رجاء محتاج اثمن سيارة ريجاتا لانى ناوى اشترى

**amro1965** · 15-09-2009 12:54 AM

السلام عليكم ورحمه الله وبركاته
ماهو افضل سعر لريجاتا بحالتها الحالية فرضا انها حقيقه لحين المعاينة الجيدة ورفعها فى بنزينه وماهى افضل بنزينه تخرج لك نقرير شامل عن السيارة وماهى سعرها
مواصفات السيارة
نوفا ريجاتا استعمال راقى جدا مو 1989 زجاج كهرباء + سنتر + انذار + كاسيت و ساوند سيستم جامد جدا + جنوط اسبور + كاويش جديد و بطارية جديدة + عفشة جديدة و الموتور بحالة فوق الممتازة دواخل فبريقة بالكامل , السيارة لا تحتاج مصاريف نهائيا الوصف

السعر المعروض 23500 الف جنيه
اتمنى من جميع الاعضار مشاركتى فى مداخلتى واعطائى النصائح التى اركز عليها عند استلامى تقرير البنزينه عن حاله السيارة

**Dr. Halawa** · 15-09-2009 03:24 AM

ما فيهاش تكييف؟

**مواطن مصرى** · 15-09-2009 05:13 AM

طالما بدون تكييف يبقى السعر مناسب بشرط الحاله الجيده

**amro1965** · 15-09-2009 08:50 AM

شكرا جزيلا لمداخلتكم
لكن لم يجبنى احد عن افضل بنزينه داخل القاهرة الكبرى لرفع السيارة

**مواطن مصرى** · 15-09-2009 01:09 PM

ممكن تروح بنزينه شيل فى ش الهرم
بعد ميدان الجيزه هتدخل شارع الهرم هتمشى خمس دقائق و هتلاقيها ثانى بنزينه على يمينك
هما عندهم الجهاز اللى بيقيس قوه كبس الموتور و الجهاز اللى بيقيس الزوايا و بيدولك تقرير فنى كامل عن العربيه بحوالى 70 جنيه على ما اذكر

**M.FOUAD** · 15-09-2009 06:14 PM

لا يا فندم السعر عالي شوية السعر العادل لو فابريقة دواخل بالكامل 21 الف

**amro1965** · 16-09-2009 12:29 AM

شكرا على مداخلتكم القيمة
الملخص انها لا يمكن بأى حال من الاحوال ان تعلى عن 21 الف فى حاله لو المواصفات حقيقية
ايهما افضل لان بعض الاخوه قالوا لى تقرير البنزينه مش كافى
هل تقرير البنزينه ام فنى متخصص لان التخصص كتير فيه ميكانيكى وكهربائى وعفشجى وغيرة
برجاء الاهتمام بمداخلتى لانى عقدت النيه بأذن الله اشوفها مبدئيا معى تقيمى المتواضع والتقييم النهائى اما لتقرير البنزينه او المتخصص فى فحص السيارة
لعلم الاعضاء انا استفدت كتير من هذا الموقع من خلال الموضوع الخاص باعدادى لفحص السيارة مبدئيا بمفردى من خلال اطلاعى وكيفيه فحص كل كبيرة وصغيرة فى السيارة
وخرجت بتقرير يكون جاهز وادراج كل شىء عن السيارة للوقوف مبدئيا على سعرها
وانا اضفته فى مداخلتى ليكون مع أى عضو رايح يشيك على سيارة مستعملة ولكن يجب ان يقرأ المداخله الخاصه فى هذا الموقع لاعداد كخبير مبدى حتى لا يعطى عنك امام صاحب السيارة انك ضعيف تقنيا

موصف السيارةالوضع الحالىنسبه الحالهقيمه الاضافهملاحظاتممتازجيد جداجيدسىء1فابريقة دواخل وخوارج2الرخصه3ملكية السيارة4تاريخ انتهاء الرخصه5عدد الكيلومترات6طلاء السيارة7زجاج الابواب8قوانيس الانوار9الاكصدامات10عتب السيارة11الكارتيرات12ابواب السيارة13حاله الموتور14المساعدين15عفشه السيارة16الشكمان17قوائم السيارة18فرش الصالون19تابلوه السيارة20سقف السيارة الداخلى21فرامل يد السيارة22فرامل السيارة23شنطه السيارة24الدريكسيون25كاوتش السيارة26البطارية27ريداتير28تكيف السيارة29الكماليات30تكاليف قطع الغيار31مجال الصيانهقيمة المطلوب لوضع السيارة ف افضل صورة0السعر النهائى للسيارةاتخاذ قرار الشراء من عدمه 0

**M.FOUAD** · 16-09-2009 12:35 AM

لو انت تعرف سمكري معرفة كويسة جدا و متاكد انة مش هيبيعك و انة بيشتغل في عربيات حوادث هيبقى احسن من البنزينة و ارخص غير كدة البنزينة اضمن و ممكن كمان توديها لميكانيكي يشوف حالة المكنة و العفشة قبل ما تشتري

**amro1965** · 16-09-2009 01:02 AM

طيب سؤال اخير اخى العزيز
هل السيارة عفشتها قويه تستحمل مطبات وتضاريس منطقتى امبابه لان سيارتى الريتمو بعتها بسبب ان عفشتها ضعيفه
وهل هى ثابته على الطريق فى حاله السرعه المعقوله ولا لا
شكرا اخى العزيز على مداخلتك

**safsaf32** · 16-09-2009 02:15 AM

يا استاذى العزيز ....بالنسبه للريجاتا فهى عربية كويسه وعفشتها تمام وسريعه جدا وثابته على الارض
بس عيبها اللى انا لاحظته فيها هو قطع غيارها الخارجيه زى الاكصدام والفوانيس وحاجات كتير مش متوفره الا فى الوكاله وعزبه شلبى ودى بيخلى قطع الغيار مبالغ فيها .....العيب الثانى اللى ممكن اخده على العربيه دى ان فراملها ضعيفه شويه بالنسبه لمتورها وسرعتها ......فى النهايه اخى الكريم اما تحب تجيب عربيه ريجاتا اهم حاجه العربيه من بره ومن جوه كويسه يعنى مافيهاش تابلوه مكسر او فرش ابواب تعبان او اكصدام مكسر ....الخ اما العفشه والموتور امرهم سهل وقطع غيارهم متوفره ومش غاليه (ماعدا الكربراتير مش موجود منه جديد)