الموضوع: المارش بيعتل لما العربية تكون سخنة

غير الكهربائى

مشكلة مارش

السلام عليكم
عم zizo
أولاً : نصيحة أخوية طالما الكهربائي والميكانيكي كل واحد بيبعتك على التاني غير الإثنين لأن الأصل إن الصنايعي يفضل معاك لغاية ما يحل لك مشكلتك من ناحيته .
ثانياً : تعالى نفكر مع بعض واحدة واحدة :
_ غير ساعة الحرارة وركب واحدة تشتغل عند درجة حرارة 70 ( حمايا عامل كدة في عربيته ال 128) وبالتالي العربية ما توصلش حرارتها ل 90
_ حاول تخلي العربية ما تبطلش منك وإنت ماشي أو واقف في إشارة
_ في الغالب مشكلتك في المارش يعني مشكلة كهرباء ( عايز تتأكد من كدة خد العربية في منطقة هادية وواسعة وبطل العربية وهي سخنة فوق ال 90 درجة زي ما بتقول _ وهي سخنة كدة دورها زق ولو دارت على طول يبقى فعلاً المشكلة في المارش )فشوف كهربائي كويس عايز يشتغل موش بيتدلع أو عنده زحمة شغل فبيبعتك ( أعتذر عن اللفظ )
وأرجوك طمني

لو العربية بتصقف كهرباء معاك او سحبها ضعيف يبقي ممكن يمكون عيب كهرباء موتور و ده محتاج فيه ميكانيكي
لكن العيب الي عندك اعتقد انه من مخدات المارش لما المارش بيسخن بتمدد و متخليهوش يدور انت محتاج كهرباءي كويس و امين يفتحلك المارش و يشوف فيه ايه

المشاركة الأصلية كتبت بواسطة egyzizo

شكــراً جزيلاً على النصائح الثمينة ..
والمشكلة دى لما بتحصل العربية فعلاً بتدور زق بسهولة ، مجرد زقة صغيرة بتدورها
يبقى هابدأ بالمارش عند كهربائى تانى ، وأتابعكم بالنتائج ان شاء الله

بالنسبة لساعة الرادياتير ، فالساعة عندى بتشتغل على 70 فتبدأ المروحة تشتغل ، لكن بالرغم من كده العربية بتسخن لـ 90 والمروحة مش بتقدر تبردها ودى مشكلة تانية.

اعمل المارش و بعد كدة نشوف بس الطبيعي في الجو ده ان العربية توصل للـ 90 مع المروحة خصوصا لة في حتة زحمة

غالبا هى مشكلة مالرش، المارش فيه 4 حاجات ممكن اى واحدة فيهم تسبب العيب ده : شربونات وبوبينة ومخدات وجلب
انت محتاج كهربائى كويس يفك المارش ويشوف انهى جزء فيه اللى بايظ ويغيرهولك، او تشترى واحدج استيراد على بعضه