صباح الخير وائل باشا عطيه لو سمحت أرجوا أن تفيدنى عن مواصفات الاسبيرانزا 516 لانى بفكر فى الشراء حتى لما زاد السعر لموديل 2008 وهل تستاهل الشراء ولا أى كلام ومنظر فقط لانها من الخارج ممتازه بس من الداخل الله أعلم بيها :?:
عرض للطباعة
صباح الخير وائل باشا عطيه لو سمحت أرجوا أن تفيدنى عن مواصفات الاسبيرانزا 516 لانى بفكر فى الشراء حتى لما زاد السعر لموديل 2008 وهل تستاهل الشراء ولا أى كلام ومنظر فقط لانها من الخارج ممتازه بس من الداخل الله أعلم بيها :?:
بص لو عايز عربية فيها كل الامكانيات وبسعر رخيص يبقى عليك واسبرانزا
بس العيوب لا حصر لها وكل عربية لها عيوب مختلفة عن الاخرى :D
وغالبا بعد 3 سنين هتصاحب الميكانيكي وتكون معاه ولا Best friend :D
ابعد عن الشر وغنيله وخليك احسن في الفرنا او الانوس
اوافقه الرأي عربيه تعبانه
اكيد في احسن كتير ونصيحه اشتري لانوس
للعلم العربية واخدة المركز الاول وبجدارة في المشاكل
دي ال 128 ما بتعملش المشاكل دي كلها انا اشترى لادا احسن من اسبرانزا بكتيير موت
بلاش العربية دية على الأقل فى الوقت الحالى
بما إن حضرتك سألتني شخصياً، يبقى الأمانة تخليني أقولك وبناءً عن تجربتي المريرة مع هذا التوكيل " الزفت " أقول لحضرتك ابعد عن العربية دي في الوقت الحالي، لو حضرتك مشغول ومش بتاع وجع دماغ
إنما لو عندك وقت ومشاغلك قليلة وهاتقدر كل شوية تنط ليهم وتاخد حقك بالتباتة والرخامة (وبرده مش هاتاخده كامل) يبقى في الحالة دي اشتريها، لأنها كويسة على قد فلوسها وكمان منحنى مبيعاتها في ازدياد....ولكن سيبقى دائماً شيئ في صدرك بالتوجس خيفة إنها ممكن تقل بأصلها في أي وقت وحضرتك طبعاً عارف أصلها الصيني الي مش كلنا بنتقبله بسهولة.
أشكركم جزيلا على الرد وشكر خاص للمعلم الكبير وائل عطيه على سرعه الرد وعلى الدقه وأنا سوف أستمر شويه بعربيتى ال31 بيقى أجيب حاجه أعلى شويه بدل المرمطه ووجع الدماغ لانك يا وائل باشا رضيت بدبلماسيه يعنى من وراء الكلام عايز تقول أنى اشترى تكتك أفضل وهو نرزق على السكه مش كده ولا أيه :wink:
نصيحة مني كل العربيات قرف وقرف حتي لومعاك مرسيدس بلذات هنا في مصر
المشكله الصينى عموما هو جودة المواد المستخدمه فيها وعمرها الافتراضى قصير ومشاكلها بتيجى بسرعه