3000 لفة في الدقيقة

**bishoy02010** · 15-09-2009 01:48 PM

متابع باهتمام

**Samir Elshahawy** · 15-09-2009 01:55 PM

المشاركة الأصلية كتبت بواسطة el prince

بس فيه ناس كتير بتقول ان الواحدما يحاولش يزود عن 3000 ار بى ام علشان المكنه تعمر !!
هل ده مايتعارضش مع دكهوه ؟؟

تزود السرعة تدريجيا مع محاولة رفع عدد اللفات الي اكثر من 4000 لفةبما يعني حوالي 80 % (6000 لفة/دقيقة) و لمدة حوالي 5 دقائق

5 دقائق مش علي طول
و بعدين ممكن تمشي الي 4000 لفة علي الخامس أيه المشكلة , و ده يخلينا نتكلم علي تغيير السرعة من السرعات العالية الي المنخفضة

لأنك لو بتسافر علي طول و بتمشي علي سرعة عالية بأستمرار يبقي المفروض خلال المشوار تقلل من سرعتك شوية كل فترة علشان تريح الموتور و ماتجهدوش و علي فكرة ده بيحصل طبيعي زي ماسبق و قولت قبل كده لما بنضطر نهدي في الملفات أو نتيجة للزحام علي الطريق أو لما بنحس أن فيه رادار أو داخلين علي لجنة

**Samir Elshahawy** · 15-09-2009 01:58 PM

المشاركة الأصلية كتبت بواسطة MMamdouh

الله ينور عليك... كلاكيت تانى مرة

MMamdouh

يافندم من بعض ماعندكم , برضه من جاور السعيد يسعد

**El Prince** · 15-09-2009 02:37 PM

شكراً يا أساتذه ..

هما شالوا زرار الشكر ليه ؟!!!

**MMamdouh** · 15-09-2009 04:28 PM

المشاركة الأصلية كتبت بواسطة El Prince

بس فيه ناس كتير بتقول ان الواحدما يحاولش يزود عن 3000 ار بى ام علشان المكنه تعمر !!
هل ده مايتعارضش مع دكهوه ؟؟

دكهوة ملش دعوة بدكهما

لو كان 3000 لفة هى اللفات القصةى للمكنة للحفاظ عليها مكنش الrev limiter اتعمل عند 6500

الموضوع يرجع للاستهلاك و الصيانة... يعنى لو بتعدى 3000 باستمرار حتستهلك مكنتك اسرع من اللى مبيعديش 3000... مش معنى كدة ان اللى بيعدى 3000 غلط او ان اللى مبيعديش صح

اللى بيعدى حيستهلك الموتور بشكل اكبر لكن مش حيفوت المكنة او يطير وش سلندر مثلا... العربية فيها لحد 6500 و حيستهلك بنزين اكتر نتيجة اللفات الاعلى... بس اللى بيعل كدة لازم ياخد بالة انة يراعى اية كويس و يعمل الصيانات فى مواعيا و يفضل على الحد الادنى لو فيه حاجة من الصيانات ليها حد اقصى و ادنى عشان يعود الاجهاد الزيادة بتاع الموتور

اللى مبيعديش 3000 حيوفر بنزين و يقدر يعمل صيانات فى الحد الاقصى للصيانة نتيجة الاستهلاك البسيط... مش معنى كدة انة يهمل الصيانات بحجة الاستخدام الخفيف... بالعكس... لو عربيتك بتستخدم بالشكل دة فى رحلات قصيرة و توقف و سير متكرر ز حرارة عالية (استخدام فى وسط البلد) يبقى لازم تغير الزيت فى فترات قليلة لان حصب تصنيف الكتالوج دة يعتبر استخدام قاسى... ايوة قاسى و اللى متفاجىء يرجع للكتالوج فى القسم اللى بيناقش تغيير الزيت

عشان كدة اللى يكتب فى اعلان عربيتة انها "استخدام طبيب" تعرف انها عربية مهرية و المكنة اتبهدلت الا اذا كان "الطبيب" بيعمل الصيانات فى مواعيدها و بيغير زيت فى الحد الادنى المسموح بية و انا طبعا اشك تماما فى كدة لانة لا فاضى للقصة دى ولا هو مستوعب ان "استخدام الطبيب" استخدام شاق

كمان العربيات اللى دايما بتبقى فى لفات قليلة بتعانى بعض الشىء من ضعف فى الاداء للاسباب اللى ذكرها المهندس سمير الشهاوى و بتحتاج مشوار قرص كل فترة عشان تفوق

MMamdouh