واخيرا رأيتها راي العين

**M.Moustafa** · 14-09-2009 01:50 PM

وحووووووووووووووووووووووو وش

اخيرا شوفت الميجان 3 بعيني

القصة بدات اني كنت في رحلة عمل الاسبوع اللي فات الى المغرب، اول ما نزلت المطار لقيت عربية لاجونا كوبيه موقفنها في خزنة قزاز للعرض وطبعا كان شكلها تحفة بس للاسف الدنيا كانت ليل ولو كنت صورتها كان النور الفلاش هيترد على الصورة بس منظرها كان ما شاء الله لا قوة الا بالله وحش واقف على الارض.

المهم طلعت من المطار وبدات اتفرج على الطريق وطبعا لكم ان تتخيلو ان العربية ال 128 هناك هيا .................................

اللوجان بالتاكيد وبلا منازع، العربية بتنزل باسم داتشيا لوجان 1500 سي سي ديزل لان هناك معظم العربيات ديزل نظرا لغلو البنزين.

اول يوم ليا وانا رايح الشغل الاقي حاجة من الضهر عليها علامة رينو وشكل انا حاسس اني عارفه لمل قربت عليها والاقي مكتوب عليها ميجان، ايون ميجان 2 سوداء هاتشباك بابين اتنين شكلها عجبني جدا جدا جدا ما شاء الله عليها وشوفت واحده تانية كانت واقفه لونها برتقالي انا بصيت عليها بصه سريعه من جوه وهيا تقريبا شبه اللاجونا الى حد كبير .

طبعا هناك الرينو ماشي بطريقة غريبة وبكل الانواع:

ميجان 1
ميجان 2
ميجان 3 لسه مش منتشرة قوي
كليو
كليو 3 منتشرة بفظاعة وشكلها وهمي
لاجونا منتشرة جدا جدا
فل ساتس ودي العربية اللي كنت بركبها يوميا ولاول مرة في حياتي اشوفها مانيوال مش اتوماتيك
السيمبول عامله شغل كويس هناك
السينك والجراند سينيك عاملين شغل جامد
وطبعا اللوجان مستهبلة فيها وكانها عجلة الشعب هناك

كل العربيات دي ماشية ديزل مفيش بنزين الا بشكل قليل جدا

ربنا يوعدنا نشوف الميجان 3 في مصر قريب

**Ahmed Selim** · 14-09-2009 02:02 PM

حمداً لله على سلامتك يا نجم..........المهم جبت معاك بارات الدركسيون ولا لأ :)

**Col. Eng. Khaled** · 14-09-2009 02:06 PM

شكلوا حلق لنا و مكتم على الأسعار إللي كنت موصيه عليها ، ميجان 3 أخدتو مننا و نسته أصحابه

**Col. Eng. Khaled** · 14-09-2009 02:19 PM

يا محمد بيه إخوانك و بيناغشوك ، ما تاخدش في بالك

**chato_eg** · 14-09-2009 03:53 PM

يعنى ما جبتش الحاجة و لا سألت عليها و سامحوك
إنما كل إللى تحكيه عن الرينو فى المغرب مدى انتشار كل عربية و بس...لأ لأ لأ..أزعل منك...ده إنت الوحيد إللى ركب فى ال Vel Satis ....عيب عليك....عايزين تحكى التجربة الشعورية مع كل مطب و ملف فى ال Vel Satis و باقى العربيات

**M.Moustafa** · 14-09-2009 04:01 PM

المشاركة الأصلية كتبت بواسطة chato_eg

يعنى ما جبتش الحاجة و لا سألت عليها و سامحوك
إنما كل إللى تحكيه عن الرينو فى المغرب مدى انتشار كل عربية و بس...لأ لأ لأ..أزعل منك...ده إنت الوحيد إللى ركب فى ال vel satis ....عيب عليك....عايزين تحكى التجربة الشعورية مع كل مطب و ملف فى ال vel satis و باقى العربيات

المشكلة والله يا هاني باشا ان ما شاء الله لا قوة الا بالله مفيش ولا مطب في الطريق

بس طبعا العربية وحش كفاية جدا الكرسي الكهرباء بتاعها بيتظبط في 10 اتجاهات

وبعدين والله يا هنو كتر الشغل كان مخليني عامله زي الدبانه الدايخه مش واخد بالي من اي حاجة بس ليكم عندي المرة الجاية ان شاء الله شوية صور تعجبكم

**Samir Elshahawy** · 14-09-2009 04:37 PM

المشاركة الأصلية كتبت بواسطة momo10000

حد يروح المغرب في رمضان ... اتقي الله يا عم محمد ... اللهم أني صائم.

علي كده ماكانش بيصوم , و كان بيفطر علي طول لأنه في المغرب بقي لأن العشاء و الفجر و الظهر مابيجوش هناك
:10d5c8~1107::10d5c8~1107::10d5c8~1107:

-

-

-

الموضوع: واخيرا رأيتها راي العين

LinkBack

أدوات الموضوع

عرض

واخيرا رأيتها راي العين - انشر الموضوع فى :

-

-

-

-

المواضيع المتشابهه

نعم .. رأيتها .. و اثارت فى نفسى مشاعر خاصة جدا....

واخيرا جبت الاوبتراااااااا

رأيتها فاحببتها فبحثت عنها وجدتها

من أغرب الفديوهات التي رأيتها "سبحان الخلاق العظيم "

أغرب22حيوان بالعالم !!! هل رأيتها‏ صور سبحان الله

الكلمات الدلالية لهذا الموضوع

المفضلات

المفضلات

ضوابط المشاركة