!! ويجروا وراها و يتشعبطوا فيها !!!!!!!!!! مش حلو نهائي
اما غبور ملوش طعم ولا لون و ريحة عمال يستعرضلنا انه من اغنى اغنياء البلد و هوه الكبير ..........تشرفنا يا جنابو
و رمضان كريم
اعلان لوجان بتطير وتعوم وتطلع الحيط !!! ناقص يقولوا انها بتطبخ كمان ههههههههههههههه
لا يا عم ان مش معاك فى اعلان اوبترا
دى مون مون دى عسل هى واحمد حلمى
قطط الشاشه :ma:
اللوجان
حلو جداً
إعلان غبور غبي! يعني اية اي شئ على الطريق؟؟
مكرر بالخطأ
بصراحه ولا اعلان عجبنى يعنى تعالى نقارن مثلا باعلانات تانيه زى اعلان الفورد فلكس الى كان بيجى على ام بى سى وغيرها او حتى اعلان الكورولا الى كان عامله الجميل بالسعوديه هتلاقيهم احسن بكتير جداوياسلام على اعلانات فولكس ومرسيدس اعلان قصير قوى وقمه الشياكه والقيامه
الغريبة اصلا اننا اول مرة نشوف غزو اعلانات السيارات للشاشة الصغيرة بالشكل ده
و لا إعلان حلو
حتي إعلانات اللوجان ،، رغم انه بيحاول يكون دمه خفيف
بس الجرافيك و الخدع اللي فيه ساذجه جدا
الحقيقه احلى الوحشين اللوجان واسواهم اوبترا
إعلانات اللوجان
بنتي عندها 4 سنين وحافظااااه صمممم :)
كلهم دمهم تقيل بس لوجان أظرفهم
من مدة كبيرة قوي كان فى إعلان عربية سبور زى فيراري بتجري زى الصاروخ والكاميرا ماشية جنبها وشوية من قدامها وشوية من وراها
وفى أخر الأعلان خالص العربية تقف وبعدين يجيبلك الكاميرا وهيا محمولة على عربية bmw هههههههههه
الكبير كبير
أهو لاقيتة
YouTube - bmw banned commerial
هيا مش عربية هيا صاروخ فعلا
انت بالفيديو ده قضيت علي الموضوع
اعلان فورد فيوجن الجديد احسن من كل الاعلانات الهبطانة دى , مع انه مش شديد ابدا .
ده الاعلان المسروق منه فكرة اوبترا القديم ( انا اللى هسوق الاوبترا )
YouTube - Best Car Ad Ever
اما ده بقي فانا فطست من الضحك لمد ساعة كاملة , هو مش اعلان لشركة معينة بس كوميدى جدا :)
YouTube - Funny Car Commercial
احلاهم اللوجان و الكروز
واسؤئهم غبور واوبترا
كلهم سيئين جدا
كلهم بطاطا ...
اللوجان اعلان جامد وعلى فكرة مع انة بسيط بس جامد مش عارف ازاى زىة زى السهل الممتنع
عجبني فكرة اعلان الفانتازيا اوي ...
العربية دي عشان تطلع بالشكل دة للناس كانت هتتسبب في انفصال واحد من فريق التطوير عن مراته ...
فكرة جديدة برضو ... و لا انا اللي مش طبيعي ؟؟
اعلانات اللاند كروزر والكامري واليارس اللى عاملاها شركة عبد اللطيف الجميل المحدودة اللي بتيجي على قناة الرسالة اثناء برنامج خواطر.
لو حد يفتكر اعلان الهوندا القديم .....بتاع الاوبرا دة مكنش لية حل .........
ماشفتش ولا إعلان للوجان ، يا ترى حاجة منهم موجودة على اليو تيوب؟