السلام عليكم ورحمة الله
عاوز معلومات عن السيفيا موديل 2001 او اقل ضرورى جزاكم الله خير وياريت اعرف عيوبها واسعار قطع الغيار وهل هى متوفرة ام لا وشكرا
عرض للطباعة
السلام عليكم ورحمة الله
عاوز معلومات عن السيفيا موديل 2001 او اقل ضرورى جزاكم الله خير وياريت اعرف عيوبها واسعار قطع الغيار وهل هى متوفرة ام لا وشكرا
مفيش حد عارف حاجة عن العربية
انا كاتب كل حاجة عنها كذا مره قبل كدة هنا فلى المنتدى ممكن حضرتك لو قلبت هتلاقيها او اعمل بحث عنها
عموما لو ملقيتش حاجة انا تحت امرك ..
انا دورت ملاقيت غير موضوعين هما 1- ا شتريت سيفيا 96 ، ممكن تشاركوني باللي تعرفوه عن العربية دي
2- مميزات وعيوب كيا سيفيا
ومستفدتش منهم بالمعلومات اللى عاوزها
انا عاوز اعرف العيوب اللى فى العربية ثانيا اسعار قطع الغيار وهل هى متوفرة ام لا وبالنسبة للموتور 1800 هل ينفع اركبة ام لا وشكرا على المشاركة
أنا سقت العربية دى لفترة من حياتى كانت موديل 99 , العربية كويسة و جميلة بس فيها 3 عيوب
1- جوان وش التكايهات كل شوية يبوظ و يحتاج يتغير و دى مش عندى لوحدى , مرة و ان بشتريه لتانى مرة لقيت واحد بيشتريه لسادس مرة ! , هو تغييره مش حوار كبير لكن حاجة مش مريحة
2- أداء فرامل العربية مش جامد , بس مش وحش
3- واطية الى حد ما على الأرض , فكنت بعانى مع المطبات
بس فيما عدا ذلك هيا جراية و بتسحب و تكييفها كويس و طالما محافظ عليها و على صيانتها هتديك شغل كويس
قطع الغيار غالبا كنت بتعامل مع الجندى أو نافع اللى فى شارع دمشق
انا بتكلم عن موديل 2000 او 2001 فقط وشكرا على مشاركتك ومستنى باقى المشاركات
معايا ال2000
مشكلة جوان اتحلت خلاص بتجيب جوان عالى و نوعية نضيفة و غيرتة ب 30جنية مرة واحدة من سنتين بعد مجبت العربية
قطع الغيار متوفرة و رخيصة و انا لسة قايلها فى موضوع متعلق ب السيفيا بردو من 5 دقائق
فرامل روعة
مع احترامى لحضرتك انا اول مرة اشوف حد ركب سيفيا و بيقول فراملها مش جامدة اكيد الى حضرتك ركبتها كانت فيها حاجة بايظة
العربية مش واطية خالص خالص العربية عندى بيقعد فيها ناس على بعضيهم و الحمد لله مبتحكش ف حاجة
اى شؤال تانى انا تحت امرك ..
شكرا على الافادة وبالنسبة للموتور 1800 سى سى هل بياثر على استهلاك بنزين جامد وبالنسبة لاداء العربية السحب والفرامل واية المشاكل التانية اللى فيها غير الجوان
انا كان معايا شيفيا موديل 2001 اول مالك و ده تقييمي ليها و بعتها عامله 90.000 كم :
1- العربيه ممتازه جدا في المجمل وواسعه جدا و تقفيلها كان ممتاز و خامات التابلوه كانت رائعه ماعدا في بعض السيارات الهوايات الاماميه تشققت من الشمس و ده بيحصل في كل العربيات
2- مغيرتش جوان وش السليندر و لا التاكيهات ده ولا مره
3- الفرامل فعلا كانت مش عاجباني و الدواسه واطيه شويه و قمت بتغيير الماستر الرئيسي و لم احصل علي فرق
4- الموتور زي الفل و السحب تحفه
5- الثبات كويس و لكن بيقل شويه علي السرعه العاليه يعني علي سرعة 150 كم/ساعه
6- قطع الغيار بصراحه غير معمره و ده اعتقد في كل الكوري مثال المساعدين يتم تغييرهم تقريبا كل 30 - 40 الف كم ..... طقم الفتيس يتم تغييره كل 40- 50 الف كم ... في ناس بتقول كده معدل كويس بس انا شايف ان ده معدل استهلاك عالي مقارنة بالياباني مع العلم اني كنت بستخدم قطع غيار كيا الكوري
7- استهلاك البنزين في حدد 200 - 220 كم للصفيحه مع ملاحظة ان السياره كانت تحتاج بنزين 92 حتي من ايام ما كان ب 140 قرش لان البنزين 90 بيبوظ السحب و بيبوظ كهربة العربيه
انا مغيرتش العربيه غير لما احتجت لفلوس و لما ربنا كرمني فكرت اجيب السيراتو علي طول ثقة في اسم كيا بس بصراحه جبت لانسر الشارك الجديده و اسف علي الاطاله
بالنسبة للفرامل فى تعديل بيتعمل فى الماستر بتاع الفرامل بيكون افضل فى الوقوف
ولاكن سى عندما تفرمل و يكون عجلتان من جانب واحد على رمال
علشان انا عدلت الماستر و بعد الخضة الى اخذتها لما العربية لفت منى فى اقل من ثانية بسبب التعديل عرفت انهم قاصدين الفرالمل تكون بتمسك امامى اساسى و خلفى فى وقت معين بعد الامامى بهفوات من الزمن
و باالتوفيق ياااارب
مشكورييييييين على المساعدة
يا باشا فعلا الدواسة تكون واطية و بتكون الفرامل زبالة بس دة ف حالة واحدة
لما بيكون العجل الخلفى عايز رجلشة
و دة ملوش علاقة بقوة الهاند
فرامل الرجل هى الى رجلشها بيضعف و فعلا انا برجلش كل فترة حوالى 3 شهور مثلا
و فى تعديل بيتعمل عشان تريح نفسة و فعلا قولتة ل عصام كان عامل موضوع تعديل الفرامل الخلفية و بقت فوق الروعة و بيكلف 400 ب الكتير التعديل دة
و انشاء الله هعمل التعديل دة بعد العيد
ب النسبة للمتور ال1800
هيركب منغير اى تعديل خالص هو بس تعديل الفرامل الخلفية دة عشان تكون افضل
ولاكن الفرامل بتاعتها فعلا مش وحشة خالص دى روعة و انا معجب بيها جدا ..
الثبات معايا فوق الرائع ولله لحد ال180 مع العلم انا عندى عفشة اسبور مش العادية الى بتنزل بيها و كلفتنى تقريبا 1600 و هى نوعها jykيبانى ....
انا تحت امرك ف اى استفسار ...
[QUOTE=max_ziro;3871993643]يا باشا فعلا الدواسة تكون واطية و بتكون الفرامل زبالة بس دة ف حالة واحدة
لما بيكون العجل الخلفى عايز رجلشة
و دة ملوش علاقة بقوة الهاند
فرامل الرجل هى الى رجلشها بيضعف و فعلا انا برجلش كل فترة حوالى 3 شهور مثلا
و فى تعديل بيتعمل عشان تريح نفسة و فعلا قولتة ل عصام كان عامل موضوع تعديل الفرامل الخلفية و بقت فوق الروعة و بيكلف 400 ب الكتير التعديل دة
ياريت اعرف منك موضوع التعديل دة وشكرا للافادة وربنا يجازيك خير
انا بردو معايا سفسا 2001
العربية كا مجمل حلوة
تكييف 9 - 10
ثبات 8 - 10
خامات وتقفيل 8-10
فرامل 7 - 10
استهلاك بنزين 8 - 10
عيوبها بالنسبة لي
العربية واطية بس مش قوي بس لما يركب معايا 3 مثلا بتبقي واطية جدا مفيش مطب مش بتحك فيه بس في ناس بتقولي ان ده عيب سوست العربية مش كده اصلا
انا لسا جايبها من 4 شهور وسافرت بيها مرسي مطروح مع الاسرة وكنا 5 في العربية مع الشنط وبصراحة مشفوتش منها حاجة وحشة انا فولتها قبل البوابات اللي في طريق مصر اسكندرية ووصلت وكان في تقريبا ربع التانك مع اني كنت ماشي متوسط سرعة 140
وسافرت بيها شرم قبل رمضان وبصراحة بردو ماعملتش معايا اي مشاكل
العربية جميلة
بالمناسبة انا في واحد صاحبي عايز يشتري عربيتي انا قولتله 43 في كده السعر ده كويس ولا ؟؟
السلام عليكم السيفيا فيها عيب خطير ما بيتصلحش الا بتغييره بجديد من التوكيل وهو : الجير بوكس ؟؟؟؟؟؟؟؟ بس
انا كنت مشتريها من حوالي 4 شهور ب 43.500
كانت عاملة 115000 كيلو ورشة كلها من بره وجوه مش رشه حاجة
وكاملة اوتو ماتيك